Te fundit
"Duam drejtësi për vrasjen e babit": Flasin dy vajzat e mitura të Aleks Nikës
21 Janar 2021, 17:30Kronika
TEMA
Rajmonda Nikës këto dhjetë vite pa bashkëshortin Aleksin e vrarë nga plumbat e gardës në bulevard në 21 janar, i është dashur të rrisë dy vajzat e mbetura jetime. Nuk e ka patur të lehtë, por si një burrëreshë e vërtetë ia ka dalë.
Në Lezhë e takojmë e takojmë bashkë me dy vajzat. Amelia ishte 2 vjeçe ndërsa Mentila kishte vetëm 1 muaj që kishte lindur kur Aleksit plumbat i morën jetën.
Për herë të parë, me lot në sy, vajzat e Aleks Nikës, gjejnë kurajon të thonë disa fjalë, për mungesën e babait, në një intervistë për gazetarin e Top Channel, Muhamed Veliun.
Mentila Nika: Kam qejf që ata që e kanë vrarë të dalin vetë para të gjithë botës.
Muhamed Veliu:Kur ti shikon fotot e babit çfarë ndjen?
Mentila Nika: Unë ndjej mungesë.
Amelia Nika: Mua babi më mungon shumë. Përveçse kam patur mamin, kam hallat, gjyshin gjyshen. Mami i ka bërë të dyja rrolet. Edhe mamin edhe babin.
Muhamed Veliu: A i shikon shpesh fotot e babit?
Amelia Nika: Po i shof. I them mamit sa i mirë ka qenë babi, do të doja të dëgjoja zërin e tij. Shpresoj që së shpejti ta gjejmë atë njeri që e bëri atë krim dhe të dënohet me dënimin që duhet.
Sfida e Rajmondës këto 10 vite ka qenë të treguarit gradualisht vajzave atë që ndodhi atë 21 janar të kobshëm.
Rajmonda Nika: Ka qenë shumë e vështirë, së pari për ti bindur fëmijët dhe me i tregu disi se si ka rrjedhë ngjarja që ato ta kuptojnë më mirë e të rriten të qeta e pa stres pasi gjithmonë bëjnë të njëjtën pyetje dhe kërkojnë përgjigje. Nuk di se si tja shpjegoj.
Ato janë rritur tani e shikojnë gjërat pak me sy ndryshe, më kuptojnë. Shikojnë fotografitë. Kemi patur mbështetje të madhe nga hallat, prindërit e Aleksit dhe besoj se do ta kalojmë këtë fazë deri atherë sa të rriten edhe të kuptojnë gjithçka.
Mark Nika xhaxhai i Aleksit gjatë këtyre 10 viteve nuk ka reshtur së kërkuari drejtësi.
Mark Nika: Dhjetë vite janë shumë. Ne vuajmë shumë si familje veçanërisht prindërit e tij që janë të vjetër dhe meraku jonë është se ata mund të shkojnë në botën tjetër pa u zbardh e vërteta dhe pa u dënuar fajtorët. Nga Gjykata e Tiranës familja ka marrë dëmshpërblimin e dëmit të shkaktuar nga vrasjet. Duam ti kthejmë paratë. Nuk do të lejojmë që gjaku Aleksit të blehet me para.
