Te fundit
INTERVISTA ndryshe e Ngjelës, flet për femrat shqiptare dhe tregon përse nuk është martuar
25 Korrik 2018, 12:35Lifestyle
TEMA
Spartak Ngjela ka dhënë një intervistë paksa ndryshe nga herët e tjera.
I ftuar në emisionin e Jonida Vokshit, “Thurje”, Ngjale ka rrëfyer për bukurinë femërore dhe se sa i meritojnë meshkujt shqiptarë, femrat shqiptare.
Ai po ashtu ka rrëfyer edhe arsyen se përse nuk ka preferuar që të martohet dhe të lërë trashëgimtarë.
Pjesë nga Intervista në “Thurje”:
Jonida: Doja të flisnim pak për femrat. Një pjesë e rinisë tuaj ka qenë në periudhën e Enverit, një pjesë në periudhën e demokracisë, a mund të na thuash si ka ndryshuar femra para 90’ pas 90’, përsa i përket inteligjencës, bukurisë?
Ngjela: Përsa i përket bukurisë është i njëjti kualitet, ndoshta është me shekuj kështu, sepse unë e kam ndjekur me vëmendje bukurinë tuaj, por përsa i përket nocionit të liberalizimit, liberal në kuptimin e mirë të fjalës, emancipimit, elita e femrave të Tiranës, ishte pothuajse si sot, në kuptimin e emancipimit dhe antimaskilizimit.
Nuk kishte beteja, se nuk kishte liri, beteja ka filluar tani. Ajo që kam vënë re me vëmendje është se atëhere nuk ishte shumë e hapur dashuria paramartesore, ishte dashuri plus martesë, ose dashuria baraz me martesë.
Dashuri që dështonin dhe që ishin shpallur nuk ishin shumë komode, por Tirana nuk e ndjente deri në këtë pikë, qytetet e tjera, po. Përsa i përket ndryshimit është që femra erdhi ta shumonte bukurinë në këto 20 vite te fundit, sot teza ime që ju them avokateve që punojnë me mua, në kuptimin e stafit, mendoj se bukuria është sheshit, intelekti është i rrallë.
Jonida: Ju madje keni thënë që femra shqiptare është me e bukura në botë…
Ngjela: Po është dhe unë ju jap prova për këtë. Sot, po të hapësh në Google, princesha Fevzia është femra më e bukur e të gjitha kohërave, e ka shpallur Hollywood para disa vitesh, është princesha shqiptare e oborrit të Egjipit dhe e deklaron vetë që është shqiptare. Më pas Irena Papas është shqiptare, ti i ngjan pak asaj, e kam fjalën te syri skenik.
Unë kam biseduar me njerëz që kanë ardhur këtu, më kanë thënë bukuria ështe padiskutueshme, klasi ende nuk është në nivelet e duhura.
Jonida: Çfarë duhet të bëjë një femër shqiptare që të ketë më shumë klas?
Ngjela: Nuk e ka në dorë femra, mashkulli nuk i krijon mondanitet, mungon jeta mondane.
Jonida: Nëse marim mashkullin shqiptar, sa e meriton ai femrën shqiptare?
Ngjela: Pyetja është e vështirë, mund të ta them kur të dalim jashtë, por po jap një fakt të vërtetë, një avokat më gjithë të shoqen që vinte nga një vend i rëndësishëm perëndimor, më mori në telefon e me tha do vij në Shqipëri, dua të më ndihmosh, ajo e shoqja kishte marrë një fond për të investiguar studentët shqiptarë, flas 4-5 vite më parë, unë i thashë studentët shqiptarë i ke të gjithë në kafene, kalo te rruga e Elbasanit , te Treni, te Materniteti, dhe te Sheshi Nënë Tereza, nëpër lokale etj, etj, detaje si këto. Mbasi mbaruam bisedën, i thashë të bëjmë një marrëveshje, dua pasi të mbaroni të vini të më thoni diçka rreth rezultateve.
Ata e kishin mbaruar dhe erdhën pas 10 ditësh. Midis të tjerash më tha gjetëm diferencë moshe, midis vajzës dhe djalit, minimumi kanë diference 12-13 vjet, femra është më e madhe, më bëri përshtypje sepse i njoh pyetjet për moshën nga profesioni, si e konstatuat i pyeta?
