Presidenti Thaçi i kërkon Parlamentit ta mbrojë deputetin Pacolli nga kërcënimet e “grupit të Kurtit” me arrestim

Presidenti i Kosovës Hashim Thaçi ka reaguar pas deklaratave të Xhelal Sveclës, aktualisht ushtrues detyre i Ministrit të Punëve të Brendshme ndaj deputetit të AKR’së, Behgjet Pacolli.

Thaçi ka thënë se kërcënimi i Svecles është i papranueshëm dhe tejet i rrezikshëm.

“Kërcënimi që një ushtrues detyre i ministrit të një Qeverie në dorëheqje ia bën ish-presidentit Behgjet Pacolli, lider partiak dhe aktualisht i zgjedhur i popullit në Kuvendin e Kosovës, se do të arrestohet nëse shkon në Kuvend për ta ushtruar mandatin e tij, është i papranueshëm dhe tejet i rrezikshëm për demokracinë tonë të re”, ka thënë Thaçi

Thaçi ka shkruar se kërcënimet nga grupi i Kurtit duhet të ndalen urgjentisht.

“Kërcënimet që vijnë nga grupi i Kurtit dhe të tjerëve duhet të ndalën urgjentisht. Kuvendi i Kosovës duhet ta adresojë këtë kërcenim dhe t’i marrë masat e nevojshme që të mbrohet demokracia në Republikën e Kosovës”, ka shkruar ai në Facebook.

Referuar ministrit në detyrë të Punëve të Brendshme, Xhelal Sveçla, u tha dje se deputeti Pacolli do të ndalohej e ndoshta edhe do të arrestohej, në rast se do të kthehej ilegalisht në Kosovë nga Tirana.

Ai nuk përjashton ndonjë masë edhe tash, nëse Pacolli thyen vetizolimin në shtëpinë e tij.

Sveçla, i ftuar në Interaktiv të KTV-së, tha se Pacolli duhet të qëndrojë në vetizolim për 14 ditë.

“Çdokush që mund të gjindet në shkelje të ligjit do të ballafaqohet me pasojat e kësaj shkelje. Nëse z. Pacolli do të futej ilegalisht do të arrestohej, kjo është e zezë mbi të bardhën. Në fakt, do të ndalohej e më pas prokuroria do të vendoste nëse do të shqiptonte masën e arrestit”, tha ai.

Pas paralajmërimit të ushtruesit të detyrës së ministrit të Punëve të Brendshme, Xhelal Sveçla se kreu i AKR-së, Behgjet Pacolli mund të ndalohet nëse shkon në Kuvend, ka reaguar këshilltari i tij, Jetlir Zyberaj.

Zyberaj e ka quajtur këtë një kërcënim tjetër ndaj Pacollit. Ai ka thënë se kjo është deklaratë e frikshme dhe alarmante. Zyberaj po ashtu ka kërkuar reagimin e kryetares së Kuvendit, Vjosa Osmani.

“I paprecedent deklarimi i ministrit Sveçla, se në rast të mbajtjes së seancës në Kuvend, shkuarja e zotit Pacolli aty si deputet, do të pasonte me arrestimin e tij. Alarmante dhe e frikshme kjo deklaratë.

Si mund të arrestohet njē deputet i zgjedhur nga populli veç pse i kryen obligimet kushtetuese? Reagimi i zonjës Vjosa Osmani është i nevojshëm dhe urgjent ndaj kësaj çmendurie me qëllim frikësimi”, ka shkruar Zyberaj./gazetaexpress

Kushtetuesja i përgjigjet ashpër kërcënimit të Kurtit: Mos prek pavarësinë, respekto vendimet

22:35 Rajoni

Behxhet Pacolli “refuzon” qeverinë e re: E mbështes, por preferoj opozitën

21:42 Rajoni

Reagon Thaçi:Kosova ka tashmë një përvojë të çmueshme në respektimin e të gjitha vendimeve dhe aktgjykimeve të Gjykatës Kushtetuese

19:50 Rajoni

Gjykata Kushtetuese në Kosovë ka dhënë masë pararake sigurie deri më 29 maj për mos formimin e qeverisë, deri në vendimin përfundimtar

19:24 Rajoni

Greqi: Qytetarët në demonstratë për Ditën Ndërkombëtare të Punëtorëve

13:25 Rajoni

"1 Maj 2020 nuk është Dita e Punëtorëve siç e njohim ne"

19:30 Rajoni

E ftoi në debat televiziv, Thaçi i përgjigjet Kurtit: Të kam mundur 20 vite në mënyrë spektakolare

18:43 Rajoni

Hashim Thaçi mandaton Avdullah Hotin si kryeministër të Kosovës

16:33 Rajoni

Thaçi: Heshtja ndërkombëtare po e amniston gjenocidin që ka kryer Serbia në Kosovë

14:59 Rajoni

Behgjet Pacolli "thyhen heshtjen" i përgjigjet Kurtit: Ç’janë këta marksistë që kërcënojnë Ramën se më strehoka mua? Albin të kam hapur dyert e shtëpisë, s'prisja këto sulme të egra

14:15 Rajoni