Te fundit
Ish-boksieri, pjesë e grupit "Bajri": Po mbani në burg dy djem, për një shpullë ndaj Ernest Gjokës!
4 Prill 2019, 17:43Sport
TEMA
Asmer Bilali është rikthyer në Shkodër, kësaj radhe për të qenë dëshmitar në gjyq. Një javë pasi i vranë babanë dhe xhaxhain, ish-kampioni i boksit ka dëshmuar sot mbi një ngjarje të ndodhur vitin e kaluar dhe që lidhet me futbollin e kryeqendrës së veriut. Më konkretisht, me goditjen e ish-trajnerit të Vllaznisë, Ernest Gjoka, nga dy djem të rinj.
Bilali ka qenë i shoqëruar nga forca të shumta policore, ndërsa para gjykatësit, në rolin e dëshmitarit, ka thënë se është e turpshme që mbahen në burg dy djem të rinj, për një shuplakë.
Aq më tepër që i dëmtuari, Ernest Gjoka, i ka falur. Megjithatë, prokurori i çështjes mendon ndryshe, ai ka kërkuar burg për Nehat Fojletën dhe Sehar Xhenje.
I pari është autori, ndërsa i dyti akuzohet si bashkëpunëtor në këtë ngjarje.
Organi i akuzës pretendon se Nehat Fojleta e ka goditur dhe ka tentuar ta vrasë me thikë ish-trajnerin e Vllaznisë.
Asmer Bilali është pyetur për makinën që i ka dhënë Sehar Xhenje, mjet me të cilin ky i fundit ka shoqëruar Fojletën drejt fushës sportive, ku ka ndodhur incidenti.
Ai pretendon se shoku i tij ia ka kërkuar makinën për të kryer disa nevoja familjare.
Xhenje e ka mohuar në gjyq përfshirjen në ngjarje, duke ngulmuar se nuk e dinte se çfarë do të bënte Fojleta.
Ky i fundit ka kërkuar gjykim të shkurtuar dhe t’i ndryshohet akuza nga “vrasje me paramendim, e mbetur në tentativë”, në “goditje për shkak të detyrës”. Ish-trajneri kuqeblu ka deklaruar në seancën paraprake:
“I kam falur dy djemtë, për mua le të dalin nga burgu”.
1 komente në “Ish-boksieri, pjesë e grupit “Bajri”: Po mbani në burg dy djem, për një shpullë ndaj Ernest Gjokës!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sehar Xhenje eshte grabites dhe vendos tritole per presion!