Te fundit
Politikë e vdekur, me të vdekurit
10 Maj 2019, 21:43Politika
TEMA
Kryetari i Partisë Demokratike, Lulzim Basha që në ditën që ka marrë drejtimin e kësaj force nuk ka bërë asgjë tjetër, veçse ka çuar drejt shkatërrimit dhe përçarjes partinë më të madhe opozitare në vend.
Por, duke mos u mjafuar me shkatërrimin që i ka bërë PD-së, Lulzim Basha ka vendosur të tallet edhe me ata që i vunë gurët e themelit Partisë Demokratike, të cilët pasi i përdor për të prodhuar lajme, për t’u dukur se të vjetrit e PD-së i ka në krah, më pas i braktis apo më keq akoma i vërsul servilët që i rrijnë pas.
Lulzim Basha ka “vrarë” për së dyti Pjetër Arbnorin, ish deputet dhe Kryetar i Kuvendit të Shqipërisë. Pjetër Arbnori ishte nga figurat e rralla politike në Shqipëri, por si duket Lulzim Basha është tepër i “vogël” për të njohur figura të tilla të PD-së.
Basha e ka treguar me fakte se nuk ka as memorie, as regjistër anëtarësie dhe as listë themeluesish, por ecën në tym pa histori i pa të ardhme.
Në korrik të vitit 2018, përpara ambienteve të Kuvendit, u zhvillua ceremonia për inaugurimin e shtatores së ish-kreut të Kuvendit, Pjetër Arbnori, ku morën pjesë një sërë figurash të politikës shqiptare, të majtë dhe të djathtë si dhe familjarë të Arbnorit.
Kuvendi në atë kohë i drejtoi një letër kreut të PD, Lulzim Basha, ku kërkonte listën e deputetëve demokratë të legjislacionit të parë, që ti ftojë në ceremoninë e sotme për Arbnorin. Por, selia blu ka habitur në përgjigjen që i ka kthyer kërkesës së Kuvendit, duke thënë se “nuk kemi asnjë kontakt”.
Por, Lulzim Basha ka filluar të “vrasë” edhe fëmijët e figurave historike të PD-së.
Një rast të tillë e ilustron më së miri, rasti i Rudina Hajdarit, vajza e tribunit të Demokracisë, Azem Hajdari.
Vajza e Tribunit të Demokracisë, u vendos në listë në vitin 2017, nga Lulzim Basha me argumentin se mjaftonte kontributi i të atit të saj dhe emri i tij që Rudina të ishte pjesë e listës së PD-së. Dhe si një vajzë e studiuar në SHBA e nderonte listën e PD-së.
Por, sapo kjo e fundit nuk iu bind urdhërit për të dorëzuar mandatin, i vërsuli servilët që i rrinë nga pas, për ta sulmuar dhe për më tepër vajza e Azem Hajdarit u përjashtua nga PD, njëlloj si i ati i saj në vitin ’94-’95 nga Sali Berisha, në atë kohë president.
Rudina Hajdari u përjashtua nga PD pse nuk pranon të dorëzojë mandatin, sepse kështu thotë Lulzim Basha. Kjo në fakt është një vrasje e dytë e Azemit.
Të njëjtën gjë sot Lulzim Basha ka bërë edhe Glauk Olldashin, djali i ish-ministrit të ndjerë të Transporteve, Sokol Olldashit.
Lulzim Basha, duke tentuar të marrë benefite politike, po tenton të përdorë figurat historike të PD-së, të cilët janë ndarë nga jeta.
Sot në një takim me të rinj të EDS (Europian Demokracy Student), ku i pranishëm ishte edhe Glauk Olldashi, Lulzim Basha u shpreh se: “Glauk Olldashi, nderon trashëgiminë e babait të tij, ish kryetarit të Forumit Rinor të Partisë Demokratike, një miku dhe bashkëpunëtorin timin, një nga liderët e PD ndarë nga jeta tragjikisht para disa vitesh, z.Sokol Olldashi”.
Tani Sokol Olldashi i duhet si mik e bashkëpunëtor, për të treguar se ka mbështetjen e PD-së së vjetër.
