Deutsche Welle: A ka ndryshuar qëndrimi i diplomacisë shqiptare ndaj paktit Kosovë-Serbi?

Presidenti Meta dekretoi të premten kryeministrin Edi Rama në postin e ministrit të Jashtëm. Dekretimi vjen 4 ditë pas propozimit të kryeministrit Rama për të qënë ai ministër i Jashtëm dhe bëhet pa konsumuar afatin prej 7 ditësh që Kushtetuta i jep presidentit në raste dekretimesh të anëtarëve të qeverisë.

Në një njoftim të Presidencës theksohet se “emërimi i kryeministrit edhe në postin e ministrit të Jashtëm është një rast i veҫantë, që nuk parashikohet dhe as ndalohet nga Kushtetuta e Republikës së Shqipërisë”.

Jo thellimit të krizës institucionale

Të tjera konsiderata kanë fituar ndaj  “rastit të veçantë dhe të paparashikuar” në Kushtetutë. Në njoftimin për shtyp të Presidencës theksohet se “kreu i shtetit merr në konsideratë që struktura e kabinetit qeverisës është në të drejtën e Kryeministrit për t’u propozuar”. Por krahas kësaj të drejte ka edhe një arsye tjetër madhore: evitimi i thellimit të krizës institucionale Presidencë-Kryeministri dhe dalja e diplomacisë nga ngërҫi që “do të dëmtonte pozitën e Republikës së Shqipërisë në marrëdhëniet ndërkombëtare”, vë në dukje njoftimi. Me dekret të Presidentit Meta është shkarkuar edhe Ditmir Bushati, nga detyra e Ministrit  të Jashtëm.

Cili do të jetë qëndrimi zyrtar i Tiranës për marrëveshjen Serbi-Kosovë?

Nuk është sekret se ish-ministri Bushati kishte mbajtur qëndrime të qarta kundër opsionit të ndryshimit të kufijve mes Kosovës dhe Serbisë, për normalizimin e marrëdhënieve mes dy vendeve. Nuk është sekret edhe që Presidenti Meta ka shprehur të njëjtin qëndrim. Nuk është sekret që Kryeministri Rama nuk është prononcuar kundër ndaj opsionit të ndryshimit të kufijve, duke lënë hapësirë që të mendohet se mund edhe të mos jetë kundër.

Madje edhe refuzimi i presidentit Meta për të dekretuar propozimin e kryeministrit Rama që ministër i Jashtëm, në vend të Bushatit të ishte i riu 28-vjeçar nga Prishtina, Gent Cakaj, u mbështet në deklaratat e këtij të fundit pro ndryshimit të kufijve mes Kosovës dhe Serbisë, të cituara nga vetë Meta, se “shkëmbimi i kufijve po konceptohet në suaza të korrigjimeve të përgjithshme territoriale që janë duke ndodhur në Ballkanin Perëndimor”.

Përballë këtij qëndrimi, presidenti Meta nxitoi të shprehet se “Integriteti territorial dhe Pavarësia e Kosovës janë të paprekshme”.

Që të dy, presidenti Meta dhe ish-ministri i Jashtëm Bushati, me qëndrimin e tyre kundër ndryshimit të kufijve mes Kosovës dhe Serbisë, janë në të njëjtën linjë me kancelaren Merkel dhe diplomacinë gjermane.

Por nuk përjashtohet që ndikimi personal i kancelares Merkel kundër korrigjimit të kufijve mund të ulet pas vendimit të saj për t’u larguar gradualisht nga skena politike, gjë që mund të lerë një hapësirë potenciale për rritjen e rolit të SHBA apo aktorëve të tjerë si Rusia.

Rritja e rolit amerikan u duk në ftesën e presidentit Trump për dy presidentët Thaçi dhe Vuçiç, për të firmosur në Washington “marrëveshjen historike”, nëse ajo arrihet mes tyre.

Presidenti serb Vuçiç tha gjatë vizitës në Beograd të presidentit rus Putin të enjten se “Nuk ka zgjidhje për Kosovën pa Rusinë”.

Pritshmëritë janë se është koha që kryeministri dhe ministri i Jashtëm Rama të deklarojë qëndrimin e Shqipërisë, nëse opsioni i ndryshimit të kufijve mbetet dominant për të normalizuar marrëdhënien mes Kosovës dhe Serbisë.

Deutsche Welle

Monika Kryemadhi shpenzon 160 mijë euro në vit për shkollimin e fëmijëve në Londër

09:30 Politika

Basha gati për Këshillin Kombëtar, zgjedh sot ekipin drejtues: Nga çuni i Fahriut te Salianji, Strazimiri, Nishani dhe Mul Noka

09:32 Politika

EKSKLUZIVE/ Letrat sekrete të Enver Hoxhës për Hetuesinë: Ja pyetjet që duhet t’i bëni Fiqret Shehut për vetëvrasjen e Mehmetit

09:06 Politika 1 koment

Agron Duka duhet të guxojë që të bëhet dikushi!

09:00 Politika

Grida Duma: Unë jam njeri super i vlerësuar në PD jo prej Bashës, por se kam dhënë kontribut

23:03 Politika

Dash Shehi kritika Presidentit: Meta të qëndrojë në vendin e vet, s'na e bën dot opozitën ai

22:11 Politika

Grida Duma sulmon indirekt Berishën e Bashën, vlerëson Braçen: Sillen si pronarë, liderat në krizë pasi largojnë personat politikë

21:49 Politika

Berisha sulmon LSI-në: Bleu me paratë e Klement Balilit, Bashkinë e Delvinës

21:45 Politika

“Partia Demokratike në prag të qorrsokakut. Lidershipi i ri, një ëndërr e keqe”: Deputeti i PD fshikullon Lulzim Bashën

20:25 Politika

Basha propozon Gjunkshin anëtar kryesie të PD, SHBA e akuzoi se kërkon 7 mijë USD ryshfet për çdo komando që shkon në Irak apo Afganistan

20:19 Politika