Te fundit
Partizani nuk ka dalë nga kriza: Sormani tani ka kalendarin në favor
4 Shkurt 2020, 13:24Sport
TEMA
Duhej fitore me cdo kusht dhe Partizani përmbushi misionin: në letër i lehtë, por në situatën në të cilën ndodhej skuadra kryeqytetase më shumë se i komplikuar.
Blerjet e ditës së fundit nuk e ndihmuan dot Luftëtarin që të konfirmohej macja e zezë e Partizanit: bluezinjtë dolën të mundur nga stadiumi i tyre 0-3 nën goditjet e Solomon, Brojës e Melos, që i kthejnë buzëqeshjen Sormanit, pas tre humbjeve në tre ndeshjet e para që drejtonte të kuqtë.
E ndoshta emrat që markuan listën e shënuesve janë ato që i bëjnë drejtuesit e Partizanit optimist të mund të shohin investimet e tyre të mëdha, të bëjnë diferencën e shpresuar në gusht, por asnjëherë efektive në pesë muajt e parë të kampionatit.
Solomon, sulmuesi kryesor i të kuqve, nuk shkonte në gol prej 4 muajsh, pikërisht nga deri i 29 shtatorit. Goli i parë me fanellën e të kuqve për mesfushorin Broja, ndërsa pozicioni i ri në 4-4-2 klasik të Sormanit e ka bërë më të lirshëm taktikisht Melon, spektakolar në golin e tretë në Gjirokastër.
Me këtë system loje, tekniku garantoi më shumë mbulim të mesfushës dhe ekuilibër në prapavijë, duke u kthyer tek fitorja në kampionat për herë të parë që nga 22 dhjetor 2019, në suksesin 1-0 kundër Vllaznisë.
Partizani i Sormanit merr pikët e para, në tentativë për të përmirësuar bilancet: në tetë ndeshjet e fundit mes kampionatit e Kupës, të kuqtë kanë vetëm dy fitore dhe gjashtë humbje e tani kalendari i thjeshtohet nga sfida me Flamurtarin.
Sormanit i është kthyer buzqëeshja, por e ka të qartë se nga kriza nuk dilet duke fituar kundër skuadrave që kanë rënë tashmë praktikisht nga Kategoria.
1 komente në “Partizani nuk ka dalë nga kriza: Sormani tani ka kalendarin në favor”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Partizani do te vijoje ne vite te jete ne krize si mekatar I shpifjeve te ulta ndaj Skenderbeut, por kjo do pasohet edhe ndaj Braçes, Finos, Pano Xhixhos, Hygerta Sakos, RTSH dhe Bazes qe baltosen UEFA me mashtrime ndaj korçareve.