Te fundit
Anti-terrori në gatishmëri pa afat: Të huajt nga Lindja intervistë të posaçme, u skanohen shenjat e gishtave
21 Janar 2020, 20:36Kronika
TEMA
Që prej datës 3 janar, drejtoria e anti-terrorit në policinë e shtetit ka kaluar në gatishmëri me afat të pacaktuar, si pasojë e rritjes së vigjilencës pas vrasjes nga SHBA të kreut të njësisë QUDS Qasem Sulejman.
Top Channel ka mësuar, jo zyrtarisht, se të gjithë shtetasit e huaj nga vendet e lindjes, i nënshtrohen një intervistimi të posaçëm si dhe skanimit të gjurmëve të gishtave dhe më pas ky informacion ndahet në kohë reale me agjencitë partnere ndërkombëtare.
Po ashtu është duke u treguar kujdes me të gjithë emigrantët e paligjshëm që tentojnë hyrjen në Shqipëri përmes kufirit të gjelbër. Në kushtet e anonimatitet një burim jo zyrtar tregoi për Top Channel se autoritetet e anti-terrorit dhe migracionit po bëhen gati të dëbojnë iranianin Ehsan Bidi, dezertor nga kampi i muxhahedinëve në Manzë.
Mësohet se Ehsan Bidi i është refuzuar leja e qëndrimit dhe aktualisht po mbahet ne qendrën e mbyllur të Karecit derisa të përfundojnë procedurat e largimit të tij. Ehsan Bidi, mbërriti në Shqipëri si pjesë e kontigjentit të më tepër se 2 mijë muxhahedinë nga kampi i lirisë në Irak.
Ndërkohë po ashtu, Top Channel mëson se autoritetet i kanë refuzuar lejen e qëndrimit edhe një personazhi me dritë hije Thamer Ali Radhi Zaidawi, i cili është me origjinë nga Iraku por besohet se ka ngecur në rrjetën e anti-terrorit pas sinjalizimit të partnerëve për aktivitetin e tij të dyshimtë. 44-vjeçari ka kundërshtuar në Gjykatë urdhrin e largimit dhe procesi do zhvillohet në fillim të muajit shkurt.
Top Channel mëson nga burime të besueshme se dy diplomat të tjerë iranianë janë urdhëruar të largohen nga Shqipëria brenda 72 orësh për shkak se përbëjnë rrezik serioz për Shqipërinë.
Top Channel ka mësuar edhe emrat e tyre, ata janë Mohamed Peimanemati, këshilltar i tretë i ambasadës së Iranit në Tiranë si dhe Seyed Ahmad Hosseini, atashe kulturor i Iranit në Shqipëri, ky i fundit shumë aktiv në fondacionin Shiraz që vepron edhe në Shqipëri dhe që ka një mbështetje special nga ana e Iranit. Burime tejet të rezervuara i thanë Top Channel se këta persona ishin në lidhje të drejtpërdrejtë e ish shefit supreme të trupave Quds, gjeneralit Sulejmanit i vrarë nga Shtetet e Bashkuara të Amerikës.
Mësohet se shërbimet sekrete dhe shërbimi inteligjent shqiptar edhe më ndihmën e vendeve aleateve ka siguruar të dhëna për njohurinë e tyre edhe mbi planin sekret për rrafshimin e ambasadës amerikane në Bagdad, në një sulm të organizuat nga Sulejmani, që mesa duket konfirmon vërtetësinë e shqetësimit që çoi në vrasjen e Sulejmanit!
Seyed Ahmed Hosseini Alast
Atashe kulturor, por në fakt anëtar i gardës revolucionare të Republikës islamike, organizatë e shpallur terroriste nga departamenti i shtetit. Pjesë aktive e planev dhe nxitjes për të organizuar akte terroriste e destabilizuese ndaj prezencës së forcave të koalicionit në Lindjen e Mesme. Statusi diplomatik në Shqipëri i ka shpërbyer për të mbuluar aktivitetin e tij që cënon sigurinë kombëtare të Shqipërisë.
Mohamed Peimanemati
Këshilltar i ambasades iraniane në Tirane, por ne fakt anëtar i njësisë operacionale të inteligjencës së Iranit Mois, përgjegjës për disa akte terroriste në vendet e BE.
Në dhjetor të vitit 2018, Shqipëria shpalli si persona të padëshiruar ambasadorin Gholamhossein Mohammadnia dhe Mostafa Roudaki. Ndërkohë që më herët ishin ndaluar dy shtetas iraniane që dyshoheshin se do kryenin në Shqipëri një sulm gjatë një feste të bektashinjëve. Koka e terrorit iraniane gjenerali Solejman ndërkohë u ekzekutua me një sulm me dron nga ana e amerikanëve.
Zyrtarët amerikanë thanë se këtë sulm e kishin ndërmarrë për të parandaluar sulme ndaj përfaqësive diplomatike. Dëbimi i dy diplomatëve të tjerë iranianë nga Shqipëria si pjesë e rrjetit që do sulmonte ambasadën amerikane në Bagdat është konfirmim. Shqipëria u bë pjesë e kërcënimeve iraniane nga Ajatollahu për shkak se strehon për arsye humanitare një grup prej 3200 anëtarëve të MEK, opozitës iraniane në mërgim.
2 komente në “Anti-terrori në gatishmëri pa afat: Të huajt nga Lindja intervistë të posaçme, u skanohen shenjat e gishtave”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
E keqia nuk eshte vetem tek personi i huaj, por te institucionet. Qindra xhami qe jane ndertuar me financime te dyshimta terroristash, jane vatra spiunazhi dhe rekrutimi ne Shqiperi dhe Europ.
Kuptojeni o Shqiptar …. Islami funksionon si nje organizat politiko-sociale, nuk eshte as pak “Fe”, por fshihet nen petkun Fetar, qe te funksionoj ne te gjithe boten dhe Europen (vecanerisht) pa probleme, nen kauzen e te drejtave njerezore dhe Fetare.
Organazata terroriste jane dhe PD+LSI dhe bishtat e tyre ne koalicionin Opozitar. Kete e verteton nje sinjal disi i “vogel” ne fillim te muajit Qershor 2019, nga DASH, qe Lulzim Basha e kapi me ndihmen e disa Deputeteve Hollandez, qe i paguan prej vitesh, per ta mbrojtur kudo e kurdo Ai ka nevoje… Prandaj PD dhe vete Lulzim Basha ka pasur perplasje me direkt Ilir Meten dhe Sali Berishen dhe disa te tjere ekstremiste brenda PD dhe LSI, por dhe shumicen (95%) e pronareve, Drejtoreve, Kryeredaktoreve, Analisteve dhe Gazetareve VIP_a te Medias ne Shqiperi dhe disa ne Kosove dhe Maqedoni, te cilet ne korr e te komanduar e paguar fuqishem siperhere prej mbi dy dekanash, nga Berisha e Meta, kerkonin nje 1997 te dyte.