Te fundit
Asani: Partizani zgjedhja e duhur, me Teutën duam vetëm fitoren
6 Dhjetor 2017, 13:19Sport
TEMA
Mesfushori i Partizanit Jasir Asani doli sot në konferencën për shtyp në prag të ndeshjes me Teutën ku foli për ecurinë e skuadrës në këto javë si dhe për përgatitjet e ndeshjes të së dielës ndaj durrëskëve.
Aasani deklaroi se skuadra do të ringrihet dalëngadalë si dhe nuk e fshehu dëshirën për të fituar titullin kampion. 22-vjeçari foli gjithashtu edhe për sulmuesin brazilian Lukas, i cili pritet t’i bashkohet skuadrës së kuqe gjatë merkatos së janarit.
Si po e ndjen veten te Partizani?
Që kur erdha në fillim te Partizani e dija se më pret një punë e madhe në skuadër dhe të gjithë lojtarët më kanë mbështetur maksimalish nga dita e parë dhe ngadalë-ngadalë jam duke e kapur formën që më duhet të arrij.
Si janë pritshmëritë tuaja me skuadrën, e prisnit më mirë apo më keq?
Unë kam shumë shokë te Partizani si Benjamin Shabani, Ylber Ramadanin ata më kanë folur shumë për këtë skuadër dhe dëshira ime ishte të luaj dhe të ndihmoj klubin. Jemi në një situatë jo të mirë në renditje, pasi Partizani duhet të jetë në vendin e parë, por besoj se të gjithë lojtarët e dinë që duhet të japim maksimumin skuadra të jetë në vendin e parë.
Ju flisni për vendin e parë, por trajneri ka thënë se Partizani ka dalë nga ky objektiv…
Është ende faza e dytë për tu luajtur. Është shumë shpejt për të thënë që kampionati ka mbaruar për ne, pasi jemi duke u ringjallur dhe fitoret po vijnë. Besoj se do të arrijmë vendin e parë, pasi për ne nuk ka mbaruar kampionati dhe të gjitha ndeshjet janë finale. Të dielën luajmë ndaj Teutës dhe do japim të gjithë maksimumin.
Teuta nuk po kalon një formë të mirë, por “i mbytur të mbyt”. E shihni të vështirë takimin me durrsakët?
Ne në çdo ndeshje do të japim maksimumin për të fituar, pavarësisht emrit të kundërshtarit.
Ke luajtur mirë ndaj Skënderbeut, po ju pamë të mërzitur kur u zëvendësuat. E ndjeni se mund të luani gjatë 90 minutave një takim?
Kur erdha ditët e para nuk kisha shumë përgatitje dhe u desh pak kohë që të arrija formën e duhur, por tani forma ime do të vijë duke u rritur.
Ndiheni mirë në pozicionin ku luani?
Po ndihem shumë mirë dhe jam i kënaqur. Gjithmonë kam luajtur në atë pozicion dhe mund të kthehemi atje ku duam.
E ndieni mungesën e një sulmuesi
Jo mirë jemi, gjithë ekipin e kemi korrekt dhe dalë nga dalë do ringirihemi. Do rikthehemi te fitoret.
Te Partizani pritet një sulmuesi nga Pelisteri. Duke qenë se e njihni mund ta na thoni diçka?
Kemi luajtur kundër Lukas dhe është superlojtar dhe besoj se do ta na bëjë punë. Por, tani për tani duhet të mendojmë për ndeshjet e radhës.
Lini një Përgjigje
Më të lexuarat
24 oret e fundit
Javen e fundit
Blog Tema
