Te fundit
Shkodra është e para
29 Prill 2021, 09:46Politika
TEMA
Nga Ilir Beqaj
Të dashur banorë të Shkodrës, Malësisë së Madhe, Pukës, Vaut të Dejës dhe Fushë Arrëzit,
Liria e zgjedhjes është një parim universal i botës demokratike.
Ashtu si në të gjithë Shqipërinë, edhe ju e bëtë zgjedhjen tuaj në 25 prill 2021 dhe tashmë zgjedhja juaj është lexuar qoftë për subjektet politike, qoftë për kandidatët.
Kam disa falenderime, përgëzime, urime dhe ndjesa, të cilat të cilat po i rradhis më poshtë.
Faleminderit të gjithëve ju që morët pjesë në këtë manifestim demokracie dhe me qytetarinë tuaj kontribuat me dinjitet në një proces shumë të rëndësishëm zgjedhor.
Faleminderit gazetarëve, kameramanëve, reporterëve të mediave lokale në Shkodër për profesionalizmin dhe paanshmërinë me të cilën përcollën tek publiku aktivitetet e fushatës zgjedhore.
Faleminderit të gjithë njerëzve, sipërmarrësve, bizneseve të vogla, të vetpunësuarve, fermerëve, peshkatarëve, veteranëve, pensionistëve, personave me aftësi ndryshe, të papunëve, studentëve, mësuesve, personelit shëndetësor, operatorëve turistikë, grupeve të interesit që patën durimin të dëgjonin ofertën e PS-së për Shkodrën.
Faleminderit të gjithë kandidatëve të të gjitha subjekteve politike për garën e ndershme gjatë fushatës dhe luajalitetin në ditën e votimit dhe në procesin e numurimit sepse besoj se bashkarisht ia dolëm të tregojmë qytetarinë e Shkodrës në këtë moment shumë delikat për vendin tonë.
Faleminderit të gjithë 30,296 vajzave dhe djemve, grave e burrave votues të Partisë Socialiste në qarkun Shkodër.
Faleminderit të gjithë anëtarëve të Partisë Socialiste, patronazhistëve, simpatizantëve dhe mbështetësve tanë për energjinë pozitive të përcjellë gjatë gjithë fushatës zgjedhore.
Faleminderit kryetarëve të PS në bashkitë e qarkut.
Faleminderit kryetarëve të bashkive të qarkut, Toninit, Markut, Gjonit dhe Franit.
Faleminderit të 11 kolegeve dhe kolegëve kandidatë të listës së Partisë Socialiste për angazhimin maksimal.
Një falenderim të veçantë kam gjithashtu edhe për familjen time, vajzën dhe bashkëshorten, që më mbështetën dhe më inkurajuan papushim gjatë këtyre muajve, në këtë sfidë të vështirë zgjedhore.
Përgëzime të gjithë kandidatëve fitues nga të gjithë subjektet politike që do të përfaqësojnë qarkun e Shkodrës në Kuvendin e ardhshëm.
Urime të veçanta për Edonën, Paulinin dhe Benetin që do të përfaqësojnë socialistët e qarkut Shkodër në Kuvendin e ardhshëm.
Shqiptarët, qartësisht kanë zgjedhur Partinë Socialiste si forca progresiste, të cilës iu besua për të tretën herë vazhdimi i misionit për ndërtimin e Shqipërisë, në të cilën të rinjtë të projektojnë të ardhmen e tyre. Si shumë prej jush jam shumë i gëzuar që Partia Socialiste është forca fituese e këtyre zgjedhjeve. Por më së shumti, për vetë Shkodrën. Sepse, 4 vjeçari i ardhshëm do të jetë realisht një 4 vjeçar transformimi rrënjësor për Shkodrën.
Objektivi bazë në këto zgjedhje për Partinë Socialiste ishte 4 mandate deputetësh. Ky objektiv nuk u përmbush. Dhe unë, padyshim, kam detyrimin t’i kërkoj ndjesë sot socialistëve shkodranë.
Jam përpjekur të bëj maksimumin tim, por ja që nuk ka mjaftuar.
Sipas zgjedhjes suaj, unë nuk do të jem në Kuvendin e ardhshëm si përfaqësues i juaji. E dëshiroja shumë të kisha privilegjin të kontriboja edhe unë për Shkodrën.
Gjithsesi, Shkodra është e para.
Deputetët shkojnë e vijnë. Në fund të fundit, kjo është demokracia ku kemi vendosur të jetojmë. Kjo është demokracia për të cilën shkodranët janë martirizuar më shumë se kushdo tjetër në Shqipëri. Jeta na ofron të gjithëve mundësi të pafundme për të bërë mirë dhe me përkushtim atë që mendojmë dhe besojmë se mund të bëjmë.
Me përulje dhe sinqeritet,
Ilir Beqaj
5 komente në “Shkodra është e para”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ik ore hajdut ordiner
Letër e bukur! Gjithsesi njerëzit nuk janë budallenj. Janë ca njerëz, që me bëmat e tyre, shënojnë edhe fatin e tyre. Sado të përpiqen, nuk mund t’i ndryshojnë gjërat, në të kundërt do e kishin thyer herësin. Sidoqoftë, ashtu është, deputetët shkojnë e vijnë, por Shkodra aty mbetet dhe ka nevojë për ndihmë. Ka nevojë realisht për ndihmë, që t’i hapen sytë dhe të investohet për rininë, për shpresën, për edukimin, arsimimin dhe mundësi punësimi për ta. Në të kundërt, ka marrë fund Shkodra! Ata që po e drejtojnë dhe mbajnë peng, i kanë hipnotizuar shkodranët, prandaj SOS SHKODRA! Që të mos rreshtohet me nivelin intelektual të njerëzve mediokër që e kanë vënë nën thundër. Mëshirë i kërkohet vetëm Zotit, por Shkodra është për mëshirën e Zotit! Kaq poshtë ka rënë.
Se ke merituar mandatin! se nuk ke punuar per njerezit qe te kane votuar para 4 viteve,dhe shperblimin e more ! Suksese ne jete.
Genjeshtari “Shkodrani qe te ka votuar para 4 vitesh” je thjesht nje mashtrues.
Genjen pa pike turpi o shkodrani qe e ke votuar para 4 vitesh se z.Beqaj nuk ka qene deputet ne Shkoder para 4 vitesh por ne Diber.
Ne Shkoder para 4 vitesh ka qene Ditmir Bushati.
Zoterinjsh……qofsha i gabuar, por do te doja ta degjoja kete deklarate nga eksponente te PD qe kane humbur, dhe atehere mund te besoja qe keta tipa e duan demokracine ashtu sic pretendojne…..demokracia eshte mbi te gjitha, te respektosh mendimin ndryshe dhe te pranosh humbjen kur te vjen ajo,,perndryshe je nje diktator ne shpirt