Te fundit
Replikat Krimet e Rënda-Kryeministria/ Manja: Prokuroria shkeli ligjin me sulmin ndaj Ramës
24 Tetor 2017, 16:13Politika
TEMA
Deputeti i PS, anëtar i Këshillit të Mandateve, Ulsi Manja, ka reagur në lidhje me deklaratën e Prokurorisë së Krimimeve të Rënda e cila replikoi me kryeministrin.
Me anë të një statusi në Facebook Manja shprehet se Prokuroria shkeli ligjin dje me deklaratat politike, pasi një gjë të tillë e ka të ndaluar.
“Prokurorëve u ndalohet të bëjnë deklarata ose të japin mendime për veprimtarinë e organeve të tjera”, e jo më të sulmojnë Kryeministrin që mban një fjalim politik në një forum të partisë së tij”-shprehet Manja.
Statusi i plotë
Më kanë pyetur shumë njerëz a ka të drejtë prokuroria të bëjë deklarata politike si ajo e djeshmja, ja përgjigja ime:
Deklarata politike si ajo e djeshmja në mënyrë kategorike jo, madje as nuk duhet ti çojnë nëpër mend e jo më ti bëjnë publike në media sepse e ndalon Neni 9 paragrafi i 3 i ligjit “Për Organizimin dhe Funksionimin e Prokurorisë në R.SH” ku thuhet qartë dhe pastër, “ prokurorëve u ndalohet të bëjnë deklarata ose të japin mendime për veprimtarinë e organeve të tjera”, e jo më të sulmojnë Kryeministrin që mban një fjalim politik në një forum të partisë së tij !!! Besoj kaq e kupton edhe një që nuk është jurist!
Po kur prokurori e bën një deklaratë të tillë politike si ajo e djeshmja ç’farë pasojash ligjore ka ?
Kjo konsiderohet si shkelje e betimit të bërë solemnisht “për ti qëndruar kurdoherë besnik Kushtetutës së Republikës së Shqipërisë, ligjeve në fuqi dhe respektimit të rregullave të etikës profesionale në kryerjen e detyrës” , dhe në bazë të Nenit 148/dh të Kushtetutës së Shqipërisë , prokurori shkarkohet nga Këshilli i Lartë i Prokurorisë për “shkelje të rënda profesionale ose etike që diskretitojnë pozitën dhe figurën e prokurorit gjatë ushtrimit të detyrës”, respektivisht shkelen Nenet 37, 101/c dhe 102/ë të ligjit “Për Statusin e Gjyqtarëve dhe Prokurorëve në R.SH”.
As edhe për të kuptuar këto nuk duhet të jesh jurist i shquar mjafton të hapësh defterët e ligjit dhe i kupton gjithkush.
Kaq besoj mjafton o dashamirës të drejtësisë dhe ligjit për të kuptuar kush e ka shkel ligjin në këtë rast prokurori apo Kryeministri ! Ndoshta i kam rënë pak gjatë po kështu jemi ne juristët !
1 komente në “Replikat Krimet e Rënda-Kryeministria/ Manja: Prokuroria shkeli ligjin me sulmin ndaj Ramës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Deputet-prokuror, ose prokuror-deputet! Neni, te cilit i referohesh, flet per prokurorin/prokuroret si zyrtare. Pra, atyre u ndalohet te shprehin opinionet. Por, institucionin, ne kete rast Prokurorine per Krime te Renda, nuk e ndalon asnje ligj per te dhene shpjegimet dhe qendrimet e tij lidhur me komentet/kritikat/sulmet politike apo te cfaredo natyre qofshin.
Institucioni nuk eshte memec. Se ka qene i tille, ndaj edhe politika e ka mbytur zerin e institucioneve te drejtesise. Politika del e kulluar dhe gjyqtaret e prokuroret dalin e keqja e vetme e ketij vendi, vetem e vetem sepse ju si politikane paskeni te drejten ligjore te komentoni e linconi cdo gjyqtar e prokuror dhe ata nuk duhet te reagojne, se “ashtu eshte ligji”.
Pra, deputet-prokuror, ose prokuror-deputet, me mire qendro ne rrafshin politik dhe bej “zhurmuesin” ne studio, sesa flet per ceshtjet ligjore. Je shume i dobet dhe paske bere shume mire qe je larguar nga Prokuroria. Ben me pak dem ne politike se sa ne prokurori.