Kjo është një hipokrizi dhe tallje e Lulzim Bashës ndaj Sokol Olldashit, të cilin tashmë e cilëson “mik”, por kur ishte gjallë e sulmonte.
Lulzim Basha refuzoi në Kuvend të mbante 1 minutë heshtje për Sokol Olldashin. Luftoi çdo ditë kundër tij si skuth bashkë me çetën e tij të palaçove që i shpalli si Republike e re.
Asnjë ditë asnjë sekondë Basha dhe rrethi i tij nuk e panë derën e familjes së Sokolit, por sot në mënyrë të turpshme përdorin djalin e tij.
Kush dhe pse kuptohet lehtë. Për një mandat deputeti të Flamur Nokës dhe asgjë më shumë. Ata që e “vranë” dje të gjallë Sokolin sot po e lëvizin në varr duke përdorur djalin e tij.(CNA.al)
5 komente në “Politikë e vdekur, me të vdekurit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I kujt eshte faji?
Faji eshte i atij Guakut te Sokol Olldashit, sigurisht. Me kete gje, Guaku, ka pranuar ne heshtje vrasjen e atit te tij nga Sali Berisha dhe nga vete Lule Bashja, sepse ne fund te fundit, me i interesuari per vrasjebn e Olldashit ka qene Lulzim Basha, mbasi e shihte Sokolin si rivalin dhe zevendesuesin e tij te padiskutueshem.
Pyetja ime eshte kjo?
A kane ndopak gjak njeriou keta njerez apo jo? Si e shet gjakun e babait vetem qe t’i permendet nje here emri nga Lulja.
Turp i madh! Shume turp! Keta njerez duhen peshtyre ne fytyre!
Ja sa hipokrit eshte Lul Basha.Shkoni po te doni pas tij se nenat ka per t’jua leruar.Servilat jane budallenj,nuk kuptojne dot hilet e Bashes dhe shkojne si qeni pas te zotit,lehin kur ai u jep nje kore buke.
Pas gjithe atyre vrasjeve dhe zhdukjeve te orkestruara nga kreu i PD-s ndaj anetareve re saj duke filluar me Hakljat,azemin,pashkon, e deri te Olldashi paska akoma kafshe qe i zgerdhihen kasaput te tyre si i biri i Olldashit i cili ose nuk qenka fare pjelle e tij ose e paska dehur hashish basha,ndryshe nga e bija e azemit edhe pse vone po provon ta shpetoi sepaku koken e vet pasi ai kiri me dy kembet e tija eshte futur ne grazhd dhe as qe gyxin te zbythet sepse ndryshe do shkoi te baba,o zot po sa posht kemi perfunduar si popull e dijne se ja ka vrare baben vetem se deshi tia nxej vendin e kryetarit e ai shkon dhe i rri zbor, mjer Olldashi ke paska lane pas por nje gje duhet ta dije ky hajvan se ai qe i ka vrare baben sa po ti jepet rasti do tia vras edhe tbirin dhe ai i duhet vetem sa per pushtet suq ju desh para dy vitesh kreshnik spahiu qe i qendroi ne qader dy muaj kurse pas zgjedhjeve e quajti kurve dhe e kercenoi me jete por edhe ai me mire vone se kurre e kuptoi se xhelati vetem shpaten di ta luaj.
Shkaterrimi i pd-s eshte bere me urdher nga lart e deshire nga poshte,njelloj si inisiativat revolucionare te kohes se komunizmit,me ndryshimin qe atje dihej inisiatori e urdherdhenesi,ndersa ketu sado fantazi te kesh nuk ka bir kurve ta dekonspiroje regjizorin
Tani, se sa “Tribunë të Demokracisë” qënë Pjetër Arbnori dhe Azem Hajdari, kjo ngrë shumë diskutim… Apo, kujtoni thënien (do të thosha gëbelsiane) e Sokolit për vrasjet e Shpellarit në bulevard, që “mirë ka bërë, bile po të isha unë ndoshta do të vrisja më shumë…” (???!!!) Por neve (shqipot), nuk i shmangemi dot zakonit (të vjetër sa lindja jonë) që cubat dhe “të fortët”, i bëjmë heronj…!