Te fundit
Mançester Siti si Skënderbeu ndaj UEFA-s: Proces i paragjykuar, tani në gjykatë të paanshme
14 Shkurt 2020, 22:27Sport
TEMA
Klubi i Mançester Sitit ka reaguar menjëherë pasi u bë publik vendimi i përjashtimti për dy edicionet e ardhshme nga të gjitha aktivitetet ndërkombëtare të organizuaraa nga UEFA. Kampionët në fuqi të Anglisë, me një qëndrim që i ngjante shumë atij të lëshuar shpesh nga klubi I Skënderbeut në vitet e kaluara kur diskutohej gjyqi i tij me këtë organizatë, aludon se kjo e fundit është e njëanshme në vendimet që merr dhe paragjykuese.
“Mançester Siti është i zhgënjyer, por jo i çuditur nga njoftimi i sotëm i UEFA-s. Klubi ka paraprirë gjithmonë dëshirën për të kërkuar një gjykatë dhe proces të paanshëm që të marrë në konsideratë sasinë e konsiderueshme të provave që ka në mbështetje të pozicionit të tij.
Në dhjetor 2018, Shefi i Hetimeve i UEFA publikisht e paratha rezultatin dhe sanksionin që ai priste t’i jepte Mançester Sitit, patra se të ishte nisur ndonjë hetim. Procesi vijues me gabime dhe vazhdimisht i bërë publik që ai mbikëqyri, nënkuptonte se nuk kishte dyshime në rezultatin që do të jepej. Klubi ka bërë ankimim formal në Komisionin e Disiplinës së UEFA-s, një ankimim që është vërtetuar me një vendim të KAS.
E thënë thjesht, kjo është një çështje e filluar nga UEFA, e hetuar nga UEFA dhe e gjykuar nga UEFA. Me këtë proces të paragjykuar që tashmë ka mbaruar, klubi do të kërkojë shpejt një gjykim të paanshëm dhe në radhë të parë, do të nisë procedurat e apelimit në KAS”, shkruhej në reagimin e Mançester Sitit.
Përjashtimi nga aktivitetet europiane do të ishte një goditje shumë e rëndë për këtë klub, i cili ka bërë shpenzime të çmendura vetëm për të fituar trofe në arenën ndërkombëtare dhe shpresonte se me Pep Guardiolën do ia arrinte këtij qëllimi.
Lini një Përgjigje
Më të lexuarat
24 oret e fundit
Javen e fundit
Blog Tema
