Vrasja që tronditi Astirin: Autori ishte shok i ngushtë me viktimën, e kishte ftuar edhe në shtëpi shumë herë

Zbulohet emri dhe mbiemri i personit që policia ka shpallur në kërkim si ekzekutori i Vilson Tafçiut, vrasje që tronditi Astirin mbrëmjën e të hënës.

Ai quhet Noel Dishi, raporton News 24.

Më herët policia bëri me dije inicialet e tij N.D dhe rezulton se ai përdorte 3 identitete.

Noel Dishi është nga Dibra dhe banues në Sukth.

Ai ka qenë shok me viktimën dhe kanë qenë bashkë madje edhe në Francë dhe Zvicër, raporton News24.

Policia ka marrë në pyetje familjarët e autorit të dyshuar në Sukth, të cilët kanë thënë se Vilsonin e njihnin si shok të djalit dhe se shkonte shpesh në shtëpinë e tyre.

Po kështu familjarët kanë deklaruar se prej më shumë se 2 javësh mes Vilson Tafçiut dhe Noel Dishit ka ndodhur një zënkë që ka prishur miqësinë por motivin e saj nuk e dine.

Prindërit kanë pohuar se me të birin nuk janë takuar që një ditë para se të ndodhte vrasja.

Tafçiu që mbeti viktimë e këtij atentati mësohet se ishte arrestuar për trafik droge në mars të vitit 2018 në Francë dhe kishte qëndruar në paraburgim për 8 muaj.

Pastaj ishte deportuar drejt vendit tonë në nëntor të vitit të kaluar. Përveç Francës ai ka jetuar edhe në Belgjikë.

Policia thotë se shkak i vrasjes së Vilson Tafçiut ka qenë një konflikt i çastit.

Ndërkohë dyshohet se mes autorit dhe viktimës mund të ketë pasur konflikte edhe për pazare droge.

Njoftimi i policisë

Strukturat e Drejtorisë Vendore të Policisë Tiranë, nën drejtimin e Prokurorisë së Tiranës, po vijojnë intensivisht punën për zbardhjen dhe dokumentimin me prova ligjore të ngjarjeve të ndodhur në Allias dhe në Astir.

Si rezultat i punës profesionale, reagimit të menjëhershëm të strukturave të Policisë dhe bërjes së një sërë veprimesh proaktive, grupi i posaçëm hetimor ka mundur të dokumentojë me prova ligjore ngjarjen e ndodhur në orët e mbrëmjes së datës 20 janar 2020 në Astir, ku mbeti i vrarë me armë zjarri 29-vjeçari V. T.

Bazuar në veprimet e kryera dhe provat e grumbulluara rezulton se si pasojë e një konflikti të çastit, shtetasi N. D., alias N. K., alias M.P., 29 vjeç, në orën 20:30 të mbrëmjes së datës 20 janar, në rrugën “Dhaskal Todri”, në Unazën e Re, ka qëlluar disa herë me armë zjarri duke vrarë shtetasin V. T.

Policia e Tiranës ka shpallur në kërkim policor 29-vjeçarin dhe gjatë ditës së djeshme dhe mëngjesit të sotëm ka ushtruar një sërë kontrollesh në disa ambiente dhe terrrene, ku dyshohej se mund të fshihej 29-vjecari dhe vijon punën e pandërprerë për kapjen e tij.

Policia e Tiranës garanton qytetarët se është tërësisht e angazhuar për të parandaluar, evidentuar dhe goditur paligjshmërinë, si dhe fton qytetarët për të bashkëpunuar më tej, në drejtim të krijimit të një ambienti sa më të sigurt.

Vrasja mafioze e shqiptarit në Londër, pranga një suedezi

09:07 Kronika

Anti-terrori në gatishmëri pa afat: Të huajt nga Lindja intervistë të posaçme, u skanohen shenjat e gishtave

20:36 Kronika

Gjykata lë në burg 60-vjeçarin e akuzuar për abuzim me të miturën

19:27 Kronika

“S'plotëson kushtet e nevojshme për qëndrim”, dëbimi nga Shqipëria: Turkut Çelik iu mohua ankimimi

17:19 Kronika

Sandër Lleshaj "ankesë" Prokurorisë së Përgjithshme: S'kemi drogë për të trajnuar qentë

16:10 Kronika

INVESTIGIMI/ Kolegji i Apelimit ‘censuron’ mendimet ndryshe të vëzhguesve të ONM

14:46 Kronika

Shqipëria dënohet në Strazburg për keqtrajtimin e një të sëmuri mendor

13:59 Kronika

8 gjyqtarët e 21 Janarit, si Vetingu i nxorri të gjithë jashtë drejtësisë

13:31 Kronika

Zbulohen udhëtimet si turist nga Franca në Shqipëri të “Escobarit” të Europës

12:01 Kronika

9 vjet nga "21 janari", vëllai i Ziver Veizit: Nuk kërkoj më asgjë, jam ngopur

11:59 Kronika