Gruaja më tha se meshkujt kanë humor infantil, të nivelit të fëmijës, kurse femrat rrinë të mërzitura. Ndodh si fenomen, femra ka diferencë në gjithë botën, por jo kaq të madhe. Në një bisedë që bëra me Kadarenë, i thashë që qytetërimi vjen nga gruaja, ai tha ‘do të na ndodhë si në Rusi’, ai ka qënë student atje, dhe ata e kanë këtë diferencë.
Jonida: Ndërkohë, ajo që më erdhi ndërmend është një shprehje juaja për femrën. Ju thoni, nëse deri në moshën 30 vjeç një vajzë si ngjan gruas do mbetet përherë vajzë.
Ngjela: Shprehja ime është “Bukurinë nuk e ka vajza, por gruaja”. Që të gjitha mikeshat e mia, sa janë vajza, s’ju pëlqen kjo gjë, kur bëhen gra më thonë ‘po e di që e ke të vërtetë’. Kjo është kryesorja, po duhet të jetë grua. Shprehja e dytë është “Ne s’kemi grua”, përjashtimi nuk rrëzon rregullin. “E bukur deri në fund”, në çdo etapë të vet duhet të jetë e bukur, madje kreshendo, bukuritë e mëdha na e kanë dhënë këtë shembull. Më e bukur 40 vjeç sesa 20, 21, dhe unë ju them atyre të njohurave të mia, bëjini yzmetin, ta keni deri në fund…
Jonida: Meqë po flasim për bukurinë femërore, së fundmi është fenomen që shumë femra bëjnë operacione plastike për të ndryshuar imazhin, diçka që nuk ndihen komode me veten duke u kthyer në shumë të ngjashëm me njëra- tjetrën, si e shihni këtë fenomen?
Ngjela: Sa më shumë do rritet shkenca e ndërhyrjes kirurgjikale, aq më masive do jetë, bukurinë e duan të gjithë, po t’ju them diçka, kam pas marrëdhënie pune me 2-3 avokate, dhe kur vinin të mërzitura në punë i thoja marrëdhënia më e keqe është me rrugën, po s’të panë ty në rrugë ti vdes, po unë nuk shoh që ty s’të shohin në rrugë ndaj kij mendjen këtu.
Këtë e kërkon çdo femër, ato që se kanë, e ndjejnë rëndë, ato që e kanë e kanë krenari sepse ky jetë është fenomen estetik dhe mendor.
Por, fenomeni estetik është e bukura që tenton të vërtetën, tani të vijmë tek e bukura që nuk tenton të vërtetën, por është krijuar në laborator apo sallë operacioni, nuk është se e dëmton atë qe e ka bërë se më mirë të jetë e pranueshme se e papranueshme estetikisht.
Jonida: Më gjithë këto përshkrime, detaje për femrën, pse nuk keni preferuar të martoheni, të lini trashëgimtarë?
Ngjela: Nuk dua që t’ja injektoj të tjerëve mendimin tim, por shkurt po ju them. Martesa është risk, duhet ta marrësh përsipër. Është risk i madh. Janë 2 gjëra të cilat tipi duhet t’i pranojë, dhe tipi nuk i pranon. Është risku i vazhdimësisë dhe bashkëjetesa e gjatë.
9 komente në “INTERVISTA ndryshe e Ngjelës, flet për femrat shqiptare dhe tregon përse nuk është martuar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ngjela, sado qe je nje ” marathonomak” i realitetit te shkuar dhe nje realist i pranueshem, modestine e treguarit jo shume kush e perkthen siç duhet, provincializmi dhe provincialet Ti nuk i perdor nen termin ofendues, por si pasoje e shtypjes se tyre gjate rregjimit te shkuar dhe sigurisht jo per faj te tyre. Ndeshem shpesh me tregime te kohes dhe per çudi asnje qe ka banuar jashte Tiranes nuk i beson guximit, mosbindjes , dhe talljes qe i behej rregjimit nga qytetaret e Tiranes. Kur po shkruaj keto rreshta mbas leximit tek Tema te artikullit Tuaj, sapo flisja me nje vendas ktu ku me tha: Ju te Tiranes jeni ” Aristokrater”… kushedi ne ç’ far kendi e shikojne o nga kepucet me taka te femrave qe i perdorin jo vetem kur zbresin nga makinat por edhe nga ecjet e gjata neper rruge..nga stili italian i veshjeve masive..dhe sigurisht qe kto e kuptojne se kjo menyre aristrokate nuk erdhi nwpermjet “kokedollapsheve” ..por ka nje trashigimi…Vendi ka me shume per Korithej si Ty zoti Ngjela…jeni pak shume pak..
