Te fundit
FOTOT/ Vlahutin "largohet" nga Tirana dhe shkon në Has: Potencial në zhvillimin e turizmit rural
27 Korrik 2018, 10:27Politika
TEMA
hvillimi i turizmit rural dhe rritja ekonomike që ai sjell, ishin në qendër të takimeve që ambasadorja e Bashkimit Europian në vendin tonë, Romana Vlahutin zhvilloi në bashkinë e Hasit.
Ambasadorja Romana Vlahutin vizitoi qytetin e Hasit dhe u takua me kryetarin e Bashkisë Adem Lala e banorët vendas për të diskutuar pikërisht zhvillimin e turizmit rural dhe rritjen ekonomike.
“Ishte kënaqësi të shihje një komunitet të vogël e të largët, por të mirëmbajtur dhe me shumë potencial”, ishte komenti i ambasadores Vlahutin për këtë vizitë.
Sipas një njoftimi në faqen zyrtare të delegacionit të Bashkimit Europian në Tiranë, falë një projekti ndërkufitar financuar nga BE-ja, së shpejti të pasionuarit pas natyrës do të kenë mundësinë të zbulojnë malet e Shqipërisë dhe Kosovës, duke shëtitur më këmbë dhe biçikleta përgjatë shtigjeve të gjatë, duke qëndruar në bujtinat e rinovuara të barinjve dhe duke shijuar ushqimet e freskëta të prodhuara në rajon, që vijnë drejtpërsëdrejti nga fermerët vendas dhe familjet e tyre.
Lini një Përgjigje
Më të lexuarat
24 oret e fundit
Javen e fundit
Blog Tema
