Dialogu me Greqinë, Rama i përgjigjet LSI-së: Patriotë me çizme të çamëristë, jeni të mjerë që meritoni veç mëshirë

Kryeministri Edi Rama i është përgjigjur deklaratave të LSI-së lidhur me paktin detar më Greqinë.

Përmes një statusi në rrjetin social Facebook, Rama shkruan se akuzat janë qesharake duke i ftuar të bëjnë durim deri sa marrëveshja të konkretizohet e zeza mbi të bardhë.

“Patriotë me çizme e çamëristë të sapongjizur në kazanin politik e mediatik, pasi i lanë poturet për çerekshekulli varur në telin e fqinjit dhe harruan edhe detin në shtëpinë e tij, na janë ndezur sot flakë e zjarr për të bërë shkrumb e hi qeverinë, në turrën e akuzave për tradhëti!

Janë të mjerë që meritojnë veç mëshirë, po kujt ndër ju shqetësohet prej çizmeve të patriotizmës së tyre pa din e as iman, i them bëj durim edhe pak e prit, sa të shkruhen gjërat e zeza mbi të bardhë në dokumentet e marrëveshjes së re me fqinjin.

Dhe ndërkohë mos dysho hiçfare se ne që ditëm t’i hapëm me kurajo e dinjitet, hesapet e 70 vjetëve me fqinjin, ne dimë edhe t’i mbyllim ne dinjitet e mirëkuptim, në interes të Shqipërisë e të shqiptarëve pa dallim??” nënvizon Rama.

Ndërkohë, më herët në një status në rrjetin social Facebook, kreu i grupit parlamentar të LSI-së Petrit  Vasili  tha se Rama duhet të largohet nga drejtimi i qeverisë pasi sipas tij shefi i qeverisë gënjeu për çështjen e kufirit detar me Greqinë.

“Kryeministri u çorr për kufirin detar me Greqinë, tani të largohet se gënjeu. Kryeministri ka klithur e ulëritur deri në neveri për çështjen e kufirit detar me Greqinë.

Gjeti edhe tradhtarë e armiq të popullit. Po sot të gjithë mësuam se ujërat greke do të zgjerohen me 12 milje.

Përfundimisht ky kryeministër mbetet gënjështar pa shërim sic gënjeu edhe për çështjen çame.

Ka vetëm një këshillë lidhur me këtë individ, që është sinonim i gënjeshtrës: MOS E BESONI!”, ka shkruar Vasili.

Nga radhët e LSI-së ka folur edhe ish-ministrja e Integrimit Klajda Gjosha.

“Kush janë arsyet që Ministri ynë i Jashtëm në 24 orët e fundit ka mashtruar për bisedimet me Greqinë? Komisioni Jashtëm, dëgjoi dje për rreth 3 orë, përrallat e kësaj qeverie për një arritje historike me palën greke.

Dëgjuam mashtrimet për diskutimet mbi cështjen Çame, kur në deklaratat e fundit të Ministrit Kotzias, duket se pala greke nuk ka kryer asnjë diskutim për një cështje që Greqia, sic deklaron ai, nuk e njeh!

Dëgjuam për marrëveshjen e detit, aq shumë të sulmuar deri më sot nga të njëjtët individë, ku e njëjta retorikë u përdor edhe dje! Sot po kuptojmë se Shqipëria paska falur edhe 12 milje të tjera të ujrave Shqiptare!!!

Cfarë po ndodh? Edhe sa mashtrime të tjera jemi të detyruar të dëgjojmë deri në Prill kur të përfundojnë marrëveshjet mes palëve?

Gjithcka qe kërkuam ishte pak transperencë për hir të qytetarëve shqiptarë. Jo transparencë që nuk ka por mesa shoh qënkan të gatshëm të shesin edhe shpirtin e qytetarëve tanë për interesa të ngushta personale!” shkruan Gjosha.

Ndërkohë më herët ka reaguar ashpër edhe PDIU që ka kërkuar transparencë mbi procesin e bidedimeve me fqinjët. Kjo forcë politike i ka dërguar mesazh edhe ministrit të Jashtëm Nikos Kotzias mbi ekzistencën e shqiptarëve të çamërisë.

“Kemi ndjekur me shumë vëmendje takimet për zgjidhjen e problemeve që ekzistojnë mes Shqipërisë dhe Greqisë.

Për Çështjen Çame ka një ligj të Kuvendit të Shqipërisë që në vitin 1994 për njohjen e 27 Qershorit si dita e Genocidit mbi Shqiptarët e Çamërisë.

Parlamenti i Shqipërisë e ka përcaktuar qartë, pa ekuivoke si Genocid atë çka ndodhi mbi shqiptarët e Çamërisë.

Po ashtu, ka dhe një rezolutë të miratuar në vitin 2012 për Çështjen e shqiptarëve të Çamërisë detyruese për çdo qeveri.

Të gjithë forcat kryesore politike e kanë në program zgjidhjen e Çështjes Çame si çështje e të drejtave të njeriut.

Madje, theksojmë se forca kryesore në vend kanë propozuar dhe projekt-rezoluta, ku kryeministri do raportonte çdo gjashtë muaj për ecurinë e zgjidhjes së Çështjes Çame.

