Te fundit
Një mesazh për 6000 deputetët e listës së mbyllur pa “Nishan” dhe komisionin e Gjirit të Lalzit
6 Janar 2021, 17:53Politika
TEMA
Nga Kreshnik Spahiu
Javën e kaluar isha në Shqipëri për të festuar me të afërmit e mi, vitin e ri.
Në një nga restorantet e Tiranës ku po drekoja, takova rastësosht 4 miq dhe mikesha të mia, anëtarë dhe anëtare të kryesisë së Partisë Demokratike.
U ula 5 minuta për të ngritur një dolli dhe për t’i uruar fitoren. Të katërve iu iku ftyra dhe ju ngeli gjeli në grykë.
-Ç’keni ore, ju thashë, sepse gjykova, që ata menduan se po bëja shaka dhe ironi?
-Ç’fitore zeza, mu përgjigj ajo që është anëtarja më aktive në media nga drejtuesit e Partisë Demokratike.
-Kemi tre muaj që duam ta kontaktojmë Lulin por nuk na hap telefonin. I dërgojmë mesazhe por nuk na pret në takim.
Nuk u çudita aspak.
Kjo është një histori që përsëritet tash e 30 vjet.
Kjo nuk është sjellja e Lul Bashës, por e Sali Berishës.
Ai izolohej 6 muaj para zgjedhjeve dhe i publikonte listat e deputetëve 6 minutat e fundit para skadimit të afatit të Komisionit Qëndror të Zgjedhjeve.
E ka pas traditë që t’i vrasë politikisht miqtë e tij në minutën e fundit, me qëllim që mos t’ju japë kohë atyre, as të shkojnë te kundërshtari, por as të kandidojnë si të pavarur në zgjedhje.
Thjesht i djeg të gjithë minutën e fundit pasi ju ka dhënë besën dhe pasi i ka futur në “familje”.
U thashë me qetësi tre miqve të mi në Partinë Demokratike: “Mos e fajësoni Lul Bashën, as Besnikun, as Jarin, as Gencin. Ata janë rob koti. Listat i ka Sali Berisha në Gjirin e Lalzit dhe po i konsulton me familjen e tij”.
A ju kujtohet zhurma dhe reklama e para 6 muajve me “Komisionin e Besnikut dhe Gencit”?
Ishin 6000 kandidatë dhe mbetën 1000 emra për deputetë. Që nga ajo ditë plasi “lufta”.
Listat u futën në sirtarin e Saliut dhe Komisioni i “Besnikëve” u shpall në kërkim.
Nuk i gjen askund. Nuk flasin më për lista dhe konkurrencë.
Ndërkohë aleatët kërkojnë lista nga Basha dhe ai shmanget.
Gënjen çdokënd.
Gënjen Komisionin.
Gënjen aleatët.
Gënjen Kryesinë.
Gënjen kandidatët.
Gënjen jo se është mashtrues, por as ai nuk e di kush do jetë lista, sepse ja jep Sali Berisha minutën e fundit.
Listat e opozitës nuk i bën as Besniku dhe as Jari, por Berisha dhe Meta.
Ata do ndajnë “tortën” e ushtarëve.
Deri atëhere nuk do ketë as mbledhje Kryesie dhe as Komisioni.
Ndërkohë kryetarët e degëve po largohen. Ka plas lufta e hapjes së dosjeve si spiuna.
Modeli “Gurakuqi” nuk është i veçuar. Pas dy muajsh do dalin me mijëra “Gurakuqë”.
Ora e shthurjes totale të opozitës po afron.
Duroni dhe dy muaj dhe do të shikoni.
Ndërkohë Genci, Jari dhe Besniku as familjen e vet nuk do fusin dot në lista.
Ata i duhen Saliut, që pas humbjes së 25 prillit t’i përdorë si alibi, që fajin e humbjes nuk e kishte Lulzimi i tij në parti, por ish-ministrat e vjetër të Komisionit, që do ju humbasë “Nami dhe Nishani”.
3 komente në “Një mesazh për 6000 deputetët e listës së mbyllur pa “Nishan” dhe komisionin e Gjirit të Lalzit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shumë e vërtetë kjo që thotë Kreshniku. Saliu lëviz penjte, Luli është vetëm kukull.
BRAVO KRESHNIK.
ANALIZE E KONKLUZIONE PERFEKTE.
TI UA DI MIRE MENDESITE LULIT, SALIUT E METES.
OPOZITA I THENCIN NUK DI KU ESHTE E KU DO SHKOJ.
EDI RAMA E KA FITOREN TE SIGURTE.
ATA PAK WE BESOJNE TE LULI, SALIU E SHPK E MOIKES SE METES DUHET TI THERRASIN MENDJES TE MOS BEHEN MISH PER TOP.
E bere propaganten kundra PD-se , duke perdorur Berishen si delia e zeze . Po ti tregahesh edhe perparimtar , si kritikon menyren e pastrimit te figures te kandidateve per deputet e cila eshte e domosdoahme te praktikohet tek te gjitha pertite qe do marin pjese ne zgjedhje !!.. Mos duhet te vazhdojme si qemoti , te mandatohen per deputet Derri e Dosa !?. Propagante bej per cil te duash , por mos u mundo te ngarkosh popullin me deputet qe vijne nga bota e krimit . Edhe ti e di se keta deputet –qe mbron ti — do bejne ate , cka kan bere ngjer me sot , por megjithate , ti me vetedie ben davane e dreqit , per ti prish pune popullit !.. Nuk do te mundeni te qorrollepsni popullin duke perdore Berishen –si fantazem — , per te mos u perkrahur nje alterrnative e re , per qeverisie ndryshe .. Ju nukse tregoni nje menyre te re politikberie , por vetem kerkoni te mos ndryshojne metodikat e perdorura ngjer me tani politike , te cilat dhane keto rezultate qe vuajme ne sot , pervec juve dallaveraxhinjeve dhe gjithe lukunise se hajduteve e krimit te te gjitha ngjyrave . A thua tja arrini qellimit , te mashtroni perseri popullin ; nese po , hallall ta keni , ta gezoni “shqiperine tuaj ” !?.