Paralajmërohet "furtunë" në polici, diskutohet rikthimi në detyrë për 5 shefa komisariatesh

Të paktën 5 drejtorë të policisë së shtetit pritet të ndryshohen. Ilia Nasi dhe Edmond Rizaj janë dy nga ish- drejtuesit që pritet të rikthehen në detyrë.

Pas ndryshimeve të fundit në Policinë e Shtetit, lëvizje të tjera pritet të zyrtarizohen në ditët në vijim duke prekur Drejtoritë e disa qarqeve dhe komisariatet.

Nga burime jo zyrtare ende, bëhet e ditur se pas emërimit të Tonin Vocajt në detyrën e Drejtorit të Departamentit të Policisë Kriminale dhe transferimit të Eduard Merkajt si Drejtor i Departamentit të Kufirit, Muhamet Rrumbullaku, pritet të marrë drejtimin e SHÇBA.

Lëvizjet do të vazhdojnë në komisariate, ku pritet të emërohen drejtues të rinj.

Burimet kanë bërë të ditur se Ilia Nasi është një emër i përfolur për të marrë detyrën e Drejtorit të Policisë në Durrës.

Ai ka mbajtur detyrën e kreut të rendit në Drejtorinë e Përgjithshme të Policisë në vitin 2014, në kohën kur është zhvilluar tenderi për uniformat e policisë.

Po ashtu mësohet se emri i Edmond Rizajt diskutohet për tu vendosur në komisariatin e Fierit.

Më herët ai ka mbajtur pozicionin e Drejtorit kundër Krimit të Organizuar në Policinë e Shtetit, duket vijuar më tej dhe punën në Akademinë e Policisë.

Një tjetër emër i diskutuar është dhe Arjan Muça, i cili pritet të rikthehet në Elbasan.

Emra të tjerë për tu emëruar në disa nga Drejtoritë vendore janë dhe emrat e Arben Çaka dhe Hamdi Fiore.

Caka ka mbajtur më parë detyrën e shefit të komisariatit në Tiranë, njëherazi pjesë e operacionit “Forca e Ligjit” në kohën kur Ministria e Brendshme drejtohej nga Fatmir Xhafaj.

Ndërsa Hamdi Fiore, ish-Drejtor i komanduar i Policisë së Tiranë, ish-Drejtor i Forcave Speciale, ka qenë edhe shef i Shtabit të Repartit RENEA dhe Drejtor policie në Gjirokastër e Elbasan, ku ka punuar përreth 3 muaj e gjysmë.

Ndërkaq zyra për median në Policinë e Shtetit tha se deri më tani nuk ka vendime zyrtare për ndryshime të drejtuesve të policisë.

Moti i keq, Ministria e Mbrojtjes “ultimatum” bashkive të vendit

15:58 Kronika

Të pathënat e bandës së Selenicës, ja historia e atentateve deri tek i fundit në Vlorë

15:55 Kronika

Falsifikimi i dokumenteve nga “DH Albania”, kreu i ARRSH në Prokurorinë e Tiranës

12:13 Kronika

Çështja “Tahiri”, Krimet e Rënda shtyjnë 3 muaj të tjerë hetimin. Këmbëngulin në informacionet nga Katania, e cila e ka përjashtuar ish ministrin

10:55 Kronika

Kush është gjyqtarja që do të shqyrtojë çështjen e Klement Balilit?

09:47 Kronika

VIDEO/ Klement Balili: Pse vendosa të dorëzohem tani

09:30 Kronika

Nipi i Klement Balilit: Ja pse u vetëdorëzua tani. Se ku është fshehur këto kohë, s’kam pas kohë ta pyes

21:54 Kronika

Pse Klement Balili, s'u dorëzua dy vjet më parë? Avokati: I kurseu shtetit bukën e burgut për dy vjet

21:33 Kronika

Mblidhet KED, 40 kandidatë për vendet vakante në Kushtetuese presin vlerësimin

19:56 Kronika

OSBE reagon pas vetëdorëzimit të Klement Balilit: Lufta kundër krimit të organizuar po sjell rezultate

19:27 Kronika