Te fundit
REAGIMI i fortë i OSBE-së: Protesta të jetë paqësore, koktejet e molotovit, hedhja e gurëve dhe e shashkave janë të paligjshme. Përmendja e derdhjes së gjakut është e papërputhshme me demokracinë
25 Maj 2019, 13:11Kronika
TEMA
Prezenca e OSBE-së në Shqipëri ka reaguar pas ora përpara se opozita të mbajë protestën e saj para kryeministrisë.
Në një deklaratë në faqen e saj zyrtare OSBE, thotë se duhet një protestë paqësore dhe se koktejet e molotovit, hedhja e gurëve dhe e shashkave janë të paligjshme.
— DEKLARATË E PREZENCËS SË OSBE-së NË SHQIPËRI —
E tërë familja e OSBE-së — Prezenca e OSBE-së në Shqipëri, Kryetari i Radhës i OSBE-së dhe ministri i Jashtëm e për Evropën i Sllovakisë, Miroslav Lajčak, Sekretari i Përgjithshëm i OSBE-së, Thomas Greminger, Presidenti i Asamblesë Parlamentare të OSBE-së, George Tsereteli dhe Sekretari i Përgjithshëm i Asamblesë Parlamentare të OSBE-së, Roberto Montella — e dënuan fuqishëm përdorimin e dhunës, nga ana e protestuesve, në kryeqytetin e Shqipërisë, Tiranë, më 11 maj 2019.
Ata theksuan të drejtën për t’u tubuar dhe për të protestuar në mënyrë paqësore, por nënvizuan se dhuna është e papranueshme dhe se trazirat nuk mund të zëvendësojnë angazhimin politik demokratik. E sjellim në vëmendje këtë deklaratë përpara protestës së 25 majit 2019.
Deklarata mbetet po aq e vlefshme sa edhe dy javë më parë. Koktejet e molotovit, hedhja e gurëve dhe e shashkave janë të paligjshme; reagimi i tepruar i forcave të rendit nuk mund të pranohet.
I nxitim pjesëmarrësit dhe drejtuesit e protestës së sotme të jenë të përmbajtur. Përmendja e derdhjes së gjakut, pak ditë përpara një proteste publike, është e papërputhshme me demokracinë moderne dhe me protestat demokratike.
(TemA)
3 komente në “REAGIMI i fortë i OSBE-së: Protesta të jetë paqësore, koktejet e molotovit, hedhja e gurëve dhe e shashkave janë të paligjshme. Përmendja e derdhjes së gjakut është e papërputhshme me demokracinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Duhet sqaruar po molotovet qe jane prodhuar cdo te behet me kete produkt, apo do vene ne gerdecin e mehdihoxhes te demontohen ?
Molotiv! Mos u merzit se shume shpejt ata qe i kane montuar bombat molotov do i demontojne me bythe prapa hekurave prandaj rri i qete.
Kafshet nuk dine ndryshe, vetem kerbaci ixhandarmerise ose plumbi i ndreq dhe burgu ben pune