Te fundit
"Është në kundërshtim me rregullat", Rusia mbështet Serbinë kundër anëtarësimit të Kosovës në INTERPOL
19 Qershor 2019, 15:10Rajoni
TEMA
Ministri i Brendshëm i Serbisë, Nebojsha Stefanoviq, tha të mërkurën në Rusi, se aplikimi i sërishëm i Kosovës për anëtarësim në INTERPOL, është në kundërshtim me rregullat themelore të Organizatës Ndërkombëtare të Policisë.
Sekretari i Këshillit të Sigurisë së Rusisë, Nikollai Patrushev, me të cilin u takua Stefanoviq, konfirmoi se vendi i tij do t’i ofrojë mbështetje Serbisë në takimin e ardhshëm të Asamblesë së Përgjithshme të INTEPOL-it, për të parandaluar pranimin e Kosovës.
Siç bëhet e ditur në një komunikatë të ministrisë së Punëve të Brendshme të Serbisë, të cilën e transmetojnë mediat serbe, Stefanoviq tha se “sulmi i fundit i Forcave të Sigurisë së Kosovës, në veri të Kosovës është edhe një provë se nga Prishtina nuk mund të pritet që të respektojë të drejtën ndërkombëtare, e as rregullat e funksionimit të INTERPOL-it”.
Stefanoviq, duket se i është referuar aksionit të Policisë së Kosovës në veri më 28 maj.
Ai po ashtu e ka falëndëruar Patrushevin, për siç tha, mbështetjen parimore të Rusisë për Serbinë, në lidhje me “statusin e Kosovës”.
Në shkurt të këtij viti, autoritetet e Kosovës kanë njoftuar se kanë aplikuar sërish për t’u anëtarësuar në Organizatën Ndërkombëtare të Policisë.
Përndryshe Kosova ka synuar anëtarësimin në këtë Organizatë nga viti 2010, dhe as në nëntor të vitit të kaluar nuk mori shumicën e nevojshme të votave, në Asamblenë e Përgjithshme të kësaj organizate, që u mbajt në Dubai.
1 komente në ““Është në kundërshtim me rregullat”, Rusia mbështet Serbinë kundër anëtarësimit të Kosovës në INTERPOL”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kosovarin e genjen mendja se do beje shtete declarata e thacit per bashkim me shqiperine do ta kujtoni por do jete vone .
SERBIA eshte me e fuqishme se ne politikisht aleancat e saje jane me te fuqishme se ne ( pa i llogaritur fare kosovaret)
Shikoni cfare po bene RUSIA ne shqiperi i ka blere mzloket qe djegin vendin .
NJE bashkim sa me i shpejte por qe do te jete me dhimbje
Franca aleate e serbise do pengojne shqiperin per ne UE extrême djathte europiene eshte kundert SHQIPERISE RUSIA me agjentet berrishjane jane duke punuar mire per te dobesuar edi ramen dhe kisoven