Arratiset Tirana, Shehi “ngec” në debutim, Teuta fut në krizë të thellë Partizanin

Tirana fiton 0-2 ndaj Flamurtarit në Vlorë dhe duke përfituar nga hapat e gabuar të Kukësit dhe Partizanit bën një hap të madh drejt titullit të 25-të kampion.

Një autogol i Vrapit në minutën e 32-të, pas një topi të futur në zonë me forcë nga Michael Ngoo dhe goli i Cobinah në fundin e sfidës u mjaftoi bardhebluve për të marrë maksimumin e pikëve në një transfertë sa të lehtë në letër aq të vështirë në fushën e blertë. Gjithsesi, për ekipin e drejtuar nga Egbo kanë shumë rëndësi pikët maksimale.

Fitorja pa shumë bujë e Tiranës mori më shumë vlerë nga barazimi i Kukësit 0-0 në “Elbasan Arena” përballë Vllaznisë, që zhvilloi një ndeshje me nivel të lartë, duke e vënë në vështirësi serioze skuadrën verilindorë, me Sidorencon që shpërdori një rast ideal në pjesën e parë dhe Junior që goditi jashtë rreth 10 minuta para fundit të kohës së rregullt. Një debutim ky që nuk i lë shije të mirë Orges Shehit, për të cilin është kusht titulli kampion, objektiv edhe më i vështirë me këto dy pikë të lëna ndaj shkodranëve.

Tjetër zhgënjim për Partizanin, që u mposht 0-1 në “Selman Stërmasi” nga Teuta, duke dalë përfundimisht jashtë garës për titullin kampion.

Goli i Sherif Kallakut në minutën e 68-të, pas spondës me kokë të Gomez, rezultoi vendimtar në përcaktimin e rezultatit. Edhe në këtë ndeshje ra në sy paaftësia e dy sulmuesve të Partizanit, Brown dhe Solomon, për të shënuar gola të thjeshtë, madje edhe me portën gjysmë të boshatisur.

Triumf i parashikueshëm 2-0 i Skënderbeut në Korçë përballë një Luftëtari praktikisht të rënë nga kategoria. Golat u shënuan nga Mensah në pjesën e parë dhe Jashanica në fraksionin tjetër. Një rikthim u bukur ky për mbrojtësit nga Kosova, që ka qenë u pezulluar për dy vite pasi doli pozitiv në përdorimin e dopingut.

Në përfundim  të javës së 25-të Tirana ndihet edhe më e sigurt në krye të klasifikimit me 50 pikë, gjashtë më shumë se Kukësi, ndërsa Partizani parakalohet nga Teuta dhe barazohet nga Skënderbeu, duke rrezikuar seriozisht edhe pjesëmarrjen në Kupat e Europës.

Laçi fiton në shtëpi kundër Bylisit

15:56 Sport

Goldi Halili: Pas 6 vitesh humbjesh në derbi, tani themi…”manita”

15:17 Sport

Shorti i Ligës së Kombeve, Edi Reja: Dua vendin e parë në grup

14:36 Sport

Koronavirusi rrezikon edhe miqësoret e Shqipërisë, FSHF vihet në lëvizje!

12:25 Sport

Armand Duka: Për largësinë, grupi më i keq që mund të na binte. Reja ka firmosur

19:30 Sport

Shaland: Nuk është short i mirë për Kosovën, e vështirë të kualifikohemi

19:10 Sport

Shorti i Ligës së Kombeve: Shqipëria me fat, Kosova në grup të vështirë (do ndeshet dhe me "armiqtë" grekë)

18:33 Sport

Tërmet te Milani: Pas largimit të sigurtë të Boban e Maldinit, trajneri mendon dorëheqjen pas ndeshjes me Juven

18:11 Sport

"Pse Zoti e pëlqen lojën e Tironës"

16:19 Sport

Ulet TVSH për sportin: Investimet e klubeve do tatohen 6%

15:47 Sport