Nuk themi se janë më të mirët ndër breza, nuk e themi me modesti se do të luajnë veteranët e Kombëtares, sepse është më shqiptare kur reklamohet me pompozitet si ndeshja midis legjendave!

Atë ditë, më 10 janar, kur do të bëhet ndeshja midis “legjendave” të Shqipërisë, Greqisë, Turqisë dhe Italisë, nuk do të ketë vend për asnjë futbollistë poshtë kategozimit “legjendë”.

Po si peshohen legjendat në kandarin e futbollit tonë ? Apo në një vend të tejmbushur me presidentë, shefa, komandantë apo profesorë e doktorë , s’i do të shpëtonte futbolli pa prekur qiellin e shtatë të vetëmburrjes.

I tillë është ky lloj futbolli, i cili kur luajnë legjendat dhuron çmime simbolike biletash, ndërsa kur luajnë futbollistët e thjeshtë,ata pa grada, mjafton t’i trukosh me fanelën e Kombëtares , çmimi i biletës të ngre qimet përpjetë..

Por, nëse me të vërtetë do të pranonim se legjendat që do të dalin në fushë janë mëse të vërteta, dhe këtë për hir të qëllimit të ndeshjes për të mbledhur ndihma për të dëmtuarit e tërmetit, po Panajot Pano, Ali Mema dhe Refik Resjma si do të mund t’i quanim, sepse po t’i pagëzonim legjenda edhe ata, do të ishte një e pavërtetë e madhe. Me këtë rast, le të kujtojmë fjalët e të madhit Perlat Musta,( nuk po e quajmë legjendë për t’i bërë nder, për ta veçuar nga të tjerët) , në një ditë speciale kur disa futbollistë do të merrnin titullin në presidencë:

“ E dini sa herë kam ardhur në Presidencë për dekorimet e futbollistëve gjatë kohës së demokracisë? Më duket se më shumë kam qënë këtu, se sa kam luajtur me Partizanin..”

Pra, jemi të gjithë të dekoruar, jemi të gjithë legjenda, punë e madhe se futbolli që luajmë nuk meriton asnjw gradë…

G.Sinemati

Botuar ne Panorama Sport

3 komente në “Do vijnë legjendat më 11 janar, po Pano, Ali Mema e Sabah Bizi çfarë janë?”

Ladi says:

6 Janar, 2020 22:37 te 10:37 pm

Shume sakte Gezim

Përgjigjjuni
sport says:

7 Janar, 2020 05:30 te 5:30 am

Bravo Gezim, je njeriu i vetem me kembet ne toke.
Gjithe halete e tjera vetem mburen dhe genjejne a thua se luhet ndonje futboll i madh.

Përgjigjjuni
? says:

8 Janar, 2020 01:56 te 1:56 am

O shqiptare te mencur, po nuk late gje pa share. Ato legjendat qe thua zotrote u prehshin ne paqe se nuk mund te luajne me. Po c’te keqe ka more zoteri ti quash legjenda keta qe do te luajne? Cfare t’i quajme sipas teje? Deshtake, te paditur, injorante, gagace, kakace? He mor ti na gjej nje emer edhe per keta qe ta paskan prishur qejfin ty meqe i kane quajtu legjenda. Zot na ruaj nga miqte ka thene nje burre i mencur se nga armiqte ruhemi vete. A thu se u zgjidhen problemet e tjera dhe na ka met kjo belaja e vogel qe po quajme legjenda futbollistet.

Përgjigjjuni