Te fundit
Certifikohet gjenerata e parë e Forcës së Sigurisë së Kosovës pas shndërrimit në ushtri
9 Gusht 2019, 15:26Rajoni
TEMA
Forcës së Sigurisë së Kosovës sot i është bashkuar gjenerata e para e rekrutëve të rinj pas miratimit të ligjeve për shndërrimin e saj në ushtri të Kosovës.
Të premten 337 pjesëtarë të rinj të kësaj forcave, nga të cilët 52 femra dhe 22 pjesëtarë të komuniteteve jo shumicë, u rreshtuan në kazermat e ushtrisë në ceremoninë e certifikimit të tyre.
Ministri i Mbrojtjes në dorëheqje, Rrustem Berisha tha se synimi i Kosovës mbetet anëtarësimi në NATO dhe se me ushtarët e rinj tha ai, kjo e ardhme do të jetë e sigurt.
“Jemi duke punuar me partnerët tanë strategjik që misioni i ri i Forcës së Sigurisë së Kosovës, që kapacitetet që janë të parapara me planin gjithëpërfshirës të tranzicionit të arrihen konform planit dhe të jemi të gatshëm që të kryejmë detyrat tona, obligimet tona dhe të jemi faktor i paqes jo vetëm në Kosovës por edhe më gjerë”, tha ai.
“Me ju, Kosova ndihet më e sigurt, në të tashmen dhe të ardhmen e saj. Së bashku po ndërtojmë një ushtri e cila pasqyron shpirtin liridashës të popullit tonë, vlerat mbi të cilat qëndron shteti i pavarur dhe sovran i Kosovës, vizionit tonë për të marr vendin që na takon në strukturat politike dhe ushtarake perëndimore dhe partneritetin e fuqishëm me demokracitë e lira perëndimore në krye me Shtetet e Bashkuara të Amerikës dhe partnerët tanë në Bashkimin Evropian”, tha ai.
Zoti Veseli tha se kjo ushtri është një element i domosdoshëm për paqe dhe qëndrueshmëri në rajon.
“Ne nuk e kërcënojmë askënd, kurrë s’e kemi bërë këtë gjatë historisë sonë por as nuk do të lejojmë askënd të na cenoj lirinë dhe shtetin tonë. Integriteti territorial dhe kufijtë e shtetit tonë janë të shenjtë, janë të paprekshëm sot dhe gjithherë”, tha zoti Veseli.
Mundësia që kufijtë e Kosovës dhe Serbisë të bëhen pjesë e një procesi bisedimesh për normalizimin e marrëdhënieve ndërmjet të dyja palëve, ishte hedhur në verën e vitit të kaluar nga presidenti serb, Aleksandër Vuçic dhe presidenti i Kosovës, Hashim Thaçi. Derisa presidenti serb fliste për vënie kufiri, duke nënkuptuar shkëputjen e veriut të Kosovës të banuar me shumicë serbe dhe bashkimin me Serbinë, presidenti Thaçi angazhohej për “korrigjimin e kufijve”.
Partitë politike në Kosovë kanë kundërshtuar vazhdimisht ndryshimin e kufijve si mënyrë për arritjen e një marrëveshjeje.
Aktualisht procesi i bisedimeve ndërmjet Kosovës e Serbisë mbetet i pezulluar për shkak se Beogradi kushtëzon vazhdimin e tyre me heqjen e tarifave ndaj mallrave serbe që qeveria e Kosovës i vendosi në nëntor të vitit të kaluar.
Mos pezullimi i tarifave çoi edhe në përplasje te partitë politike të koalicionit qeverisës. Një pjesë e vëzhguesve në Kosovë thonë se këto përplasje çuan edhe në prishjen e koalicionit qeverisës dhe dorëheqjen e kryeministrit Ramush Haradinaj.(voa)
2 komente në “Certifikohet gjenerata e parë e Forcës së Sigurisë së Kosovës pas shndërrimit në ushtri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
nje e drejte e fituar me lufte nuk meret mbrapsht cfare do qe te thote serbia qe eshte nen ombrellen ruse mund te kete edhe ne shqiperi parti politike qe mund te jene pro ruse dhe mund te besojne tek demokracia ruse por sondazhet tregojne se pas izraelit jemi vendi me pro amerikan dhe me pro evropian sovrani popull keshtu mendon smund te flas rama berisha meta monika apo basha mund te flasin nga nje pozicion qe kane ne politiken shqiptare te respektojne votat e sovranit e kuptojne kaq ne te kundert te hapin krahun dhe te dorihiqen shqiperia e ka care rrugen e historise me shpate ne dore nese keta politikane edhe nje fije patriotizmi te mendojne atdheun jo femijet e tyre
Po keta nderojne si “hait hitler?! Po ç’jane keto lloj nderimesh, u be lesh e li kjo kohe asnje pike respekti per veten e tyre.. Te pakten te nderojne si Ahmet Zagolli.