Jari gjen formulën për organizmin e një proteste madhështore të opozitës më 16 shkurt

Mëgjithëse ende asnjë njeri nuk është kujtuar që ai është emëruar kryetar i Këshillit Kombëtar të PD, Jari është plotësisht i angazhuar në funksion të suksesit të protestës së 16 shkurtit.

Dhe për këtë qëllim ka vënë në dispozicion të gjitha kapacitetet e veta, që nga 3 demokratët e Kombinatit, e deri tek demokrati Thërmija i Durrësit, të vetmit me të cilët komunikon në telefon prej vitesh.

Dhe ngaqë del rrallë nga shtëpia, vetëm kur ka ndonjë ftesë gjëkundi, gjithë ditën e kalon duke përgjuar lajmet, që trajtojnë përgatitjet për protestën.

Duke qenë se jo kushdo e ka ngenë e tij për të ndjekur televizionet dhe portalet, Jari vendosi që çdo dy ditë të bënte një përmbledhje të aktiviteteve më pikante për organizimin e 16 shkurtit.

Dhe nisi menjëherë nga puna, duke shkruar mesazhin e mëposhtëm:

“Të nderuar demokratë, Jari ju informon.

Ndonëse duhen edhe tre javë deri atëherë, kemi lajme të mira që protesta e opozitës do të jetë madhështore dhe do ta justifikojë shifrën 1 milion qytetarë, që ka caktuar të thotë atë ditë Doktori.

Meqë shumica e njerëzve që do të vijnë atë ditë priten që të jenë nga Kamza, është vendosur që kur Luli të bëhet kryeministër, të shpallet kryeqytet i ri i Shqipërisë, në shenjë mirënjohjeje dhe respekti.

Strategjia për të mbledhur sa më shumë njerëz që më ka bërë përshtypje këto ditë ka qenë ajo dreka e famshme e Ben Ristanit, Bardh Kadillit, Ennos me 2 “n dhe e Ivi Kasos me trimat e Mëzatit në një lokal në periferi të Kamzës.

Foto e tyre me bollëk ushqimesh dhe gotash vere në tavolinë pritet që të rrezatojë në gjithë Shqipërinë dhe drejt Tiranës të vërshojnë lumenj demokratësh.

Buzëqeshja triumfuese e këtyre udhëheqësve vizionarë të PD gjatë drekës në Kamëz, ishte njëkohësisht një mesazh i qartë edhe për grupin armiqësor të Salianusit, Grigjës dhe Murrizit, të cilët gjatë zgjedhjeve të fundit morën dënimin e merituar nga vota popullore e demokratëve.

Por, sipas informacioneve që kam, në këtë drekë ka rënë në sy aftësia e rrallë e bashkëngrënësve nga qendra për t’i mbushur mendjen Mëzatit të Kamzës që do të jetë kandidati i padiskutueshëm i opozitës për kryetar bashkie, kur dihet nga të gjithë që atë nuk e lejon ligji, njësoj si Gjushin, “Lalën” e Elbasanit e ndonjë tjetër.

Duke i premtuar atij një mbështetje të fortë edhe nga aleatët tanë të LSI-së, që kanë respekt të veçantë për punën dhe reputacionin e tij, dërgata nga kryesia e re ka siguruar pagesat dhe karburantin për 30 autobusa që do të vijnë nga Kamza, plus edhe shpenzime të tjera për kunatin e Lulit që ka marrë përsipër Mëzati, derisa të merret vesh që nuk lejohet të kandidojë.

Një taktikë e tillë mendoj që duhet të aplikohet edhe në bashki të tjera që drejtohen nga opozita, por dhe në bashki të tjera si në Durrës, Pogradec dhe Elbasan, ku është ngarkuar Fahri Balliu me vjeljen e fondeve nga ata që pretendojnë.

Me këto lajme premtuese, kam bindjen e plotë se më 16 shkurt në Tiranë do të zhvillohet protesta me madhështore e të gjitha kohërave, sepse kështu e ka parashikuar Doktori që tani, dhe ai nuk ia fut kurrë kot.

I juaji, Jari”

Jari tregon vështirësitë e tmerrshme për organizimin e protestës së 16 shkurtit

19:29 Antena

Jari shpjegon, si ju fanit në gjumë thirrja e atdheut për t’u kthyer në krye të popullit

18:05 Antena

Jari bëhet xheloz për të zgjedhurit e rinj të Lulit dhe premton hakmarrje të shpejtë

19:40 Antena

Jari jep vlerësimet për shkatërrimin e grupeve të fundit armiqësore në PD

21:34 Antena

Jari flet për ndikimin e rubrikës “Antena” në zgjedhjet për kryesinë e PD!

18:42 Antena

Jari shpjegon kriteret e reja për të bërë karrierë në Partinë Demokratike, pas zgjedhjeve të fundit

18:05 Antena

Jari shpërthen nga emocionet për besimin e familjes së Lulit që e zgjodhi kryetar të Këshillit Kombëtar

19:20 Antena

Jari sqaron thashethemet për zëvendësimin e Lulit pas humbjes së zgjedhjeve lokale

19:51 Antena

Jari zhvendos vëmendjen tek mbledhja e Këshillit Kombëtar të PD që do ndajë postet e reja

18:21 Antena

Jari rreshton meritat e njerëzve që arrestuan Balilin

19:28 Antena