Te fundit
"Qëndroi 70 ditë në morgun e Vlorës"! Meta "dublon" Manastirliun: E papranueshme! S’do të lejoj më ngjarje tronditëse
24 Mars 2021, 19:31Politika
TEMA
Presidenti Ilir Meta, me anë të një reagimi në “Facebook” shkruan se është një skandal i paparë, rasti i denoncuar në një emision investigativ, ku thuhet se një pacient ka vdekur në Spitalin e Tiranës dhe trupi i vdekur i tij është mbajtur për 70 ditë në frigorifer.
Meta thekson se të tilla ngjarje janë të papranueshme, dhe nuk do te lejoje me që të ndodhin në Shqipërinë e vitit 2021.
Me sa duket kreu i shtetit ka vendosur te marre persiper dhe Shendetesine, duke “dubluar” ministren Ogerta Manastirliu!
Postimi i plotë i Ilir Metës:
E kam ndjekur me shumë vëmendje dhe tronditje të thellë denoncimin e rëndë, të bërë publik fillimisht në emisionin investigativ “Boom”, të familjarëve të qytetarit të ndjerë Luan Zeqiri, të cilëve ju shpreh ngushëllimet më të ndjera për humbjen e njeriut të tyre të dashur.
Sipas familjarëve, shtetasi Luan Zeqiri ishte shtruar në datën 27 dhjetor 2020 në spitalin e Vlorës dhe kishte ndërruar jetë në datën 6 janar 2021 në një prej spitaleve COVID në Tiranë. Sipas tyre trupi i pajetë është mbajtur në morg prej 70 ditësh dhe vetëm pas denoncimit në media dhe insistimit të tyre është tërhequr prej andej vetëm pak ditë më parë. Nga 27 dhjetori 2020 deri më 18 mars 2021, familjarët nuk janë informuar për humbjen e jetës së të afërmit të tyre, por sa herë kanë vizituar spitalin e Vlorës gjatë kësaj periudhe për t’u interesuar për gjendjen e tij, kanë dorëzuar aty edhe ushqime për të.
Më pas familjarët janë sorrollatur sa në Vlorë e në Tiranë, duke mos u informuar mbi vendodhjen e tij, aq më keq, që i ndjeri Luan Zeqiri kishte ndërruar jetë. Kam pritur nga institucionet përgjegjëse të reagonin me transparencë për këtë denoncim tronditës, por konstatova me keqardhje mungesën e një përgjigjeje shteruese publike. Nuk ka asnjë justifikim, as ligjor, e aq më pak njerëzor për këtë rast, që është treguesi më i shëmtuar dhe antihuman i keqmenaxhimit të situatës pandemike dhe mënyrës së funksionimit dhe koordinimit të sistemit shëndetësor në tërësi.
Kur një qytetar që ka ndërruar jetë, mbahet për 70 ditë në morg, pa njoftuar familjarët e tij, atëherë çfarë mund të mendojmë të ketë ndodhur me saktësinë e të dhënave të raportuara të pandemisë?!
Për këtë ngjarje të rëndë, nuk ka asnjë justifikim, pasi shteti i ka të gjitha mekanizmat për të përmbushur detyrimet e tij. Ky rast alarmant dhe i dënueshëm ligjërisht, duhet të verë menjëherë në lëvizje jo vetëm institucionet e përfshira për të kryer një hetim të thelluar administrativ, por më së pari organin e Prokurorisë, që si President i Republikës, i bëj thirrje të fortë të nisë pa vonesë hetimin e ngjarjes dhe zbardhjen e të gjitha veprimeve të personelit mjekësor dhe administrativ, që ka qënë në dijeni të kësaj ngjarjeje dhe të vërë para përgjegjësisë këdo, që ka vepruar në shkelje të ligjit.
Gjithashtu, i bëj thirrje stukturave përgjegjëse spitalore apo të mjekësisë ligjore, t’i vendosin në dispocion familjarëve, pa zvarritje të mëtejshme, të gjithë dokumentacionin e kërkuar. Duke e falënderuar emisionin investigativ “Boom” dhe median në përgjithësi për rolin e rëndësishëm, që po luan në këtë periudhë pandemie, u bëj thirrje Qeverisë dhe të gjithë institucioneve në varësi të saj, që kanë përgjegjësi në menaxhimin e situatës pandemike, të koordinohen, të bashkëpunojnë, të asistojnë dhe t`u përgjigjen në kohë kërkesave të qytetarëve dhe të afërmve të tyre të prekur nga COVID-19, të veprojnë me transparencë dhe mbi të gjitha me humanizëm. Është e papranueshme dhe do angazhohem me të gjitha energjitë e mia të mos lejoj më të tilla ngjarje tronditëse e të dënueshme që të ndodhin në Shqipërinë e vitit 2021.
4 komente në ““Qëndroi 70 ditë në morgun e Vlorës”! Meta “dublon” Manastirliun: E papranueshme! S’do të lejoj më ngjarje tronditëse”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
“Do i shpiesh me duarte e tua ne burg” , besoj. Te hengert mortja si te ka ngrene e nuk e shikon qe ta ka marre nje pjese te trupi nga larte , o president mavria! Ate Vloren e ke qejf ti se i ke ardhur verdalle nja dhjete here naten e diten duke bere mbledhje si ne kohen e luftes neper zgeqe te Vranishtit te Vlores, bile pashe dhe reklamen e nje vajze te atij fshati qe e paske korruptuar per ta bere deputete te lsi-se. Ta paska realizuar Bardhoshi porosine qe i dhe . Kushedi se sa para do keshe dhene andej, por mire bere fundja: Edi Rama u beri rrugen, ti u dhe para cashe. Konkuroni njeri tjetrin. Po ne Pilur, Po ne Drashovice, po ne ate lagjen e Vlores, po tek ajo shtepia qe shkove naten, po ta punuan, te kishin filmuar kur zbrisje nga shkallet. U bere legen materniteti, president! Kur te ikesh, do numurojme se sa jane shqiptaret se u ke dhene nenshtetesi qe nga Australia e deri Zimbabve qe nga Mexika e deri ne Siberine e larget, por do numurojme edhe se ka ngele njeri ne Shqiperi pa marre dekorate nga ana jote?! Pastaj do i mbledhim dhe ti çojme per skrap bashke me ty.
Keshtu do ta mbajne edhe Ilir floririn bile ne minus 150 grade…..
Ky matuf eshte gati te kapet pas cdo te vdekuri per interesin e vet.E gjithe kjo histori kercet .Pse duhet ta mbanin 70 dite ne morg te ndjerin kur nga morgu po dalin perdite nga 15 -20 te vdekur?.
Ilır mos u mbaje ne leshte bythes se nuk te mbajne dot,