KPK shkarkon nga detyra drejtuesin e Prokurorisë së Apelit Gjirokastër, Alfred Agolli

Megjithëse KPK përmbysi raportin e DSIK-së qe e vlerësonte prokurorin Alfred Agolli si të papërshtatshëm, subjekti i rivlerësimit është shkarkuar nga detyra për problemet me pasurinë.

Nga Edmond Hoxhaj

Komisioni i Pavarur i Kualifikimit, KPK shpalli të hënën vendimin për shkarkimin nga detyra të drejtuesit të Prokurorisë së Apelit Gjirokastër, Alfred Agolli. Treshja gjykuese e KPK-së e përbërë nga Etleda Çiftja kryesuese, Roland Ilia Relator dhe Olsi Komici anëtar, kanë vendosur në unanimitet shkarkimin e prokurorit Agolli i cili u vlerësua në të tri kriteret.

Gjatë seancës dëgjimore të zhvilluar të enjten më datë 4 korrik 2019, KPK i vuri në dukje Agollit problemet e gjetura sa i përket pasurisë së tij të vetme; një apartament 68.5 metra i blerë në vitin 2007 në Gjirokastër. Sipas KPK-së për këtë pasuri ishin përdorur dy hua dhe se për të parën në vlerë 3 milionë lekë nuk ishte deklaruar dhe nuk kishte për të informacion provues. Agolli i kundërshtoi gjetjet e KPK-së sa i përket pasurisë dhe shpjegoi mënyrën se si ishin kryer transaksionet, por ai pranoi se nuk e  kishte deklaruar dhe se nuk kishte dokumentacion provues për huanë e parë.

Ndërkohë, KPK rrëzoi raportin e dytë të Drejtorisë së Informacionit të Klasifikuar, DSIK ku prokurori Agolli cilësohej si i papërshtatshëm për të vazhduar detyrën. Gjatë seancës dëgjimore, relatori Ilia vuri në dukje se kishte pasur dy raporte nga DSIK. Raporti i parë ishte pozitiv, por në të dytin të lëshuar në pranverë të këtij viti, DSIK e vlerësonte “të papërshtatshëm” prokurorin Agolli. Relatori Roland Ilia theksoi se nga hetimet e KPK-së, ky raport i dytë ishte gjetur i pambështetur në prova. Ndërkohë, Komisioni ngriti pikëpyetje mbi kriterin e profesionalizimit lidhur me disa vendime pushimi dhe mosnjoftim të palëve.

Alfred Agolli e ka nisur karrierën në sistemin shqiptar të drejtësisë në vitin 1998 dhe ka ushtruar funksionin fillimisht në prokuroritë e Gjirokastrës. Në vitin 2008, Agolli është emëruar drejtues i Prokurorisë së Sarandës ndërsa në vitin 2013 është promovuar drejtues i Prokurorisë së Apelit të Gjirokastrës.

E pëson çifti “mashtrues” italo-shqiptar: I sekuestrohen apartamentet në Pogradec dhe Tiranë

15:36 Kronika

DETAJET: Apartamente në Tiranë dhe Pogradec, sekuestrohen 1 mln € pasuri, i përkasin 2 “bosëve” që ju kapën 2 mln € në Itali

15:04 Kronika

Protesta e opozitës, policia merr masat, 1500 efektivë në terren

13:22 Kronika

KPK konfirmon në detyrë prokurorin Zeqir Hoda

10:37 Kronika

Sulmi ndaj makinës së Fatos Lubonjës, Policia e Shtetit: Makina është e të vëllait, agresorin e kanë fqinj

20:01 Kronika

Paralajmëruan rrëzimin e Ramës, policia angazhon 1200 efektivë për protestën e opozitës

17:39 Kronika

DETAJET: Tentuan të fusin drogë dhe telefona me dron në burgun e Lezhës, një pako e dyshimtë alarmon burgjet në mesnatë (fotot)

11:17 Kronika

Tentoi të kultivonte kanabis, arrestohet 59 vjeçari

09:16 Kronika

Dhunohen dhe grabiten të moshuarit në Himarë, u marrin para, vaj dhe raki

18:42 Kronika

Vettingu në Polici: Kush nuk kalon përjashtohet përgjithmonë

15:16 Kronika