Te fundit
Aktakuzë me alfabetin cirilik e përkthyer në anglisht
7 Nëntor 2020, 14:49Rajoni
TEMA
Nga Halil Matoshi
Kam lexu aktakuza që nga viti 1981, madje kam qenë dhe vet personazh i të tillave, porse aktakuzë ma t’dobët se kjo e Dhomave Speciale, nuk më ka ra me pa as me dëgju, sëkëndejmi lehtë e rrëxueshme nga një ekip solid avokatësh.
Aktakuzë e mbështetur në stereotipe të UDB-së/BIA-s, si dhe çatipëve të saj, me dëshmi të paqëndrueshme e dëshmitarë të dyshimtë e ekscentrikë në zyrat e Prokurorisë Speciale të Serbisë, në Vrajë, Nish e Beograd!?
Formulime si në ‘Poternicat’ e regjimit fashist të Milošević-it, pa asnjë postulat të besueshëm por me narrativën e njohur denigruese dhe fyese për shqiptarët!?
Mirëpo, si ndodhi që aktakuza kundër ish Presidentit Hashim Thaçi e të tjerëve të shkruhet në Zyrat e Perëndimit por me qasje lindore?
1.Sëpari UÇK, (përkatësisht Shtabi i saj i Përgjithshëm) si ushtri e një populli të dërmuar nga shtypja njëshekullore nga Serbia, barazvlerësohet me ‘një grup të përbashkët kriminal’ (shih aktakuzat e administratës pushtuese serbe ndaj Grupit të Drenicës, Adem Jashari, Hashim Thaçit me shokë, më 1998);
2.Sëdyti, prokurorët kanë shpikur një “grup” ekskluziv të persekutuar nga UÇK, ‘katolikët’, krahas kundërshtarëve politikë shqiptarë, krahas serbëve, romëve e tjerëve!?
Me ketë konstrukt fyes, në thelb për të gjithë shqiptarët, katolikët shqiptarë pandehen si të persekutuar, ndonëse ata luftuan në rreshtin e UÇK-së, si pjesë organike e popullit shqiptar të Kosovës dhe dhanë shumë dëshmorë!?
Ky është një skandal tashmë i përmasave ndërkombëtare, me pasuse që janë marrë ‘pa redaktim’ nga dosjet e Serbisë që ishin hartu gjatë luftës në Kosovë si strategji e përçarjës së shqiptarëve, duke i veçuar katolikët si pro Milošević e duke i dhënë UÇK-së karakter islamik!? E pafalshme për një organ të shkollēs Perēndimore juridike!?
3.Së treti, të gjitha pretendimet për “trajtim mizor” në burgjet e UÇK-së kanë qenë pjesë e aktakuzave kundër pjesëtarëve të UÇK-së, nga UNMIK, TPI për ish Jugosllavinë dhe EULEX-i dhe thuaja asgjë nga ato pretendime kurrë nuk është provu në gjykatë!?
4.Së katërti, Dhomat Speciale pasi dështuan fatalisht me Raportin racist të Dick Martyt për Këshillin e Europës, devijuan nga objekti i themelimit dhe si të pa objekt gjykimi, në planin global, u lëshuan në aventurën ruse të ‘Luftës hibride’ për t’i delegjitimu bombardimet e NATO-s ndaj Serbisë dhe për ta rehabilitu fashizmin serbian!?
5.Kurse në planin lokal, Gjykata Speciale, ka ndërhy politikisht me tendencë me e stigmatizu Qeverinë e Përkohshme të Kosovës, e cila, megjithë gabimet e rânda, e përgatiti vendin për pavarësi, duke u rreshtu me bllokun paqësor për projektin e shtetit sovran kosovar në kufijt e 1974.
6.Me stigmatizimin e UÇK-së, populli i Kosovës privohet nga e drejta elementare e mbrojtjës së jetës dhe lirisë, 24 marsi i vitit 1999 heshtet si të ishte një turp i Perëndimit, kurse pavarësia e legjitimuar nga GjND më 2010 kontestohet!?
Thaçi, Veseli, Krasniqi e Selimi mund të vuajnë personalisht kurse ne, shoqëria kosovare jemi të dënuarit.
Dhe më e dhimbshmja, nuk do të zbulohen kurrë vrasësisit e Xhemail Mustafës, çka do t’i sjellë kësaj shoqërie edhe një traumë të re!?
3 komente në “Aktakuzë me alfabetin cirilik e përkthyer në anglisht”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Akoma e vini në dyshim ju?! Aktakuza është bërë në zyrat e sali kërmës.
Halil Matoshi ky mohues i kombit shqiptar ? je pjese e atij korrupsioni e koalicioni i cili u mor me vjedhje e mashtrime ndaj popullit shqiptar te kosoves ne vend te zhvillimit te shtetit. Tani eshte teper vone qe te gjesh njerez te zot te mbroj e sic duhet shqiptaret dhe UCK ?. Ne vend te dokumentimit te krimeve serbe keta qe jane ne Hage u moren me vjedhje e zullume. E megjithwte si shqiptar uroj qe tja dalin ?
Pikerisht ky qe qan tani,me ato iniciativat e tij pre injoranti çoi uje ne mullirin serb,donte kombin kosovar ky mamluku.