Humbja me Turqinë i shkaktoi stolin trajnerit Kristian Panuçi. Italiani është shkarkuar nga presidenti Duka dhe për ndeshjen e radhës me Andorrën, FSHF ka graduar zëvendëstrajnerin, Ervin Bulku dhe Sulejman Memën që të drejtojnë kuqezinjtë në transfertën e së hënës.

Pas 15 ndeshjesh në krye të Shqipërisë, Duka ka vendosur që të ndërpresë bashkëpunimin me trajnerin italian. Në mëngjesin e ditës së djeshme, FSHF ka njoftuar edhe për largimin e italianit.

“Federata Shqiptare e Futbollit njofton se ditën e sotme ka ndërprerë zyrtarisht bashkëpunimin me trajnerin Kristian Panuçi. E falënderojmë trajnerin Panuçi për punën e zhvilluar deri më tani dhe i urojmë suksese në vazhdimin e karrierës”, ka shkruar dje faqja zyrtare e FSHF-së gjatë paradites së djeshme.

TAKIMI I FUNDIT – Përfundimi i ndeshjes me Turqinë ka qenë edhe fundi i aventurës së trajnerit 45-vjeçar. “Panorama Sport” ka mësuar ekskluzivisht edhe prapaskenat e largimit të trajnerit nga Shqipëria. Bëhet fjalë për një takim në orët e para të mëngjesit të së shtunës, mes trajnerit të Kombëtares dhe presidentit të FSHF-së, Armand Duka. Ky i fundit ka shkuar në rezidencën e përfaqësueses në Durrës rreth orës 04:00 të mëngjesit, ku edhe i ka komunikuar trajnerit vendimin për ndërprerjen e bashkëpunimit. Gazeta ka mësuar ekskluzivisht se Duka i ka ofruar edhe një pakt italianit për të qëndruar në krye të Shqipërisë edhe për takimin e të hënës ndaj Andorrës, i cili të ishte i fundit në krye të Kombëtares dhe më tej të kishte një dorëheqje të Panuçit.

REFUZIMI – Ashtu siç edhe deklaroi në konferencën zyrtare në “Loro Boriçi”, pas ndeshjes me Turqinë, edhe në takim me Dukën, Panuçi ka refuzuar të japë dorëheqjen. Në çdo moment, italiani e ka shmangur mundësinë e tërheqjes nga drejtimi i përfaqësueses, duke mos i lënë mundësi tjetër Armand Dukës, veçse shkarkimit të tij. Edhe pse në tetor 2018 italiani shprehej në një nga konferencat për shtyp, se do të ishte i gatshëm të largohej menjëherë nga Shqipëria në rast se presidenti Duka do t’i kërkonte që të largohej.

1 komente në “Prapaskenat e shkarkimit të Panuçit, ja si e zhgënjeu Dukën”

#Varijanullen says:

24 Mars, 2019 11:07 te 11:07 am

Artikull I paguar nga Fukiç ky? Eshte e qarte qe duka duhet ta paguaj kokerr me kokerr kontraten e nenshkruar. Dukiç si putaburre qe eshte takoj dhe pasardhesin e ketij per stolin. Korret e stadiumit ishin te dirigjuara nga Duka qe ky Te jepte dorheqjen. E mjera Shqiperi si Po te trajtojne. Dukiç si prone personale dhe si lope per ta mjelur, panuci sigurisht qe pa eksperiencen e duhur mendonte vetem per reputacionin e tij. DUHET PASTRIM KOMPLET NGA KOKA E PESHKUT TE QELBUR( Duka) ….. Gjithesesi FORCA CUNAT E SHQIPERISE QE ZBRESIN NE FUSHE DHE DJERSISIN PER FANRLLEN ME TE BUKUR NE BOTE. Duka get the fuck out from Albania.

Përgjigjjuni