Prej afro 35 ditësh, në sistemin shkollor parauniversitar dhe universitar, po zhvillohet mësimi on-line, (ose mësimdhënia e emergjencës) siç quhet nryshe në emërtesat e korrespondencës nxënës-mësues përmes whatcap-it. Dukej si një eksperiencë e re, e mirëpritur, dhe duhet thënë shumë e nevojshme.

Por shumë shpejt, teknika dhe taktika e re, e papërdorur ndonjëherë në sistemin shkollor në Shqipëri, do të nxirrte në sipërfaqe problemet e veta,që nisin nga ato profesionale (për një pjesë të mirë të mësuesve) dhe duke vazhduar me rritjen e stresit tek pjesa dërrmuese e nxënësve.

E ndërsa dita e hënë, nis me “sms” e çdo mësuesi lënde për grupin e nxënësve, ngarkesa bëhet maksimale për nxënësit, kur celulari mbushet brënda 20 minutash, me dhjetra materiale, skica, video, ushtrime, fjalime, udhëzime, porosi, dhe nuk mungojnë edhe “urdhërat” e ndonjë mësuesi fillestar.

Të gjendur përballë kësaj situate stresante, nxënësit që kanë një mundësi interneti dhe celulari bashkohor, mund t’ja dalin, mund të arrijnë të bëjnë ndonjë detyrë pa u ngatërruar me dhjetra e dhjetra “sms” që vazhdimisht vijnë nga shokët dhe shoqet e klasës, për sqarime, për ndihma etj.

Çdo lëndë ka grupin e saj, çdo mësues ka grupin e tij, dhe komunikon me nxënësit shpesh, jo sipas orarit javor, (që në fakt duhej të ishte kështu) por sipas oreksit dhe mundësisë. Sërish kjo mënyrë ka nxitur rrëmujën dhe stresin tek nxënësit.

Gjatë dhënies së temës së mësimit, gjë e cila ndodh çdo ditë pas ores 08.30, mësuesit nxitojnë (dhe nuk dihet përse) të japin temat e mësimit edhe porosi të tilla si “kush e mbaron brënda 15 minutash ka notën 10). Dhe pikërisht këtu nis kaosi, nisin sms e nxënësve dhe prindërve, që ankohen sepse u duhet të bëjnë njëkohosisht 3-4 palë detyra në të njëjtin orar. Vlerësimi ?

Ai është më fiktivi, pasi askush nga mësuesit nuk është në gjendje të ndjekë dhe shikojë nga shtëpia, si dhe kush po e ndihmon nxënësin të bëjë detyrat. Në këto 35 ditë mësimi on-line, nxënësi i notës 5 ose 6, ka arritur të marrë notën 9 ose 10.

Dhe mësuesi , është i detyruar ti vërë notën, sipas “detyrës” që merr përmes sms në whatcap. Dhe kështu ndodh çdo ditë, qoftë me nxënësit e sistemit 9 vjeçar, ashtu edhe me nxënësit e gjimnazeve, apo studentët e universiteteve.

Problemin e ka të qartë edhe Ministria e Arsimit, madje zonja Shahini ka folur disa herë mbi “efektivitetin e kësaj mënyre të re të mësimdhënies dhe vlerësimit përmes rrugës elektronike, ndaj situata e krijuar, e bën të padiskutueshme zbatimin e mësimdhënies on-line”.

Në dukje e “qetë” dhe “pa probleme”, mësimdhënia on-line, shumë shpejt do të japë problemet e veta, ku një ndër ato është, mungesa e dijeve efektive, nga një pjesë e madhe e nxënësve, kryesisht në sistemin parauniversitar.

Drejtoritë e Arsimit dhe ZVA në rrethe, marrin çdo ditë telefonata dhe mesazhe nga prindër, mësues dhe nxënës, ku u kërkohet “zvogëlimi ngarkesës, ndryshimi metodollogjisë së mësimdhënies edhe në kushtet e komunikimit elektronik” apo dhe elozhe të tipit “kemi arritur suksese, kemi ecuri të kënaqshme, nxënësit po na ndjekin”, etj.

Por e vërteta qëndron në faktin se, shkollat e sistemit parauniversitar, veç problematikave të trashëguara, mendoj se do të përballen shumë shpejt, edhe me produktin “e gatshëm” që do të nxjerrin pas përfundimit të këtij viti shkollor. Shumë specialistë të fushës së arsimit, janë të mendimit se “mësimi on-line, si diçka e detyrueshme për situatën, duhet të shoqërohet me përgjegjshmëri më të madhe nga stafi i Drejtorive Arsimore dhe ZVA-ve, lidhur me ngarkesën ndaj mësueve dhe nxënësve”.

