Ekzekutoi bashkëshorten pasi fantazonte sikur e tradhëtonte, zbardhet telefonata e parë pas krimit: Manjolën e mbyta, njofto policinë dhe shiko kalamajtë

”Manjolën e mbyta, njofto policinë dhe shiko kalamajtë”. Kjo ka qenë telefonata pak minuta para mesnatës së 1 Shkurtit, që ka alarmuar kunatën e Lulzim Cukut, e cila nga shtrati i një spitali në Tiranë, ka njoftuar policinë, që më pas gjetën një skenë zemërthyese në vendngjarje: fëmijët te trupi i pajetë i së ëmës. Detajet e kronologjisë së krimit, zbardhen në dosjen hetimore të prokurorisë, që kërkoi arrest me burg për 45-vjeçarin, masë e miratuar nga gjykata një ditë më parë.

Në dëshminë e tij para togave të zeza, autori ka pretenduar se krimin e ka kryer për shkaqe xhelozie, pasi dyshonte se bashkëshortja e tradhtonte teksa ai ndodhej në emigrim. Por sipas raportimeve në media, pretendimet për tradhti janë mohohuar nga familjarët e 33-vjeçares, të cilët thonë se sherrin mes çiftit e nxiste vëllai i 45 vjeçarit, që sipas tyre, kërkonte largimin e tyre në Greqi që të merrte shtëpinë.

Në seancën e djeshme, u zbulua se viktima Manjola Cuku, ishte me urdhër-mbrojte.

Sipas hetimeve të prokurorisë, rreth orës 23.55 të datës 1 Shkurt, është marrë njoftim nga salla operative e komisariatit të Policisë Durrës se në vendin e quajtur fshatin Xhafzotaj, shtetasi Lulzim Cuku ka vrarë me thikë bashkëshorten e tij Manjola Cuku.

Në datën 1 Shkurt, rreth orës 17.00, 45-vjeçari ka qenë në banesë së bashku me bashkëshorten, viktimën shtetasen Manjola Cuku dhe të tre fëmijët. Rreth orës 21.00, kanë qenë tek dhoma e fëmijëve të dy dhe aty kanë filluar debatet midis tyre. Lulzim Cuku ka fyer dhe ofenduar Manjolën. Pasi fëmijët i ka zënë gjumi kanë filluar përsëri duke debatuar. Në debat e sipër, Lulzimi ka shkuar tek kuzhina ku aty ka marrë një thikë buke dhe pasi ka shkuar në dhomën ku ndodhej Manjola, e ka kapur nga krahu dhe e ka futur në banjë. Aty kanë debatuar dhe në këtë moment ai e ka qëlluar me thikë në pjesë të ndryshme të trupit. Ajo është rrëzuar në dysheme.

Pas kësaj, Lulzim Cuku, ka dalë nga banja dhe e ka mbyllur atë me çelës, të cilin e ka lënë tek dera dhe është larguar me automjetin e tij.

Gjatë rrugës, ka marrë në telefon kunatën e tij, të cilës i ka thënë se: ”….Manjolën e mbyta, njofto policinë dhe shiko kalamajtë….”

Kjo shtetase ka njoftuar policinë e Tiranës pasi ndodhej e shtruar në spitalin e Tiranës dhe më pas ka shkuar në Durrës ku është njoftuar policia e Durrësit për ngjarjen e ndodhur.

Nga ana e Policisë është shkuar në vendngjarje ku kanë gjetur tre fëmijët e tyre tek trupi i së ëmës, e cila ishte lëvizur nga ana e vajzës së saj F. deri tek dera e banjës. Por, shtetasja Manjola Cuku, në këtë moment të ardhjes së policisë, ka qenë pa jetë.

FOTOT: Po ktheheshin nga puna, aksidentohen për vdekje dy mësuesit në Memaliaj

15:17 Kronika

Publikohen dokumentet dhe faktet e reja: Si tentoi t'i shpëtojë Berisha super-grabitjes me aferen e “CEZ"

13:29 Kronika

OFL u dha 48 orë kohë, Hajrat nuk plotësuan formularin, SPAK merr në dorë çështjen. Avokati: U shkel Kushtetuta

13:17 Kronika

Britanikët punojnë për testin e ri: Kokaina zbulohet nga gishtat

13:08 Kronika

Vetingu konfirmon Gledis Nanon, drejtor të antiterrorit në policinë e shtetit

12:17 Kronika

Anti-KÇK-ja i vihet pas dy "të fortëve", Ben Qimes dhe Saimir Taullaut

11:23 Kronika

Gjykata e Tiranës pushoi çështjen e CEZ, Kuvendi ankimon vendimin. Berisha në Apel

10:21 Kronika

"Pastrohet" Doktori, gjykata e Tiranës pushon padinë e Haklajve për shpifje kundër Berishës

10:13 Kronika

Vettingu, konfirmohet në detyrë drejtori i Policisë së Shtetit Ardi Veliu

09:55 Kronika

Tentoi vetëvrasjen pasi i mori jetën gruas, mjekët shpëtojnë shqiptarin

20:25 Kronika