Te fundit
Legjenda e rrugës së vjetër në fshat (tregim humoristik)
13 Korrik 2018, 18:33Antena
TEMA
Donin të prishnin një rrugë dhish në fshatin tim, për të bërë një rrugë të re me asfalt.
Kryeplaku mblodhi fshatin dhe u kërkoi mendim për ndertimin e saj.
– Te mos prishet rruga e vjetër. Atje une kam vrare gjunjët, kur kam qene i vogel, para 70 vjetesh…
– Ne ate rruge kemi lënë leshtë, u ngrit Loni…
– Ku ke lesh ti, o Loni, e ndërpreu nje bashkefshatar.
– Une jo, po dhitë e mia, vazhdoi ai.
Gjithë ato gjembace në atë rrugë te ngushtë, m’i kanë krehur dhitë.
Për hir të atyre kujtimeve, të mos preket ajo rrugë…
– E dini ju ju që ajo rrugë pa rrugë ka dhe deshmorin e saj?
Rahmetlliu Nasi rrëshqiti në të tatepjetën e saj dhe theu qafën.
Ndaj ajo ka marre emrin Nasi i Themies.
Si mund të vihet dorë mbi kockat e Nasit?
– Ju, bashkëkatundarë të mi nuk dini se cili do ta bëjë këtë rrugë.
Është njeri me emrin Mal dhe kjo është tallje e hapur me ne, që jemi fushë dhe e vetmja kodër e vogël është kjo e fshatit tone, foli nga vendi 80 -vjeçari Lakja.
– E, mor vellezer të mi, mori fjalën Kaçi, që njihej si hajduti i pulave të fshatit, po ishte llafollog,- po u bë kjo rrugë e re, iken delet dhe dhitë tona…
– Pse, pyeti Neri pa u çuar?
– Sepse do vijnë nga qyteti me makina e do na vjedhin bagetitë.
Me këtë rrugë të ngushtë që kemi sot, nuk hyn kush.
Mezi kalojme ne…
– Unë them të ndërtohet rruga e re në fshatin përballë, e mori fjalën Sala, i cmenduri i katundit.
Ne ta ruajmë këtë rrugicë, se ia kemi marrë dorën.
Se kjo rrugë më ka marrë mendte mua, kur u përmbys arkivoli i babait tim, që po e çonim në kishë…
– Besoj, – i ndërpreu diskutimet kryeplaku, – se të gjithë ju keni nostalgji për rrugën e vjetër.
Ajo është mbi 100-vjeçare dhe kemi prishur qindra e qindra pale opinga…
– I përjetshëm qoftë kujtimi i tyre, thirri me sa i hante zëri, Kaçi.
– Kuptova që ju doni t’ia ngecni xhadenë fshatit komshi, vazhdoi kryeplaku. Ashtu u bëftë…
Dhe u mor vendimi fshatshe që rruga e vjetër të mos preket…
Por fshati kishte disa djem në Tirane dhe kurbet.
Ata mblodhën ca para dhe një ditë mbërritën në katundin e largët një përfaqësi e tyre.
Morën një firmë ndërtimi, filluan punë me traktora dhe ekskavotora dhe për një kohë të shkurtër hapën rrugën e re.
-Po prisni mo djemë, ju nuk na pyetët fare për rrugën.
Ne kemi gjithë ato histori për t’u treguar, u tha kryeplaku.
Kemi bërë mbledhje për këtë punë.
-Përfaqësia do t’i dëgjoj të gjitha historitë, i tha një nga djemtë, traktori do bëjë rrugën.
Me vone katundi ngriti kengen e njohur:
Kur ne fshatin tone,
erdhi eskavatori…
Na prishi gjithë rrugët
Belaja na polli
Nuk ke me kë zihesh
Me rrugën e gjerë
Po të ish gjallë Nasi
Namin do kish bërë.
Na rrëshqasin lopët
Kur ti s’ke ku mbahesh
S’ke me kë të zihesh
S’ke me kë të shahesh
1 komente në “Legjenda e rrugës së vjetër në fshat (tregim humoristik)”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Teatri nuk prishet!