Te fundit
DETAJET: Shefi i reanimacionit tregon gjendjen e 23-vjeçarit që qëlloi të dashurën dhe veten
22 Janar 2018, 12:40Kronika
TEMA
Mjeku i Spitalit të Traumës Jorgo Margo ka folur mbi shëndetin e 23-vjeçarit Aldison Beluli që vrau të dashurën dhe më pas qëlloi veten.
Ai ka pohuar se gjendja e tij është e rëndë dhe se rrezikon vdekjen nëse truri vazhdon të ënjtet.
Më tej shefi i reanimacionit bëri me dije se pacienti ka 2 plagë në kokë që kanë shkaktuar jo pak dëme.
“Pacienti ka dy plagë të cilat kanë shkaktuar jo pak dëme tek i sëmuri. Kemi thyerje të kockave të fyturës, kemi dëmtime të bazës së kraniumit, të rrënjës së hundës dhe dëmtime intrakraniale ose të trurit.
Është një zonë e madhe hemorragjike nga ana e djathtë por më e dëmshme është edema e gjithë trurit.
Nuk është problemi se i ka kaluar plumbi por është në rrezik sepse procesi i ënjtjes ose edema i merr jetën. Nëse kjo vazhdon truri mbyt veten dhe këtu është edhe vdekja.
“Ne pamë që ka dy vrima, dy plagë me dy plumba, por janë probleme më tepër balistike, që ka kush i interpreton ne na takon të flasim për ato dëmtime që janë të rënda. Flasim për një prognozë jo të mirë.
Është trajtuar që në ardhje, ka qëndruar në urgjencë deri në mëngjes.
Është i intubuar me frymëmarrje të drejtuar. Sot në mëngjes ka shkuar në reanimacion, të shpresojmë që të mos progresojë enjtja e trurit. Është në koma, nuk ka lëvizje.
Është vendosur menjëherë në komë me ilaçe. Këtu nuk mungon asgjë, nuk besoj se transferimi jashtë do të sillte përmirësim.”, tha Margo.(TemA)
1 komente në “DETAJET: Shefi i reanimacionit tregon gjendjen e 23-vjeçarit që qëlloi të dashurën dhe veten”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Uroj te vdesi da me shpejt…shkerdhate nga formimi e nga kultura si nje plak 120 vjecar. Kriminel i ndyre!