Te fundit
Ilir Meta dhe dhuna shtyjnë ndërkombëtarët të grupohen rreth 30 qershorit
19 Qershor 2019, 17:35Blog
TEMA
Nga Ardit Rada
Teksa 10 ditë na ndajnë nga data kushtetuese e zgjedhjeve lokale, opozita joparlamentare ka vënë në zbatim një plan të njoftuar më parë prej saj.
Edhe pse dhunimi i ambienteve të votimit ishte parashikuar për ditën e votimit, PD dhe LSI kanë nxitur kryebashkiakët e tyre të vënë në zbatim planin për shkatërrimin e materialeve zgjedhore dhe gjithçka tjetër që ka lidhje me 30 qershorin.
Ditën e sotme, disa zhvillime të zbehura nga sulmet ndaj KZAZ-ve, kanë nxjerrë në pah një qëndrim të ndërkombëtareve ndaj asaj që po ndodh. Praktikisht, misioni i OSBE-ODIHR ka ngritur zërin për realizimin e zgjedhjeve më 30 Qershor teksa ka dënuar dhunimin e logjistikës.
Reagimi i OSBE, ku kërkohet dërgimi i organizatorëve dhe autorëve para ligjit, vjen pak minuta pasi Presidenti dërgoi një letër Miroslav Lajçakut. Kjo letër është pjesë e arsenalit që PD, LSI dhe Presidenti kanë në dispozicion për t’i rrëzuar zgjedhjet.
Duke i shkruar kreut të OSBE-së, Meta zbuloi kështu faktin se institucioni i Presidentit është gati të përdorë çdo hapësirë që ta frenojë 30 Qershorin. Jo vetëm më ç’dekretime të panjohura, por edhe me letra me vulë me shqiponjë. Por ndryshe nga OSBE, Presidenti ende nuk ka bërë thirrje për ndalim të dhunës, e aq më pak të kërkojë angazhim të agjencive ligjzbatuese.
Kreu aktual i shtetit nuk e ka lënë të mbetet unik rasti i presidentit Sali Berisha 23 vite më parë. Për herë të parë ambasadorja e OSBE, Glover erdhi në vendin tonë në zgjedhjet më të vështira të historisë së pluralizmit shqiptar, ato të 26 majit të vitit 1996, ku në fund ajo firmosi një raport që i cilësonte zgjedhjet, si jo të lira dhe të ndershme. Ka qenë një vendim që do ta vendoste prej atij momenti, në kurs përplasjeje me presidentin e kohës Sali Berisha.
Sot OSBE-së i duhet të përballet për herë të dytë me një president shqiptar, këtë herë duke përkrahur 30 Qershorin dhe duke kërkuar që përgjegjësit të gjykohen. Dhuna ndaj KZAZ-ve duket se po jep efektin e kundërt që kishte parashikuar opozita joparlamentare dhe ajo “presidenciale”. Po e legjitimon akoma edhe më shumë 30 Qershorin para ndërkombëtarëve.
4 komente në “Ilir Meta dhe dhuna shtyjnë ndërkombëtarët të grupohen rreth 30 qershorit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Populli shqiptar o sot o kurr kerkon ndihmen e Shteteve te Bashkuara te Amerikes, Bashkimit Europian dhe OSB-ese perball forcave talebane shqiptare ( President-PD-LSI) te cilet kerkojne te groposin mundin e sakrificat e popullit tone per demokraci. Ku eshte pare ne kohen kur kerkojme te behemi pjese e demokracise europkiane forca talepane te djathta te djegin shkolla dhe institucione kulturore. Ju kerkojme qe forcat demokratike pertej oqeani dhe ato evropiane ne keto momente te veshtira t’ju kemi prane.
Kte here e hengren prej verteti.
Idiotet.
Sali effendi, Ku je strukur.
Kemi president si ne Burundi. Ka dale jashte binareve dhe po vallezon neper lendina. Te mos kish qene per nderkombetaret do i kishin vene zjarrin shqiperise keta hale!!
Ky fulliqsire ishte shkaktari qe u vrane 4 vete ne bulevard, po ky fulliqsire eshte shkaktari qe don te vrasi Shqiptaret vella me vella. Turp per keta politikane qe e bene Shqiperine me keq se ne Afrike. Zgjohi Shqipare mos meri me parti por bashkohemi dhe ti zhdukim nje here e mire keta mbeturina komuniste qe 30 vjet lujne dhe pasurohen ne kurrizin tone.