FOTOT: "Vlora një nga polet më të rëndësishme turistike"

Ministrja e Kulturës Mirela Kumbaro ka inspektuar punimet që po kryhen në Qendrën Historike të Vlorës, ku u shpreh se pas përfundimit të projektit kjo zonë do të kthehet në një destinacion të rëndësishëm për turistët.

“Një qendër e re turistike e komerciale në Vlorë, e cila nuk është vetëm mure e fasada. Punimet do të përfshijnë rrjetin inxhinierik e ate te ujësjellësit, bashkëpunim i bashkisë e fondacionit me qëllim që kjo të kthehet në qendër komerciale turistike. Vlora është nga polet më të rëndësishme turistike”.– u shpreh ministrja Kumbaro.

Rruga Justin Godard ka qënë rruga kryesore e qytetit në periudhën e Rilindjes së Pavarësisë Kombëtare. Cepi perëndimor i saj të nxjerr tek Sheshi i Flamurit, kurse ana lindore në Lagjen Partizani në drejtim të Babicës ku ka shumë foto të hyrjes së luftëtarëve më 1920. Shtëpitë janë me dy kate, me ballkone të vegjël të stilit neoklasik.

Degëzimet e rrugëve sekondare të çojnë tek ish-pazari, “lagjja e hebrenjëve”, klubi “Laberia” dhe ish-Sinagoga. Në fund, nga ana lindore ka qënë dhe xhamia e Tabakëve, më e madhja e qytetit. Rruga ka patur disa ndërtesa shoqërore në shekullin e XIX, si një sahat (kullë) dhe Posta e qytetit.

Kompleksi e ka marrë emrin nga juristi i njohur francez Justin Godard, i cili ka mbrojtur të drejtat e Shqipërisë në Konferencën e Paqes në Paris, më 1919. Godard ka qenë mik i shqiptarëve dhe ka ndihmuar dhe me fonde ekspeditën e arkeologut Leon Rey në Apolloni.

Ky projekt bëhet i mundur falë bashkëpunimit teknik dhe financiar me Fondacionin Shqiptaro-Amerikan për Zhvillim, sipas të njëjtit model me të cilin është punuar për rijetëzimin e Pazarit të Korçës, të Krujës, Gjirokastrës.

Rrëfehet spikerja e parë e televizionit shqiptar: Kur dëgjova fjalën “fillo”, m’u drodhën gjunjët

11:27 Kulturë

FOTOT: Ringrihet kisha e "Shën Thanasit" në Dhërmi

13:51 Kulturë

Studimi i Holokaustit: Dy të tretat e brezit të viteve 2000 nuk e dinë çfarë është Aushvici

13:39 Kulturë

Viti i Skënderbeut: Ministria e Kulturës shpall Konkursin Mbarëkombëtar të Krijimtarisë Muzikore

16:08 Kulturë

FOTOT/ Zbulohet raporti i ekspertëve: Godina e Teatrit Kombëtar rrezik për jetën e qytetarëve dhe aktorëve

13:30 Kulturë

Mbyllet gara për drejtor të Teatrit Kombëtar, Hervin Çuli triumfon mbi tre rivalët

19:12 Kulturë

VIDEO: Të luftosh diskriminimin përmes artit

17:20 Kulturë

Kjo është fotografia e rrallë shqiptare në arkivat e National Geographic në Washington

21:30 Kulturë

Shkrimtarja e njohur rrëfen sekretin e madh: Edi Ramën e kam dashuruar fshehurazi, isha 22 vjeçe kur e kisha pedagog dhe...

16:48 Kulturë

Sara Blloshmi - Si i skandalizonte burrat në vitet ’20 mbesa e Ismail Qemalit

20:26 Kulturë