Te fundit
VIDEO/ Jep penallti në fund kundër Lazis, Tare debaton ashpër me arbitrin
26 Nëntor 2017, 21:06Sport
TEMA
Fundi i ndeshjes mes Lacios dhe Fiorentinës është shoqëruar me polemika të shumta, për faktin se gjyqtari kryesor, Davide Masa, akordoi një penallti në minutat shtesë të ndeshjes që i kushtoi Lacios tre pikët.
Babakar barazoi me gjuajtjen nga pika e bardhë të cilën kryesori e sinjalizoi vetëm pasi pa pamjet e VAR për një faull të Kaicedos.
Protestave të futbollistëve të Lacios u është shtuar edhe ajo e Igli Tares, i cili ka zbritur nga tribuna për të hyrë në fushë pas vërshëllimës përfundimtare të takimit.
Drejtuesi shqiptar i Lacios iu vërsul gjyqtarit kryesor që po largohej nga fusha me fjalët “Çfarë pe ti?”, duke iu referuar qartësisht vendimit për të sinjalizuar penalltinë që vulosi barazimin përufndimtar 1-1.
Një skenë e cila me siguri do t’i kushtojë ndonjë gjobë apo edhe ndonjë pezullim Tares, siç u ka ndodhur më parë drejtuesve të tjerë të skuadrave në Itali për ngjarje të ngjashme.
Lini një Përgjigje
Më të lexuarat
24 oret e fundit
Javen e fundit
Blog Tema
