Te fundit
Federica Mogherini deklaratë të fortë: Ballkani të hyjë në BE. Jemi më të fortë pas Brexit
11 Maj 2017, 17:25Politika
TEMA
“Unë jam e sigurtë se e ardhmja e bllokut nuk do te jetë 27-ta, sepse do të kemi vende të reja anëtare. Mendoj për shtetet e Ballkanit, me të cilat jemi duke negociuar hyrjen në Bashkimin Evropian.
Shumë i referohen këtij procesi si zgjerim, unë vetë preferoj të flas për ribashkim të Europës” -Kështu e nis intervistën e saj për “La Stampa” shefja e diplomacisë europiane Federica Mogherini.
Bashkimi Evropian jo vetëm nuk do të zmbrapset, por përkundrazi, do të marrë hov të ri duke e hedhur vështrimin në mënyrë të veçantë tek aderimi i vendeve ballkanike.
Deklarata e fortë e a Mogherinit erdhi pas ndërhyrjes së saj të martën në OKB.
Ajo tha se pas referendumit mbi shkëputjen e Britanisë nga blloku europian, shumë kishin parashikuar që ajo votë do të shënonte fillimin e fundit.
Por të gjitha zgjedhjet e fundit, jo vetëm ato të Francës, theksoi Mogherini, kanë demostruar të kundërtën.
“Sigurisht ka probleme me të cilat duhet të përballemi, sepse shqetësimi i qytetarëve është real, por europianët kane nisur të kuptojnë se çfarë është realisht në lojë dhe francezët e thanë fort dhe qartë se mbështesin projektin europian, se duan ta rilancojnë, sepse e konsiderojnë pjesë tëzgjidhjes”, thotë Mogherini.
Pyetja e radhes u referohet vendeve të rajonit, të cilat shfaqen më problematike për nga situata e raporteve mes tyre apo stabilitetit. Anetaresimi i Serbisë, Malit të Zi dhe Kosovës mund t’i ndihmonte të kapërcenin problemet e fqinjësisë.
Mogherini sqaron se është edhe falë raportit me secilin prej këtyre shteteve me BE-në, që është arritur në masë të madhe të kurohen plagët e luftrave të përpara dy dekadave.
Rruga është ende e gjatë, e lodhshme dhe jo gjithmonë e sheshtë, thotë ajo, por jam e bindur se do të vazhdojë edhe falë faktit që secili prej tyre, ka një perspektivë të përbashkët në bllokun europian.
Lini një Përgjigje
Më të lexuarat
24 oret e fundit
Javen e fundit
Blog Tema
