Te fundit
FOTOT/ Eksploziv banesës së Gazmir Dacit, babai i tij kërcënon autorët: I njoh, do bëj vetëgjyqësi
27 Korrik 2018, 09:43Kronika
TEMA
Një shpërthim eksplozivi ka ndodhur në katin e parë të një banese në Bathore.
Mësohet se shënjestër e këtij shpërthimi ka qenë banesa e Gazmir Dacit, i cili është i burgosur pasi është dënuar për vrasje në rrethana cilësuese të Valmir Kolaverit dhe plagosjen e të vëllait.
Si pasojë e shpërthimit të fuqishëm fatmirësisht nuk ka pasur persona të lënduar.
Gazmir Daci është dënuar me 35 vite burg për vrasje dhe plagosje.
Ndërsa Xhelal Daci, babai i Gazmir Dacit në një prononcim për News 24 paralajmëroi autorët se do të bëjë vetëgjyqësi nëse shteti nuk merr masa, ndërsa tha se pas kësaj ngjarje fshihet Saimir Kolaveri.
“Nëse nuk gjenden personat që kanë vendosur tritol, do t’i gjej vetë. Do marr hak vetë ndaj familjes Kolaveri, nëse nuk ndërhyn shteti.
Autori është Saimir Kolaveri. I bëj thirrje shtetit që të gjeje personat se është rasti i katërt që na vendosin tritol. Autorët të mos mbrohen nga prokurori Arben Nela se e kanë njeriun e vet. Saimir Kolaverit nuk i kam bo gjë, çfarë kam me i bo. Ne kemi kërkuar mbrojtje dhe nga policia, ata vijnë dhe ikin. Unë nuk kam me njeri konflikte përveç Kolaverit.
Ai shkoi të më vrasë djalin në burg. I bëj thirrje kryeministrit dhe qeverise që të marrë masa. I bëj thirrje dhe familjes Kolaveri se nuk ka punë me fëmijët dhe gratë, por me mua. Do ja shpërble në atë mënyrë që do i ikë truri. Unë kam 7 muaj që kam dalë nga burgu dhe shteti ka thënë se do ju mbroj, por nuk ka bërë asgjë.
Nëse nuk merren masat, do t’i marr vetë. Përplasjet mes nesh kanë nisur për një vrasje, përpara vrasjes kanë tentuar mua të vrasin në lokal. Unë i fala. Ata pas një viti i dolën djalit në rrugë dhe djali për vetëmbrojtje vrau Valmir Kolaverin.
Ata e përndiqnin djalin tim, sepse ata punonin me trafikun e qenieve njerëzore. Unë u thashë atyre që nuk ua jap djalin për këtë punë. Do e paguajnë shumë shtrenjtë. Nuk kam frikë le të quhet kërcënim. Do bëjmë vetëgjyqësi kur shteti nuk merr masa. Nuk kam frikë nga ndjekja penale.
Djali është i dënuar me 35 vite burg dhe ma ka dënuar prokurori Arben Nela. Po kërcënoj se nuk duroj dot më tritolit e Saimir Kolaverit. Do kthehem së shpejti dhe do mësojnë se kush është Xhelal Daci”- tha babai i Gazmir Dacit.
Në fotot e mëposhtme do të shikoni se si autori vendos tritolin dhe ikën me vrap si dhe dëmet që ka shkaktuar shpërthimi në banesë. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
