Te fundit
“Forca e ligjit” nisi nga Fieri, Xhafaj: Spastrim të plotë grupeve kriminale, sekuestrim aseteve të tyre
15 Nëntor 2017, 18:49Kronika
TEMA
Ministri i Punëve të Brendshme ka përshëndetur mbrëmjen e sotme nisjen e operacionit “Forca e Ligjit” që vuri në pranga tre persona. Përmes një postimi në rrjetet sociale, Fatmir Xhafaj shprehet se sot kemi një grup më pak nga listat e krimit.
“Në Fier u realizua goditja e parë e #ForcaELigjit: Një grup më pak nga lista e narkotrafikut, tashmë i asgjësuar. Përgëzime Policisë Fier dhe strukturave të Drejtorisë Qendrore për këtë sukses!
Të vendosur për spastrim të plotë të grupeve kriminale dhe sekuestrim të aseteve të tyre” – shkruan Xhafaj Operacioni “Forca e Ligjit’ ka realizuar sot goditjen e parë ndaj një grupi kriminal që në skedën operacionale figuronte me aktivitet në fushën e narkotikëve, në zonën e Fierit.
Në kuadër të operacionit janë ndërmarë një sërë masash tekniko–organizative e policore, për goditjen e veprimtarisë kriminale.
Nga strukturat policore të Drejtorisë Fier në bashkëpunim me Drejtorinë e Vlorës, Drejtorinë e Forcës së Posaçme Operacionale dhe FNSH, u finalizua operacioni policor i koduar “Grand”, ku u arrestuan në flagrancë 3 shtetas, të skeduar si anëtarë të ketij grupi me tendenca të theksuara kriminale në fushën e narkotikëve, vrasjeve e rrëmbimit të personit:
– Kujtim Kuçi, 45 vjeç, banues në fshatin Sulaj, Fier.
– Bashkim Ahmeto (Kuçi), 43 vjeç, banues në fshatin Sulaj, Fier.
– Dritan Tusha, 47 vjeç, lindur dhe banues në Shijak.
Në përfundim të veprimeve të para hetimore janë sekuestruar në cilësinë e provës material veç armëve të zjarrit dhe drogës, edhe:
– 4 automjete, njëra e blinduar;
– 2 armë gjahu;
– 1 dedektor valësh;
– shkop gome;
– 2 thika me përmasa të ndryshme;
– 8 telefona celularë;
– 900 euro.
10 komente në ““Forca e ligjit” nisi nga Fieri, Xhafaj: Spastrim të plotë grupeve kriminale, sekuestrim aseteve të tyre”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje shprehje thot qe 2 shqiptar ne nje mendje nuk i ben dot por ne kte rast vallaj dyshoj se do jet ndonje kundra.
Eshte veprimi me i zgjuar dhe me kurajoz qe mund te kete mare ndonjeher ministria e brendshme dhe ministri i saj per asgjesimin e krimit ne vend
Siguria dhe rendi kaq shume i munguar po i kthehen qytetareve te ketij vendi me ne fund.
Ky eshte veten fillimi
E keni filluar nga fieri ku grupet kriminale jane te shumta. Me plan dhe strategji, nuk besoj se ka shqiptar qe nuk e mbeshtet kte aksion. .
Kaq vite kemi pritur per ta degjuar kete gje.
Koha e te forteve ka ikur tashme.
Forca e ligjit do beje punen e saj
E mbeshteten nderkombetaret dhe qeveria si nisme dhe e shau opozita. Populli eshte me i qarte sot se kush punon e kush ben gam gam kot.
nuk kishte si te ndodhte ndryshe… ja dhe task forca i dha frytet dhe rezultatet e veta
Ata qe u arrestuan ne Fier jane vetem, lemizhde, bezhdila, therrime, ushtare. Kokat dhe bosat jane shoket e Armandos qe menaxhojne tenderat, se kush firme do te mare kete tender dhe kush ate.
Keta qe u arrestuan nuk i njeh askush ne Fier. Ndersa ……. kujt ja mban bytha t’u thote emrat… !!!???
hahaha,u cituan si ”kriminel” se mbanin me vete nje dyfek,shkop gome e 900evro……..!!!???
Pergezime policise te shtetit,per kete fillim te mbare per asgjesimin e grupeve kriminale!
Mbeshtetni policine o popull,mos degjoni fallxhoret e opozites,qe kurre nuk bene nje pune te mbare,por vetem vjedhje,krime dhe mburrje pa buke…