Te fundit
FOTOT: Lëvizte me “Lamborghini Huracán” super të shtrenjtë të vjedhur në Gjermani, pranga 38-vjeçarit në Tiranë
18 Gusht 2019, 10:17Kronika
TEMA
Policia ka sekuestruar një makinë “Lamborghini Huracán” me vlerë 250.000 euro e cila ishte vjedhur në Gjermani.
Forcat blu bëjnë me dije se në pranga ka rënë shtetasi M.D., 38 vjeç, i cili trafikonte automjete të vjedhura, gjithashtu është shpallur në kërkim një tjetër shtetas, si përkrahës i autorit në trafikimin e automjeteve.
Deklarata e policisë:
Finalizohet operacioni “LUXURY CARS”, për goditjen e veprimtarisë kriminale në fushën e trafikimit të mjeteve motorike
Operacioni nga Seksioni për Hetimin e Trafiqeve të Paligjshme në DVP Tiranë, në bashkëpunim me Sektorin e posaçëm “Shqiponja” pranë D.V.P Tiranë
Në pranga autori, i cili trafikonte automjete të vjedhura, shpallet në kërkim një tjetër shtetas, si përkrahës i autorit në trafikimin e automjeteve
Seksioni për Hetimin e Trafiqeve të Paligjshme, në Drejtorinë Vendore të Policisë Tiranë, në bashkëpunim me Sektorin e posaçëm “Shqiponja” ka finalizuar me sukses operacionin “LUXURY CARS”, duke parandaluar dhe goditur një rast të trafikimit të mjeteve motorike, me qëllim shitjen e tyre në Shqipëri.
Falë një pune të mirëorganizuar nga burime të ndryshme operative, rezultoi se më datë 13.07.2019, në territorin e Shqipërisë ka hyrë nga një shtetas, një automjet i tipit “Lamborghini Huracán”. Ky mjet nga shteti gjerman më datë 30.07.2019, është deklaruar i vjedhur.
Shërbimet e Policisë pas kotrolleve të kryera, kanë konstatuar autmojetin dhe menjëherë bën bllokimin e tij.
Në përfundim të veprimeve u bë arrestimi në flagrancë i shtetasit M.D., 38 vjeç, lindur në Elbasan dhe banues në Stuttgart, Gjermani, si i dyshuar për kryerjen e veprave penale ‘’Trafikimi i mjeteve motorike’’ dhe “Pastrimi i produkteve të veprës penale’’.
Policia shpalli në kërkim për të njëjtat vepra penale, shtetasin B.M., 43 vjeç, banues në Gjermani (bashkëpuntor).
Ata dyshohet se kanë bashkëpunuar për kryerjen e vjedhjes së automjetit luksoz në Gjermani me qëllim shitjen e tij në Shqipëri.
Në cilësinë e provës materiale u sekuestrua automjeti tip “Lamborghini Huracán”, i cili ka një vlerë monetare rreth 250.000 euro.
Materialet e para procedurale iu përcollën Prokurorisë pranë Gjykatës së Shkallës së Parë Tiranë, për veprime të mëtejshme. (TemA)
3 komente në “FOTOT: Lëvizte me “Lamborghini Huracán” super të shtrenjtë të vjedhur në Gjermani, pranga 38-vjeçarit në Tiranë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Rast tipik i vjedhjes me dijeni të pronarit. Vetëm një pyetje kam dhe kuptohemi.Si e kaloi kufirin e daljes nga Gjermania dhe kufijtë e hyrjes dhe të daljes nga Europa, dhe pastaj si hyri në kufirin tonë? Me çfarë letrash?
Kjo është esenca e shqiptarit. Ai bën çdo lloj krimi dhe maskaralliku, vetëm të hiqet për çfarë nuk mund të jetë kurrë.
Na falni ju lutmi, por ky mjeti vjedhur nga cila pike kufitare kaloi?
Po pyes sepse jam edhe une nje emigrant shqiptar dhe sapo jam kthyer ne vendin ku jetoj nga pushimet ne Shqiperi. Mua dhe gjithe te tjeret ne radhe na kane mbajtur duke na kontrolluar dokumentat e makines nje me nje ne kufi. Prandaj po habiten se si ka kaluar mjeti, sepse do te rezultonte i vjedhur ose me e pakta jo ne pronesi te ketij djalit.
Pra pse nuk eshte hetuar policia kufitare apo dogana? Shtet vari lesht!