Ky është momenti kur dy të rinj i drejtojnë pistoletën dhe tentojnë t’ia vjedhin motoçikletën një polici i cili po përcillte për në shtëpi të dashurën e tij.
Megjithatë, edhe pse e godasin dhe e përplasin në tokë, polici arrin të ngrihet në këmbë dhe qëllon për vdekje njërin prej tyre, kurse tjetrin e plagosë rëndë.
18-vjeçari i njohur si Pablo Pereira Gomes, është qëlluar në bel dhe ka mbetur i vdekur në vend, kurse shoku i tij Lucas Matos de Oliveira, 22-vjeç, arriti të ikë nga vendi i ngjarjes pasi u godit me dy plumba në bark.
Disa momente më vonë i plagosuri u kap nga policia dhe u dërgua me urgjencë në spital.
Ndërkaq, polici dhe e dashura e tij shpëtuan pa ndonjë lëndim serioz.
Mësohet se “skifterët” nuk ishin në dijeni që motoçiklisti ishte polic dhe se me vete kishte armën zyrtare. (TemA)