Në 7 vite qeverisje socialistët dështuan të bëjnë drejtësi për 21 Janarin, duke mos e përmbushur angazhimin e marrë në Gjykatën e Strasburgut për rihapje të hetimeve. Ndërsa urdhëruesit dhe ata që zhdukën provat e këtij krimi shtetëror, përmes fshirjes së serverëve të kryeministrisë, po kërkojnë votën e shqiptarëve për tu rikthyet në pushtet përmes zgjedhjeve të 25 orillit. (Muhamed Veliu)
4 komente në ““Duam drejtësi për vrasjen e babit”: Flasin dy vajzat e mitura të Aleks Nikës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mallkimi i familjes… SE ALEKS NIKES….. i zente ata qe e vrane(Sali Berishen)….dhe ata qe e derguan aty(Edi Ramen)……
Zoti ju ju ruajt dhe ju ndimoft , por drejtesin kerkojeni me mir ne kish ose ne xhami , veç zoti po ju ndimoj , se nuk ke ku ta kerkosh tjeter drejtesin , kta jan ortak te ter per xhdo gje qe ka ndodhur dhe ndodh ktu tek ne kto 30vjet , tek kryetari partis fashiste te rilindjes mos e mbani shpresen , esht nxenes i Saliut aq sa gjeten drejtesi ata te gerdecit do gjeni dhe ju , nga kryeministri pa moral dhe pa bes ,!i cili ju dha fjalen mori pushtetin e mbajti 10 vjet dhe e harroi baban tuaj te gjor bashk me tre te vraret e tjer , mos u lodhni , jan njelloj nese do ishin ndryshe ju do ta kishit gjetur drejtesin me koh , tashti esht teper von , zoti ju ndimoft , mos kerkoni drejtesi nga Sali Ram lul ilir berisha nuk do ta gjeni kurr.
Drejtesi!!!!!?
As qe behet fjale,ne asnje bourdhelo islamikesh nuk funxionon DHIMOKRATIA.
Keshtu do te vazhdohet edhe per shume shekuj,pune korrakesh varu kkkkkkk…….
Analiza e provave dhe percaktimi i fajtoreve per ngjarjen makabre te 21 janarit eshte nje pune e thjeshte dhe aspak e veshtire.
Te revolton fakti qe duan t’a reduktojne problemin ne veshtiresine per te identifikuar armen qe vrau deshmorin Aleks Nika,ne nje kohe kur eshte e qarte dhe e pranuar ,bile me mburrje, nga vete autori i ketij krimi shteteror, se kush ishte personi qe urdheroi perdorimin e armeve kunder turmes se demostrueve paqesor.
Sali Berisha , ish Kryeminister i asaj kohe,eshte autori i padiskutueshem i ketij krimi shteteror.Bashkepunetore te tij jane ata qe zbatuan urdherin e tij kriminal me pasoje vrasjen e 4 personave dhe plagosjen e shume te tjereve,si ish ministri i brendshem,:Lulezim Basha,Ilir Meta,ish koman danti i Gardes etj.
Sali Berisha ishte ne Kryeministri ate dite dhe asnje veprim nuk mund te kryhej,nga kushdoqofte, pa urdherin ose miratimin e tij.Kete ai e ka shprehjur edhe vete, piublikisht, kur ka thene se mund te urdheronte edhe vrasjen e 300 personave,ose se nuk ishte pare Edi Rama qe te urdheronte snanjperet per te qelluar mbi te ,per t;a vrare.Cfar i duhet me teper organeve te hetimit dhe gjykates per t;a akuzuar e gjykuar ate si autorin e ketij krimi? Nje shkak ligjor per te rifilluar ceshtjen do te ishte, sepaku,pyetja e Sali Berishes si “deshmitar”
Kjo ngjarje e trishtueshme flet qarte per faktin se organet e drejtesise kane qene ne ate kohe dhe tashti ,pas vettingjut,nen urdherat e drejtuesve politike te vendit.
Per sqarimin dhe zgjidhjen e ketij problemi do te ishte me vlere te madhe edhe hetimi i personave te implikuar si perkrahes pas kryerjes se krimit(mjeket qe “konfirmuan” vfrasjen nga distanca e afert)etj.dhe te tjereve qe jane bere te njohur per qendrimet e tyre ,deri ne ditet e sotme ;per mbulimin e ketij krimi.
Ne keto rrethana mund te thuhet se sistemi i drejtesise ,nese nuk vendoset marrja si i pandehur e Sali Berishes etj,edhe sot,pas reformes ne drejtesi,mbetet po ai i mepareshmi e kjo nuk duhet pranuar e lejuar,jo nga partite politike ,por nga i gjithe populli i cili duhet te shprehet per kete problem madhor ne te gjitha menyrat dhe format e lejuara nge ligjet ne nje shtet me demokraci funksionale.