Plas sherri: Drama pёr funeralin e Helmut Kohlit

Një ikonë politike që ka ndërruar jetë, një vejushë e re, fëmijë të distancuar, mbrojtës kontradiktorë dhe një luftë për të drejtën e interpretimit dhe trashëgiminë – të gjitha duket sikur të kenë dalë nga pena e një drame shekspiriane: Për t’i bërë nderimet e fundit ish-kancelarit të vdekur Helmut Kohl ka plasur grindja me shumë ngarkesë politike dhe emocionale.

Nga njëra anë është “vajza e tij”, siҁ e quante dikur Kohli – Angela Merkelin – një marrëdhënie, që sot citohet shpesh, sepse ajo konsiderohet si mishërimi i raporteve të vështira mes të dyve.

Merkel dhe Kohl, një marrëdhënie e ndërlikuar

“Kjo vajzë” –  sot kancelarja e Gjermanisë dhe kryetarja e partisë së tij kristiandemokrate (CDU) – nuk duhet të flasë në ceremoninë e përmortshme, njoftonte revista “Der Spiegel”.

Raporti mes Merkelit dhe ish-kancelarit pas tërheqjes së tij nga politika në vitin 2002 u ftoh ndjeshëm. Me fjalën e saj në valën e aferës së donacioneve të CDU-së, se “me veprimet e pranuara nga Kohl ai e ka dëmtuar partinë”, nisi edhe fundi i epokës së Kohlit, thonë sot analistët. Vetëm pak më pas kësaj Merkel mori përsipër kryesinë e partisë dhe më vonë u bë kancelarja e parë e RFGJ-së.

Ndonëse ajo e vizitoi atë me rastin e 80 vjetorit në vitin 2010 dhe e falënderoi atë publikisht për meritat e tij, pa të cilat “jeta e miliona njerëzve si edhe e imja deri në 1990 në RDGJ, do të kishte marrë një rrjedhë krejt tjetër”, Kohl nuk ia fali kurrë asaj. I njohur për kryeneҁësinë e tij, sipas së vesë së tij, ai disa herë e ka refuzuar propozimin që Merkeli të mbajë fjalim në varrimin e tij.

Maike Kohl-Richter, administratorja e trashëgimisë

Nuk ka qenë ky vendimi i vetëm i Maike Kohl-Rihter që ka tërhequr vëmendjen e opinionit  duke folur në emër të bashkëshortit të saj lidhur me funeralin publik të ish-kancelarit. 34 vjet më e re se burri i saj, ajo e pat njohur Helmut Kohlin në vitet e fundit të qeverisjes së tij në zyrën e kancelarisë.

Udhëtimi i fundit i Kohlit

Çifti u martua më 2008 pak vjet pas vdekjes së gruas së parë të Kohlit, Hannelore. Kurorëzimi u zhvillua jashtë rrethit familjar dhe me dëshmitarë sipërmarrësin e mediave Leo Kirch dhe ish-shefin e gazetës Bild, Kai Diekmann. Që pas një aksidenti para disa vjetësh, Kohl mbeti i lidhur pas karrikes së invalidit dhe nuk ishte në gjendje të fliste. Kësisoj në emër të tij fliste bashkëshortja, e cila interpretonte dhe mbronte interesat e tij.

Kohl-Richter dhe Merkel – njëra mbrojtëse e interpretimit të trashëgimisë së tij politike, dhe tjetra pasuese, restauratore dhe arkitekte e një politike, themelet e së cilës janë suksesi i tij më i madh, ribashkimi.

Në këtë matje forcash me politikën gjermane duket se Kohl-Richter ka humbur. Merkel lejohet në rolin e saj si kryetare e qeverisë të flasë në ceremoni, në të cilën do të mbajnë fjalim edhe presidenti i Komisionit Europian Jean-Claude Juncker, presidenti i Francës Emmanuel Macron dhe ish-presidenti i SHBA-së, Bill Clinton.

Varrim në tokë neutrale

Edhe përzgjedhja e vendit të varrimit shkaktoi habi: si i pari kancelar i Gjermanisë Kohlit, në vend të një ceremonie shtetërore tradicionale në Gjermani, do t’i bëhen nderet e fundit më 1 korrik përmes një ceremonie europiane. Ky funeral deri më sot unikal ka për qëllim të nxjerrë në pah meritat e tij për një Europë të bashkuar, nga ribashkimi i Gjermanisë e deri tek përpjekjet e tij për integrimin europian dhe themelimin e Unionit Monetar.

Në vend të varrit familjar pranë gruas së tij të parë të vdekur, trupi i Kohlit pas ceremonisë së përmortshme në Strazburg do të dërgohet në katedralen e Speyerit dhe do të varroset në varrezën pranë saj.

Megjithatë përzgjedhja e Speyerit nuk është fare rastësi, sepse ai ndodhet pranë qytetit të tij Ludvigshafen dhe Kohl ka pasur një raport të mirë me katedralen. Këtu ai u nderua me një ceremoni të posaҁme më 1998 pasi u tërhoq si kancelar.

Një shtet-mafie brenda BE-së

11:18 Politika

Flet koordinatori i PD: Basha e përplasi autobusin, s’mund të marrë timonin

10:52 Politika

FOTOT e rralla: Shqipëria në vitin 1982, një udhëtim në kohën e izolimit të madh

10:35 Politika

ANALIZA: Qarqet ku PD iku pikiatë

10:08 Politika

Një përgjigje për ftesën e kryeministrit

09:38 Politika

Rënia e PD-së është e pakthim. A do ketë edhe PS-ja të njëjtin fat?!

09:15 Politika

Tritan Shehu: "Ngrirja" e drejtë e Bashës, të përgatitemi për një opozitë të fortë

09:09 Politika

Kryebashkiaku i Lezhës: Topalli dhe Patozi hanin thonjtë duke pritur humbjen

09:08 Politika

Mustafa Nano guxon të kritikojë Fishtën për vargjet antisllave

00:07 Politika

"LSI forcë e parë", reagon për herë të parë Ilir Meta: Shumë shpejt do zbardhet e vërteta e 25 qershorit

21:58 Politika