Te fundit
Ministri hungarez: Kërkesa e Gruevskit për azil është çështje ligjore dhe jo politike
15 Nëntor 2018, 15:03Rajoni
TEMA
Ministri i Jashtëm i Hungarisë, Péter Szijjártó ka thënë shteti i tij do ta trajtojë kërkesën e ish-kryeministrit të Maqedonisë, Nikolla Gruevski për azil politik, si çështje ligjore dhe jo politike.
Në një konferencë të përbashkët për media në Prishtinë me ministrin e Jashtëm të Kosovës, Behgjet Pacolli, Szijjártó ka thënë se autoritetet do ta trajtojnë këtë çështje bazuar në ligjin ndërkombëtar.
“Mund t’iu them një gjë: Ne do ta shikojmë këtë çëshjtje në aspektin ligjor dhe jo atë politik. Autoritetet tona relevante, autoritetet e imigrimit do t’i kryejnë procedurat, bazuar në ligjin ndërkombëtar dhe do të shohim rezultatet”, ka thënë ai, raporton rel.
Ish-kryeministri i Maqedonisë, Nikolla Gruevski është arratisur të martën drejt Hungarisë, vend në të cilin ka njoftuar se ka kërkuar azil politik.
Autoritetet e Maqedonisë kanë qenë në kërkim të tij, pasi ai është dënuar me dy vjet burgim për shpërdorim të detyrës zyrtare.
1 komente në “Ministri hungarez: Kërkesa e Gruevskit për azil është çështje ligjore dhe jo politike”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Ka të drejt Hungaria të mirpresi ish kryeministrin pasi në Maqedoni që prej atentatit ndaj Qiro Gligorov. ,demokracia vihet në pikëpyetje.