Te fundit
Këshilltari Henz falenderon gazetarin Piter për shërbimin
20 Janar 2020, 20:10Antena
TEMA
Pas korespondencës së djeshme me gazetarin Piter të “Bild”, këshiltari Henz mori një mesazh të qartë, që “nëse shkrimi duhet të hiqet, duhet të paguani”.
Këshilltari Henz e konsultoi këtë me zyrën e Lulit dhe më pas vazhduan procedurat.
Sot ai i dërgoi një email falenderimi gazetarit Piter:
“I dashur Piter.
Të falenderojmë shumë për shërbimin.
Nuk e ke idenë se sa shumë entuziasëm ka ngjallur në PD fakti që ti arrite ta heqësh shkrimin.
Kjo është një gjë e rrallë.
Ata e kishin “Bild” si “RD” dhe nuk e besonin dot, që “Bild” të akuzonte Lulin njësoj si e kanë akuzuar gazetat amerikane apo angleze, që janë të Sorosit.
Ndaj dhe fshirja e shkrimit është kontribut i yti drejtëpërsëdrejti, pasi ti dhe na udhëzove për këtë rrugë.
Nuk di si të ta përshkruaj këtë situatën sot në PD.
Mua më morën në krah që nga dera e oborrit të jashtëm deri brenda në korridor, duke thirrur Merkel, Merkel, pasi siç e di, këta më dinë mua këshilltar të Merkelit dhe mendojnë që ajo e ka fshirë shkrimin.
Pastaj më doli para roja i PD dhe më tha “Rroftë Bundestagu”.
-Çfarë ka ndodhur, e pyeta përkthyesin?
-Ky e di që “Bild”-in e ka urdhëruar Bundestagu ta fshijë, më tha. Dhe mendon që ti ke folur me Bundestagun.
Pastaj u ngjita në kat të dytë dhe më doli para një djalë i shëndoshë, që është një udhëheqës i PD që shkon në Bruksel.
-Kjo është shuplakë e fortë e Bruskelit, më tha. Nuk lejon Brukseli të shahet Luli në “Bild”.
E kuptova që dhe ai kishte një version të tij për ngjarjen.
Më në fund kur arrita tek zyra e Lulit, e gjeta të freskët, si të sapo zgjuar nga gjumi.
-Paske fjetur i qetë, i thashë.
-Patjetër, më tha. Isha i sigurtë që Piteri do bënte diçka.
Pra i dashur Piter, ajo që ke bërë ti ka gëzuar të madh e të vogël në opozitë.
-Të paktën “Bild” të jetë me ne, thoshin. Të tjerat janë letra higjenike.
Dhe e gjitha kjo, falë teje u arrit.
Mua më ke bërë shumë punë, pasi të gjithë mendojnë se kjo është edhe vepra ime.
Në fakt pa ty s’do kisha arritur asgjë. Kushtoi pak, po ja vlente.”
Lini një Përgjigje
Më të lexuarat
24 oret e fundit
Javen e fundit
Blog Tema
