Te fundit
Befason Von der Leyen, shtëpia e re vetëm... 25 metra katrorë
6 Tetor 2019, 17:22Bota
TEMA
Presidentja e zgjedhur e Komisionit Europian, Ursula von der Leyen, 60 vjeçe, ka vendosur të akomodohet në një banesë pranë zyrës së saj, në katin e 13-të të Berlaymont, selia e institucionit në Bruksel, konfirmuan sot shërbimet e saj.
“Ne mund të konfirmojmë se Von der Leyen ka kërkuar që të ketë një banesë me hapësirë prej rreth 25 metrash katrore pranë zyrës së saj për netët e kaluara në Bruksel”, theksuan bashkëpunëtorët e saj duke konfirmuar një informacion të së përditshmes gjermane “Die Welt”.
Ursula von der Leyen do të marrë funksionet më 1 nëntor.
”Rezidenca e saj do të mbetet në Hanover”, theksoi i njëjti burim.
“Ajo ka vendosur të akomodohet më mirë në këtë hapësirë të vogël në ndërtesën e Komisionit sesa të marrë një apartament apo të qëndrojë në një hotel. Përveç sigurisë, kjo zgjedhje ka një avantazh praktik, sepse shmang trafikun e bezdisshëm në Bruksel”, nënvizuan ata.
Paraardhësi i saj, luksemburgezi, Jean-Claude Juncker, 64 vjeç, kishte rezidencën e tij në Luksemburg dhe kishte zgjedhur që të merrte me qira një apartament 50 metra katrorë në një hotel për 3 250 euro në muaj.
“Presidenti i Komisionit Europian është një punonjës me kohë të plotë prej 18 orësh në ditë”, theksoi Jean-Claude Juncker.
Paga është e konsiderueshme, 27 903 euro në muaj.
Ursula von der Leyen është nënë e shtatë fëmijëve të lindur përgjatë viteve 1987-99.
2 komente në “Befason Von der Leyen, shtëpia e re vetëm… 25 metra katrorë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Presidentja e Evropes e ka shtepine 25 m2 kurse Likja e ka vile me 11 nevojtore.Une them ti nderrojme,ne te marrim Ursulen dhe Evropes ti japim Liken.
PO PRESIDENTI I SHQIPRISE SA METRA KATROR E KA SHTEPINE ,DUKE DITUR SE NA MBANE 20 MACE DHE NJE MACOK???????????????????