undefined
Z.AVOKAT , ME E SAKTE DO TE ISHTE ,SHPREHJA ITALIANE
IL DESTINO !!!
O TAKU ja fut kot , kush ishte i zoti ne rinin e vet ne kohen e PPSHse i nderronte dashnoret dhe xhdo jav , por kishte dhe djem te mbytur qe i martonte baba , dashuria kurr nuk ka qen e ndaluar ne kohen e PPSHse , bile ka qen njemij her me e bukur se sot , se fmrat i kishim bio si i kishte ber nena , sot fut duret tek bythet dhe behesh telef duke ferku topat e silikonit ashtu me gjoksin por dhe kur e puth duhet kujdes se po e kafshove pak çahet silikoni , un per vete jam i kenaqur me rinin time , TAKU ka mangsi se ka qen ne burg , keni gjeur njeriun e gabuar qe pyesni per kte tem ,takun pyeteni per sot ,sot po i njef mir femrat. ne kohen e PPSHse kur dashuroje kishe pasion se ishte dhe kurioziteti tek trupi femres se te tera rrini te mbuluara dhe kur vinte puna qe i afroheshe afer kishe nje ndjenj te pa imagjinushme sot ngado rrotullohesh femrave dhe thive vetem vrimen e bythes i shef , se te ra rrin zbulut me nje derxhe qe vete kuriozitet nuk ke per femrat sot ,se ja shikon te tera rruges ,sot nuk ka dashuri ,dashuria nuk blihet mùe para nuk ndrrohet me interesa monetare ajo esht ndjenj kur te rreh zemra fort afer nje femre qe e do ajo esht dashuria ,sot ajo nuk egziston me esht interesi ne fillim je i shemtuar zhulc si gorrill po qe i pasur ose futbollist temblidhen femrat si miza mas mutit , kur je trok pa lek qofsh king i bukur dil ne nje ambjent me femra nese te afrohet ndonjera pa te njohjtur dhe nuk ndryshon mendim dhe kur ti i thua qe jam cop cop , ajo te do vertet , po u largua direkt esht interesi ,por kte te paren nuk do ta gjeni kurr me , ajo egzistonte vetem ne kohen ton ne kohen e PPSHse kur donim njeri tjetrin pa interes financiar ,por thjesht se kishte tip te mir , sy te bukur kishte humor te mir apo ishe shum mashkull i pashem ,me kto bonyse na dashuronin femrat me par , sot te shikon makinen xhepin se per ty si rruhet fare se je jevg i bardh malok kafsh apo gorrill nuk ka renci po pate lek mer misin per grua , ti mer ate ajo martohet me portofolin tat , sot dashuria behet jasht deshires ,sot ska dashuri vetem mardhenie seksuale per nevoj fiziologjike kaq.
Do jesh ndonnje fshatar qe degjon dicka ne gazeta dhe vjen flet online qe te ndihesh me mire.
Nuk kishe shance te dnerroje dahsnoret cdo jave ne komunzem, sepse ishte e pamoralshme, dhe shume nga ato femra duhet te isin te virgjera qe te martoheshin.
Nga ana tjeter, nuk ka aq shume silikon sot, sac mendon ti, minodiret jane ato qe pderdorin silikonin.
Problemi eshte se te eshte Ftohur Ai Miku!.Fute dy here ne dite ne uje te ngrohte dhe do te kesh rezultat. .ke per te folur sagllam atehere.
Bravo Avocat, chapeau bas
Ok Ngjela!
Per cfare eshtecintervista e ardhme?! Per fiziken berthamore?!
KEQ-ARDHJE per Gazeten TEMA !!! E NDOT faqen me shkrime te ketij SHARLATANI !!!!