Thaçi i ankohet Pompeos për Specialen: vetëm kundër shqiptarëve, e papranueshme!

Presidenti Thaçi i është ankuar Sekretarit të Shtetit Mike Pompeo lidhur me Specialen në Hagë, e ngritur posaçërisht për krime te aluduara të UÇK-së, duke i shkruar një letër ku thotë se “është zhgënjyes fakti që Zyra e Prokurorit Special ka dedikuar burimet e veta të shumta për ta hetuar vetëm një grup etnik, pra vetëm kundër shqiptarëve të Kosovës, gjë që dëmton në themel kredibilitetin dhe legjitimitetin e procesit”.

“Institucionet e Kosovës i janë tepër mirënjohës Qeverisë së Shteteve të Bashkuara të Amerikës, në veçanti Zyrës për Drejtësi Globale Kriminale të departamentit të Shtetit, për mbështetjen e vazhdueshme politike dhe financiare për etablimin e mandatit të Dhomave të Specializuara të Kosovës. 

Sido që të jetë, ju shkruaj që zyrtarisht t’ua sjell në vëmendje shqetësimin tonë që edhe pasi kanë kaluar 5 vjet, që është edhe periudha tranzitore e paracaktuar në fillim, ka pasur pak progres në zbatimin e mandatit të paraparë të Dhomave të Specializuara. Po ashtu, më duhet të shpreh rezerva serioze, në emër të institucioneve të Kosovës, që Dhomat e Specializuara dhe Zyra e Prokurorit, nuk kanë dhënë rezultate siç është paraparë me mandatin e vet të përcaktuar në letrat e BE-së me Marrëveshjen me shtetin nikoqir, Holandën.

Me keqardhje më duhet ta shpreh shqetësimin tim që mënyra në të cilën këto institucione gjegjëse vazhdojnë të operojnë është në kundërshtim direkt me atë që fillimisht ishte paraparë dhe ishim marrë vesh.

Kurrë nuk ka qenë qëllim i institucioneve të Kosovës që të gjitha procedimet të barten në shtetin e tretë të caktuar dhe të zhvendosen plotësisht nga sistemi ekzistues i drejtësisë kriminale.

Me keqardhje të madhe jua sjelli në vëmendjen tuaj këtë shqetësim, por është shqetësim serioz, pas jam i obliguar të reagoj si president i Kosovës, të cilit i janë besuar siguria dhe mirëqenia e qytetarëve, po ashtu nga Kushtetuta dhe ligjet e Kosovës, kultivimi i parimeve të demokracisë, mbrojtja e sigurisë kombëtare dhe ruajtja e sovranitetit të shtetit. Në të kundërtën, identiteti ynë shtetëror, përpjekjet tona për pavarësi dhe sakrificat që i kemi bërë në emër të kombit do të dëmtohen”, shkruan Thaçi në letër. Kjo vjen një ditë pas presidenti i Kosovës shenjtëroi rolin amerikan për Kosovën e njëherësh e quajti të dështuar atë të BE-së.

Në rastin konkret, Specialja është punë e kësaj të fundit.

Mos kini besim se “mbreti” serb apo ai kosovar do të arrijnë paqen

20:00 Rajoni

FOTOT: 22-vite nga rënia e Jasharëve

14:24 Rajoni

Përkujtohet epopeja e UÇK-së

14:15 Rajoni

Dialogu Kosovë-Serbi, Vuçiç: Uashingtoni serioz për heqjen e taksës

13:32 Rajoni

LETRA: Baton Haxhiu jep dorëheqjen nga Klan Kosova

11:07 Rajoni

Politika e Kosovës bëhet bashkë: Mbahet “Ora e Lirisë” kushtuar luftës çlirimtare të UÇK-së

08:41 Rajoni

Greqia shënon rastin e 10-të me koronavirus

08:09 Rajoni

Hashim Thaçi: Të gjithë jemi të zëvendësueshëm, përveç rolit amerikan për shqiptarët

22:35 Rajoni

Albin Kurti, letër Bashkimit Europian

20:49 Rajoni

VIDEO/ Takimi me Vuçiç në Uashington, Hashim Thaçi: ShBA në krye të procesit të dialogut, hapi i fundit i Kosovës anëtarësimi në OKB

17:41 Rajoni