Komisioneri Han një vit më parë inkurajoi në mënyrë të drejtpërdrejtë , zgjidhjen në tryezën e bisedimeve Shqiptaro – Greke të çështjes Çame .

Ministri i Jashtëm grek deklaroi se Çështja Çame nuk është pjesë e bisedimeve për zgjidhjen e problemeve dhe ajo nuk ekziston.

Ministria jonë e jashtme është e paqartë në verbin e saj publik për çka ka biseduar për Çështjen Çame.

Kërkojmë publikisht nga Kryeministri dhe Ministria e Jashtme të informojnë shqiptarët dhe në veçanti ata çamë – për ecurinë e bisedimeve për një nga çështjet më të ndjeshme për mbi 300 mijë qytetarë të tyre, të cilët presin që autoritetet shqiptare të trajtojnë me detyrim kushtetues e reciprocitet zgjidhjen e kësaj çështje, ku u masakruan 20 përqind e popullsisë dhe 80 përqind e saj u shpërngul në një pastrim etnik të paparë në Europë.

Kërkojmë nga Ministria jonë e Jashtme që duke kryer detyrim kushtetues për reciprocitet, të na informojnë për kërkesën e Shoqatës “Çamëria” për ngritjen e një permendoreje përkujtimore dhe varrezë për mijëra pleq, gra e fëmijë çamë që nuk u vranë në luftë, por në pragun e shtëpive të tyre.

Presidenti i Greqisë në mënyrë të përsëritur kërkon respektimin e të drejtave të njeriut për pakicën greke në Shqipëri, ndërsa nuk ka asnjë problematikë të tillë në vendin tonë, përkundrazi në vendin e tij nuk njihet asnjë minoritet.

Ndaj, i kërkojmë ministrit të Jashtëm për reciprocitet çfarë u bisedua për kerkesën e kahershme tonën për të kërkuar dhënien e statusit të minoritetit etnik shqiptar – popullsisë shqiptare çame që jeton sot e kësaj dite në trojet e veta në Artë, Pargë, Volë, Filat, Paramithi, Margëlliç, Gumenicë e gjetkë që politikanët shqiptarë i takojnë çdo vit, kur shkojnë me pushime në vendin fqinj e bisedojnë shqip me ta.

Kërkojmë të informohemi që bashkë me Ligjin e Luftës a është biseduar për heqjen e efekteve të ligjit të luftës që me një sërë ligjesh-pasojë, kur më i fundit është ai i vitit 1998 për kadastrat greke që pamundësojnë kthimin e pronave të grabitura me forcë.

Ne kemi besuar me durim që qeveritë shqiptare dhe forcat politike do të zgjidhnin me seriozitet e detyrim kushtetues Çështjen e bashkëkombasve të tyre çamë.

Mesa duket zotit Kozias duhet t’ia tregojmë përsëri që Çështja Çame egziston dhe shqiptarët e Çamërisë egzistojnë nga Zoti, pavarësisht se ju u munduat t’i zhdukni.

Por, duke ndjekur të gjithë hapat e duhur ligjore, padyshim dhe protestat e çdo formë tjetër të arsyeshme e demokratike jemi gati t’ia u tregojmë se Çështja Çame egziston e kërkon drejtësi europiane, por edhe çdokujt që mendon se mund ta përdorë sipas interesave të ditës apo të bëjë pazar me këtë Çështje apo çdo Kali Troje që harron që asnjë nuk mund të negociojë për ne, përveçse Shoqatës “Çamëria” dhe PDIU.

Ndryshe turpi i historisë dhe jo vetëm do të bjerë mbi çdokënd që mendon se mund të lozë, të bëjë pazar apo mund ta lërë apo marrë këtë çështje.

Urojmë shumë si gjithë shqiptarët që ky të jetë viti i Skënderbeut dhe jo i Hamzait!” shkruhet në deklaratën e PDIU-së. (TemA)

Burgu i Reçit në Malësi të Madhe: Aty ku BE dha 14 milionë euro për të mbyllur “peshqit e mëdhenj”

14:36 Politika 1 koment

Pas denoncimit të LSI, Niko Peleshi shkarkon menjëherë drejtorin në Korçë (emri)

14:29 Politika

Basha nxin Shqipërinë në PPE: Ja pse nuk hapen negociatat me Edi Ramën

14:34 Politika

Vasili i zhgënjyer me kryeministrin: Rama të largohet, me gënjeu për kufirin detar me Greqinë

13:48 Politika

PDIU përgjigje të fortë ministrit grek Kotzias: Çështja came ekziston dhe kërkon drejtësi europiane, u munduat t’i zhdukni por...

13:41 Politika

Aeroporti i Vlorës: Deputeti i PD-së rrëzon Bashën, bashkon votën me PS-në

13:19 Politika

"Deti dhe çështja Çame", flet Kotzias: Ja çfarë u arrit në bisedimet dypalëshe në Korçë dhe Kretë

12:59 Politika

Vota në OKB, Ruçi mbledh Konferencën e Kryetarëve pas kërkesës së PD

12:41 Politika

Opozita kundër aeroportit të Vlorës, Shehi jep shpjegimin epik: S’dua investime turke, as turbulenca të...!

12:36 Politika

I akuzoi se "këta duan çizme”, Kryemadhi reagon ndaj Ramës: Sa qesharak je! Ndjen kënaqësi kur mashtron...

11:43 Politika