Rritja e ngarkesës, është tipari i kësaj periudhe karantinore, gjë e pazakontë në periudhën kur shkollat funksiononin normalisht. Provimet e lirimit, (në 9 vjeçare) dhe ato të maturës (në gjimnaze) po trokasin, ndaj duhet menduar seriozisht lidhur me mënyrën e vlerësimit për çdo nxënës, duke mos harruar ecurinë e tij qysh nga fillimi i vitit shkollor.

Pozitiv është fakti, se nxënësit nuk mbetën pa mësim, qoftë edhe no-line, por kryesore mbetet shqetësimi për “produktin e gatshëm”, për atë që nesër do të dalë nga shkollat tona, për ata nxënës që do të mbarojnë 9 vjeçaren dhe do të kalojnë në gjimnaze, dhe për ata maturantë, që gjithë vitin ishin nxënës të 4- 5 apo 6, dhe në provimet e shtetit on-line, mund të arrijnë të “marrin” 9 ose 10, dhe pastaj mund të pretendojnë të shkojnë edhe në universitete. Që nesër të mos dalin “trungje” nga shkollat tona, dhe të themi se fajin e kishte karantina…..

5 komente në “Që nesër, të mos dalin “trungje” nga shkollat tona”

ben says:

15 Prill, 2020 19:26 te 7:26 pm

Pse deri tani qe nga mbas 1990-tes a nuk keni nxjerre vetem trungje? Shkollat tona i ka marre lume me kohe e me vakt. Shikoj gjeneraten e re qe shkruan gjuhen shqipe me gabime trashanike, ku rregullat e gramatikes nuk njihen fare dhe gjuha e e perdorur ne te shkruar eshte njesoj si zhargoni i te folures se perditshme. Me kete gjenerate te re qe keni nxjerre deri me sot nga shkollat, i keni mbushur zyrat me injorante qe jane aty per te marre vetem rrogat se sa per pune, nuk ja thone fare.

Përgjigjjuni
Enxhi says:

15 Prill, 2020 20:19 te 8:19 pm

Ministria e Arsimit duhet te dije se karantina nxorri zbuluar dhjetra e qindra mesuese mediokrre, qe kane mbaruar te mesmen dhe jane mesuese ne shkolla mes qytetit, dhe se shkollen e larte e kane marre duke dhene 200 euro per provim.
Dhe vjen nje dite dhe dalin te palarat…

Përgjigjjuni
h says:

16 Prill, 2020 10:02 te 10:02 am

Shkollat ne shqiperi jane mbyllur nga viti 1990.

Përgjigjjuni
Kritiku says:

16 Prill, 2020 13:44 te 1:44 pm

Shume pretendojne se pas 1990 ne shkollen shqiptare ka mbaruar cdo gje.Eshte e vertete se ka shume nxenes e ish nxenes qe nuk kane arritur te marrin formimin e plote.Po te hedhim nje sy te shpejte vetem mjekeve infermierve qe jane shprehur ne kete kohe pandemie do te vihet re se dhjetra jane nga ata qe kane dale nga bangat e shkolles sone.E meta e madhe eshte se shume njerez i kane blere diplomat e shkolless mesme apo te larte,por ata jane bere deputete e politikane dhe jo specialiste.Specialistet mbeten ne hije se nuk i bejne fresk politikes.Mos i vini vizen arsimit duke mohuar cdo gje.Nxenesi,qe do te mesoj,eshte me i informuar se te para 1990-tes,zoteron gjuhe te huaja qe para 1990 ishte luks i pak veteve,njohin mire teknologjine duke i dhene mundesi edhe mesimit on line,kaq i domosdoshem ne kete kohe te veshtire pandemie.Nuk mesohet noti ne toke por ne det.Futuni ne det qe ta mesoni.

Përgjigjjuni
skenderi elbasan says:

16 Prill, 2020 14:25 te 2:25 pm

po i shohim ne elbasan dhe jo vetem atje,
mesueset e reja idiote te lindura,
mesuesit e ri, idiote te lindur

drejtueset e arsimit mediokrre te lindura

dhe hajde pastaj bejme arsimin bashkohor ???????

nxenesit debile te lindur sepse vijne shumica nga familje idiotesh

ja kjo eshte situata ne elbasan

ne rrethe pastaj eshte skandaloze

Përgjigjjuni