Te fundit
SHBA nuk do të japë viza për ata që s’kanë para për sigurim shëndetësor
5 Tetor 2019, 16:24Bota
TEMA
Imigrantët që aplikojnë për viza amerikane nuk do të mund të pajisen me viza, nëse nuk ofrojnë dëshmi se kanë mundësi financiare për ta mbuluar koston e sigurimit shëndetësor për 30 ditë se mund ta paguajnë atë vetë.
Kështu thuhet në një njoftim zyrtar, të nënshkruar nga presidenti amerikan, Donald Trump, përcjell gazeta “Zëri”.
Rregulli i ri, i cili do të hyjë në fuqi më 3 nëntor, do të zbatohet për personat që kërkojnë viza imigrimi, por jo edhe për ata që tashmë ndodhen në territorin e Shteteve të Bashkuara. Ky vendim mund të ndikojë te familjet që janë duke u përpjekur t’i sjellin prindërit e tyre në SHBA.
Në njoftim thuhet se imigrantët nuk mund të hyjnë në Shtetet e Bashkuara deri në momentin që ata të kenë të mbuluar sigurimin shëndetësor nga ndonjë kompani apo institucion apo deri të ofrojnë dëshmi se kanë mundësi financiare për t’i mbuluar këto shpenzime në mënyrë private.
Administrata e presidentit Trump po përpiqet të zhvendoset nga një sistem imigrimi i bazuar në lidhje familjare në një sistem të mbështetur në merita. Njoftimi i së premtes është një lëvizje tjetër për ta kufizuar qasjen e imigrantëve në programet publike.
Presidenti Trump e ka vënë zvogëlimin e imigrimit ligjor dhe ilegal në qendër të mandatit të tij. Zyrtarët e Shtëpisë së bardhë kanë thënë se vetëm 18 mijë refugjatë do të mund të strehohen në Shtetet e Bashkuara gjatë vitit 2020, shkruan “The Guardian”.
Lini një Përgjigje
Më të lexuarat
24 oret e fundit
Javen e fundit
Blog Tema
