Te fundit
Siguria Ushqimore/ Ministri Peleshi para se të dorëzojë detyrën nuk harron të falenderojë Dr. e AKU-së
16 Janar 2019, 10:01Sociale
TEMA
Ministri në ikje i Bujqësisë Niko Peleshi ka publikuar rezultatet e punës së AKU për uljen e sasisë së importuar të produktit “vaj palme”.
Në një postim në facebook Peleshi thotë se falë punës së AKU çdo familje shqiptare tani konsumon rreth 2 kg më pak vaj palme që deri para 1 viti përdorej në mënyrë të paligjshme në nënproduktet e qumështit dhe konsumohej pa e ditur.
“Dje publikuam një rezultat kuptimplotë të punës së palodhur për të rritur sigurinë ushqimore në vend – sasia e vajit të palmës të importuar është ulur gjate vitit 2018 me 1187 ton.
E thënë ndryshe çdo familje shqiptare ka konsumuar rreth 2 kg më pak vaj palme që deri para 1 viti përdorej në mënyrë të paligjshme në nënproduktet e qumështit dhe konsumohej pa e ditur.
Eshtë vetëm një prej shumë operacioneve të Autoritetit tonë Kombëtar të Ushqimit që po bën realitet një mision në dukje të pamundur – siguri e lartë ushqimore për konsumatorin shqiptar.
Bashkëpunimin me drejtorin e AKU, Agim Ismaili do ta mbaj mend gjatë.
Një drejtues atipik që duke i kthyer kurrizin përfitimeve të paligjshme që historikisht AKU ka prodhuar, u bë një nga bashkëpuntorët më efektivë të punës sonë.
Kemi ende punë për të sjellë të gjithë drejtuesit në këtë standart integriteti.
Mirënjohje ?”– shkruan Peleshi në facebook. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
