Te fundit
"Europa e paplotë pa Ballkanin"
17 Mars 2019, 14:27Rajoni
TEMA
Kandidati i partive popullore europiane, Mafred Weber në një samit në Bukuresht shprehet se Bashkimi Europian nuk do të ishte i plotë pa pasur edhe shtetet e Ballkanit brenda. Kurse Turqia nuk mund të hyjë në BE, tha ai.
Gjermani Manfred Weber, kandidati kryesor i partive popullore europiane, (EVP) për postin e presidentit të Komisionit Europian për zgjedhjet që zhvillohen në maj, prezantoi në një samit të këtyre partive në Bukuresht vizionin e tij për Europën. „Dua të luftoj për një Europë, që njerëzit ta ndjejnë si Europën e tyre”, tha kandidati konservator. Njerëzit duhet të kuptojnë, që Europa është në radhë të parë për ta, dhe jo për kushedi çfarë strukturash. Në këtë takim, ku morën pjesë vendimmarrës lokalë dhe rajonalë para zgjedhjeve europiane në maj, Weber i drejtoi edhe dy mesazhe Europës nga Bukureshti.
Ballkani në BE
Së pari Turqia e sotme nuk përshtatet me BE, tha Manfred Weber. Si president i Komisionit Europian unë do t’i ndërpres bisedimet e anëtarësimit të BE me Ankaranë, theksoi Manfred Weber.
Mesazhi tjetër i kandidatit konservator ishte se: Europa nuk është e plotë pa shtetet e Ballkanit brenda saj!
Kandidati konservator edhe njëherë u distancua nga kryeministri hungarez, Viktor Orban. Të mërkurën e ardhshme kryesia e EVP-së do të vendosë se si do të veprojë me Viktor Orban. Disa parti popullore europiane kanë kërkuar përjashtimin ose pezullimin e përkohshëm të partisë Fidesz të Orbanit./dw/
2 komente në ““Europa e paplotë pa Ballkanin””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qenka ne nje mendje me mua ku per ato qe parashtron, megjithese une jam kunder si antar i PP-ve se ai duhet te perjashtoj pd-ne shqiptare para Erdoganit se ka marre rruget e ujqerve.
Ne qofte se duan te ndihmojne Shqiperine PP europiane duhet te perjashtojne perfundimisht PD e anarkofashistit BERISHA.Vetem ne kete menyre ajo pjese e moderuar e PD dhe forca te tjera liberale dhe biznesi prodhues mund te ndertojne me sukses nje parti moderne te qendres se djathte shqiptare .Jam i bindur se nje force e tille politike brenda nje kohe te shkurter do te kishte nje rritje te shpejte nderkohe qe PD do te reduktohej ne nje grup primitiv krimnelotribal .