Akuzat se pas idesë së Thaçit për ndryshim kufijsh mes Kosovës dhe Serbisë qëndron Soros, një takim i tij me strategun e Trump dhe një reagim i ashpër nga Kroacia

Ideja e presidentit të Kosovës, Hashim Thaçi, për ndryshim kufijsh mes Serbisë dhe Kosovës ka trazuar jo vetëm shqiptarinë, por gjithë rajonin.

Presidenti kosovar është sulmuar ashpër për këtë ide sidomos në Shqipëri nga njerëz të Sali Berishës, pas akuzave të tij ndaj këtij të fundit, se ka furnizuar Milosheviçin me naftë, ndërkohë që luftonte në Kosovë.

Një prej sulmeve që i bëhet Thaçit, është se këtë ide ja ka shtënë në kokë Soros, njeriu që për PD-në dhe njerëzit e saj, është “nëna” e gjithë të këqijave për shqiptarët.

Këtë argument e ka marrë sot edhe gazeta Zëri e Kosovës.

Sipas saj, ddeja për shkëmbimin e territoreve mes Serbisë dhe Kosovës ka ardhur pas një raporti të Fondacionit për Shoqëri të Hapur, në të cilin jepet oferta për shkëmbimin e Preshevës me katër komunat me shumicë serbe në veri të Kosovës.

Kryetari i Komunës së Bujanocit, Shaip Kamberi në një intervistë dhënë për këtë të përditshme thotë se një raport i tillë është sponsorizuar nga vetë Vuçiç, ndërsa rikujton se për bashkimin me Kosovën banorët e Preshevës kanë votuar në një referendum në vitin 1992.

“Ne po flasim për deklarimin e shqiptarëve të këtij rajoni në Referendumin e vitit 1992, në të cilin jemi deklaruar për të drejtën e bashkëngjitjes me Kosovën. Pra, një kërkesë e shtruar në mënyrë plebishitare para se të krijohet situata aktuale në veri të Kosovës”, ka thënë ai.

Skenari mbi implikimin e Soros në zhvillimet e fundit politike në Ballkan fitoi terren edhe për shkak takimeve që djali i tij pati së fundmi me dy presidentët, atë të Serbisë dhe  Kosovës, si dhe me kryeministrin Edi Rama.

Vendet e rajonit ndërkohë nuk janë nxituar të pozicionohen rreth idesë për korrigjim kufijsh të ish-komandantit të UÇK-së, Hashim Thaçi, aktualisht president i Kosovës.

Frontal i ka marrë një reagim Ambasadës kroate në Prishtinë ku theksohet kundërshtimi kategorik për ndryshim kufinjsh, pasi kjo mund të sillte destabilizim të Ballkanit.

“Ne nuk besojmë se ndonjë ndryshim kufitar do ta bënte rajonin më të qëndrueshëm.

Përkundrazi, do të vendoste precedentë, të cilët mund të shkaktojnë probleme shtesë sesa zgjidhje.

Së fundmi, me siguri do të kishte efekte destabilizuese në kuadrin më të gjerë rajonal.

Ne mbështesim fuqishëm dialogun ndërmjet Kosovës dhe Serbisë të ndihmuar nga BE dhe ne shpresojmë në një progres të shpejtë të procesit”,- thuhet në reagim.

Thaçi takohet me ish-strategun e Trump

Presidenti Hashim Thaçi është takuar në Prishtinë me Steve Bannon, dikur ‘dora e djathtë’ e presidentit amerikan Donald Trump dhe njeriu që e ka udhëhequr në rrafshin strategjik fushatën e vitit 2016 të Trump për president, e që më pas këtë punë e ka kryer për Shtëpinë e Bardhë.

Klan Kosova mëson se diskutimi me Bannon, i cili nuk është pjesë e ekipit të Trump që nga vera e shkuar, është shtrirë në një spektër të gjerë çështjesh, me theks të veçantë në fazën finale të bisedimeve për zgjidhjen përfundimtare të mosmarrëveshjeve mes Kosovës dhe Serbisë dhe mundësitë në tavolinë, për të dyja palët.

Presidenti Thaçi, në javën e fundit, e ka prezantuar idenë e tij për korrigjim kufijsh me Serbinë, që sipas tij nënkupton bashkëngjitjen e Luginës së Preshevës me Kosovën(duke pranuar ndryshimet kushtetuese apo referendumin si mjete finale), ndërsa ka insistuar se nuk do të ketë ndarje të vendit.

Ky takim vjen pas ripozicionimit të Departamentit Amerikan të Shtetit, që nënvizon se është në dorë të palëve negociuese të gjejnë zgjidhje kreative për problemin, që e ka qartësuar atë të ambasadorit amerikan në Kosovë, Greg Delawie, i cili pati thënë se nuk ka vija të kuqe në këto bisedime – deklarim të cilin e pati mohuar më pas.

Se mund të përdoren zgjidhje kreative(si shkëmbimi i territoreve) pati thënë, përmes një raporti të majit të këtij viti me titull “Koha për Veprim në Ballkanin Perëndimor – Përshkrim politikash për diplomacinë amerikane”, edhe Komiteti Kombëtar Amerikan për Politika të Jashtme.

Bannon, i cili dikur ka qenë drejtor ekzekutiv i Breitbart – media online e njohur për frymën e të djathtës ekstreme, është i njohur për lidhjet me Geert Wilders dhe Marine Le Pen, të dy kundërshtarë të pavarësisë së Kosovës.

I njohur për qëndrimet e tij të ekstremit të djathtë, Bannon përkrah fuqishëm lëvizjet nacionaliste, ndërsa pas largimit nga ekipi i Trump ai ka krijuar fondacionin The Movement, me bazë në Bruksel, që ndihmon populistët – me cak kryesor zgjedhjet për Parlamentin Europian në maj të vitit tjetër.

(TemA)

Lojë e re me kufijtë dhe a po hapet “kutia e Pandorës” në Ballkan? Çfarë shkruan shtypi gjerman për Kosovën

21:41 Rajoni

Burri mesazh gruas para se ta vriste bashkë me vajzën: Tani të pret një dhuratë e bukur…

17:40 Rajoni

FOTOT/ Haludovo: Shkëlqimi dhe rënia e pallatit jugosllav të kënaqësive

19:24 Rajoni

Sputnik zbulon skenaret: Teza e ndarjes së Kosovës drejt një pakti Trump-Putin

16:45 Rajoni

Haradinaj nga Vlora i përgjigjet Thaçit: Kufijtë janë vendosur me luftë, nuk duhet të preken

12:11 Rajoni

Prestigjozja britanike: NATO rrit investimet në Shqipëri, mbështetje edhe për Kosovën

12:00 Rajoni

“Shkëmbim territoresh”, Thaçi i përgjigjet Haradinajt: Nuk do të ketë luftë, nuk do të ketë ndarje, korrigjim mund të ketë

11:39 Rajoni

"Kufiri", Daçiç: Nuk ka zgjidhje për Kosovën pa miratimin e fuqive të mëdha

11:26 Rajoni

"Shkëmbim territoresh" reagon DASH: Kosova dhe Serbia të shmangin retorikën negative

10:13 Rajoni

Mbi 1 milion kosovarë hynë në Shqipëri për dy muaj nga Morina

09:18 Rajoni