Te fundit
Vaksinimi masiv, Eugena Tomini shpjegon se si procedohet
29 Mars 2021, 09:14Sociale
TEMA
Zëvendësministrja e Shëndetësisë, Eugena Tomini, në një lidhje direkte me “Dita jonë” në A2 sqaroi se si bëhet njoftimi i personave që do të marrin vaksinën, tani që në vendin tonë nisi vaksinimi masiv.
“Komunikimi vjen nga mjeku i familjes dhe ai të orienton ku të shkosh. Dje kemi pasur raste që kanë ardhur edhe pa lajmërimin e mjekut. Sigurisht që nuk janë kthyer. Por, orientimi bëhet nga mjeku i familjes mbi kriteret dhe procedurat e vaksinës”, u shpreh Tomini.
Sipas saj, “fakti që nisi një vaksinim masiv është i kënaqshëm për të gjithë. Ky proces do të shtojë imunizimin dhe do të eliminojë format e rënda të sëmundjes, shtrimet në spital dhe numrin e viktimave. Vaksina nuk mbron 100%, por ndihmon në arritjen e këtyre 3 objektivave”.
“Aktualisht kemi kryer mbi 70 000 vaksina që nga janari. Fillimi ishte me sasi shumë të ulët të vaksinave, sot po vijohet me fashën 80+ në të gjitha qendrat shëndetësore. Në pikat masive vijon fasha 70-79. I gjithë imunizimi i kësaj fashe do të bëhet me dozat aktuale”, theksoi zv/ministrja e Shëndetësisë.
Kur u pyet se kush nuk rekomandohet që ta bëjë vaksinën, Tomini radhiti këto kategori: “Gratë shtatëzëna, individët që kanë emboli të çfarëdolloj kategorie, ata që kanë probleme epilepsie dhe ata me forma neurologjike të ndryshme”.
Lini një Përgjigje
Më të lexuarat
24 oret e fundit
Javen e fundit
Blog Tema
