Vëllai i Bashës merr “Ok”-in e Ramës, krijon biznes arsimor

Një zgjerim ekonomik i familjes së Lulzim Basha, në fakt vëllait të tij Erlindit që është i martuar dhe jeton më vete, pritet të bëhet pjesë e debatit publik në vend, sidomos pas standardit që opozita nisi me rastin e Fatmir dhe Agron Xhafajt.

Vëllai i Lulzim Bashës sapo ka marrë një leje të rëndësishme nga qeveria për të hapur një rrjet shkollash të famshme britanike në Shqipëri, një biznes që garanton sukses.

Lajmin e bën të ditur një nga portalet e njohura britanike, The Pie News, i cili është rrjeti informativ më i njohur për arsimin.

The Pie News  thekson se rrjeti i shkollave të famshme britanike King’s  ka ka dhënë franchize-n një kompanie shqiptare, përkatësisht firmës Sapaud, e cila ka si titullar dhe drejtor Eda Bashën, bashkëshorten e vëllait të kreut të PD-së, Erlind Bashës.

The Pie News shkruan se King’s Tirana do të hapë dyert e veta në shtator 2018 dhe do të sigurojë një arsim ndërkombëtar të përqendruar me një përzierje të kurrikulës shqiptare dhe britanike, për studentët lokalë nga mosha 2 deri në 13 vjeç. Ç’ka do thotë se e ka marrë licencën nga ana e Ministrisë së Arsimit. Në fillim për shkollë 9-vjeçare e më pas në të mesme dhe ndoshta edhe universitet. Pra që liçensa i është dhënë nga Ministria e Arsimit, dhe që sipas gjasave ka pasur edhe “Ok”-in e Edi Ramës.

Erlind Basha, para pak kohësh dha dorëheqjen nga vetting, duke deklaruar shkëputjen nga sistemi i drejtësisë, ku punonte prej kohësh si këshilltar në Gjykatën e Lartë.

Kjo shkëputje, siç bëhet e ditur nga media britanike, paska pasur si shkak pikërisht hapjen e një biznesi të madh. King’s Kolege është një emër i madh në Mbretërinë e Bashkuar ku shkollohen mjaft të rinj nga Shqipëria.

Marrja e kësaj marke nga familja Basha i garanton sukses në biznes, pasi prindërit do t’i shkollojnë fëmijët tek një shkollë që i siguron akses më të sigurtë në universitetin e famshëm britanik. Drejtori i shkollave King’s, Andrew Hutchinson tha për Pie News se “Ne jemi të kënaqur të mirëpresim kolegët dhe studentët tanë të rinj në komunitetin global të Mbretërve.

Partneriteti ynë me Sapaud ofron një mundësi për të punuar me një organizatë të re që i ndan vlerat tona dhe ka një vizion për të sjellë mundësi të shkëlqyera arsimore ndërkombëtare për studentët në Shqipëri”.

Ndërkaq, drejtoresha e Sapaud, kompanisë që do të menaxhojë shkollën, Eda Basha, tha se “partneriteti me King’s do të lejojë grupin të përmbushë ambiciet e tij për të rritur imazhin ndërkombëtar të Shqipërisë. Ne jemi një vend shumë i vogël, dhe ka më shumë arsye  që të kemi një perspektivë globale.

Qëllimi ynë është të pajisim të rinjtë tanë me ndërgjegjësimin, njohuritë dhe aftësitë që duhet të lulëzojnë në një mjedis gjithnjë e më ndërkombëtar dhe për t’i ndihmuar ata dhe Shqipërinë që të shfrytëzojnë më shumë mundësitë globale.  Ne jemi të kënaqur që kemi King’s si partnerë – ata janë duke na mundësuar që të realizojmë ambiciet tona”.

Pie News thekson se një ceremoni hapjeje pritet të zhvillohet këto ditë në një performancë me shumë bujë. Dhënie e licencës nuk është favori i vetëm që kryeministri Edi Rama i ka bërë Lulzim Bashës, pasi vetëm disa muaj më parë “i dha” 13 milionë euro për pallatin e prishur në Vlorë, ndërkohë që një vit më parë i dhuroi drejtimin e disa prej korporatave më të mëdha shtetërore për 6 muaj. (tesheshi)

Ylli Manjani: Jam dakord me Pandin, më mirë pa ftesë për negociata sesa shndërrimi i vendit në pikë grumbulli refugjatësh

16:27 Politika

Letra e Pittellës për kryeministrin Italian, reagon PS: Mbështetja e tyre konfirmon se Shqipëria meriton hapjen e negociatave

15:42 Politika

“600 mijë refugjatë në Shqipëri”, Majko: Përtej çdo gadishmërie e imagjinate, duhen bërë mirë llogaritë

15:22 Politika

VIDEO/ “Kam dy vite që të dëgjoj nga krevati”, gruaja qan para Ramës: S’më besohet që jam sot këtu, jam shumë e lumtur

15:06 Politika

Përplasja në komision, zbardhet debati pa mikrofon Veliaj-Vokshi: O Bana, ne kemi shkuar shkëlqyer bashkë

13:50 Politika

Berisha thirrje për revoltë popullore: O sot o kurrë duhet ta përmbysim Edvin Kristaq Ramën, të ngrihemi dhe ta shporrim atë

08:44 Politika

VENDIMI: Prokuroria kërkon 8 muaj burg për Tom Doshin

12:30 Politika

“Shqipëria ka kapacitet për 600 mijë refugjatë”, ish ministri i LSI: Ku i keni këto mundësi o miza kali? Jeni në terezi...

11:58 Politika

VIDEO/ Përplasje tek Ekonomia, Braçe irritohet me çunin e Fahriut: S’ka mbledhje sa të jesh ti këtu

11:52 Politika

Refugjatët, kur ironizon dhe Shkëlzen Berisha: Shqiptarët s’do kenë më nevojë të largohen (dhe udhëtimet e tij 'epike' bashkë me Arminën për turizëm)

11:50 Politika